लिम्वूवान डट व्लगस्पोट डटकम,बिर्तामोड
पक्राउ परेका आफ्नो दुइ कार्यकर्ताको रिहा गर्न माग गर्दै मञ्चसम्बद्ध संघीय लिम्बुवान राज्य परिषद्का कार्यकर्ताले शुक्रबार चारआलीमा आधा दर्जन सवारीसाधन तोडफोड गरेका छन् । तोडफोड गरिएका सवारीसाधनहरुमा मे१ख ९११ नं. को बस, मे१ख ११०९ र बा५च १४३ नम्बरको दुध बोक्ने ट्याङ्कर रहेका छन् । त्यसैगरी मे१च ११५, मे१च ७६० नम्बरको निजी पिक अप भ्यान पनि तोडफोड भएको इलाका प्रहरी कार्यालय काकडभीट्टाले जनाएको छ ।
घटनामा संलग्न २ जना लिम्बुवान कार्यकर्तालाई प्रहरीले पक्राउ गरी जिल्ला प्रहरी कार्यालय झापामा राखेको छ । तीन दिनअघि इलामको किटेनीमा ढाट राखेर रकम असुली गर्दै गर्दा २ जना लिम्बुवान कार्यकर्तालाई प्रहरीले पक्राउ गरेको थियो । संघीय लिम्बुवान राज्य परिषद्ले ढाट सञ्चालन गरिरहेको बेला स्थानीय प्रशासनले आफ्नो कार्यकर्ता पक्राउ गरेको विरोधमा शुक्रबार मेची राजमार्ग बन्द गरेको जनाएको छ ।
परिषद्का महासचिव मिसेकहाङ थाम्सुहाङले शुक्रबारै विज्ञप्ति जारी गरी शनिबारदेखि महेन्द्र राजमार्ग बन्द गरी सरकारी आर्थिक संयन्त्रमा बाधा पुर्याउने जनाइएको छ । विभिन्न ठाउँमा ढाट राखेर 'कर' संकलन गर्नुलाई सरकारले अवैध भने पनि परिषद्ले राज्यले निर्णय गरे अनुसार जल, जंगल र जमिनमाथिको अधिकारमा स्थानीयवासीको सुनिश्चितता गर्न ढाट राखिएको दावी गर्दै आएको छ ।
यता इलाम समाचारदाताका अनुसार बिहीबारदेखि अवरुद्ध मेची राजमार्ग खुलाउने सवालमा जिल्ला प्रशासन कार्यालयमा शुक्रबार बसेको बैठक विना निष्कर्ष टुङ्गीएको छ । संघीय लिम्बुवान राज्य परिषद्बाट छुट्टीएको कुमार लिङदेनले नेतृत्व गरेको संघीय राष्ट्रिय लोकतान्त्रिक मञ्चले पक्राउ परेका आफ्नो कार्यकर्ता प्रहरीले रिहा नगरेसम्म यातायात अवरुद्ध गर्ने अडान नछाडेपछि वार्ता निष्कर्षवहिन
टुङ्गीएको छ ।
घटनामा संलग्न २ जना लिम्बुवान कार्यकर्तालाई प्रहरीले पक्राउ गरी जिल्ला प्रहरी कार्यालय झापामा राखेको छ । तीन दिनअघि इलामको किटेनीमा ढाट राखेर रकम असुली गर्दै गर्दा २ जना लिम्बुवान कार्यकर्तालाई प्रहरीले पक्राउ गरेको थियो । संघीय लिम्बुवान राज्य परिषद्ले ढाट सञ्चालन गरिरहेको बेला स्थानीय प्रशासनले आफ्नो कार्यकर्ता पक्राउ गरेको विरोधमा शुक्रबार मेची राजमार्ग बन्द गरेको जनाएको छ ।
परिषद्का महासचिव मिसेकहाङ थाम्सुहाङले शुक्रबारै विज्ञप्ति जारी गरी शनिबारदेखि महेन्द्र राजमार्ग बन्द गरी सरकारी आर्थिक संयन्त्रमा बाधा पुर्याउने जनाइएको छ । विभिन्न ठाउँमा ढाट राखेर 'कर' संकलन गर्नुलाई सरकारले अवैध भने पनि परिषद्ले राज्यले निर्णय गरे अनुसार जल, जंगल र जमिनमाथिको अधिकारमा स्थानीयवासीको सुनिश्चितता गर्न ढाट राखिएको दावी गर्दै आएको छ ।
यता इलाम समाचारदाताका अनुसार बिहीबारदेखि अवरुद्ध मेची राजमार्ग खुलाउने सवालमा जिल्ला प्रशासन कार्यालयमा शुक्रबार बसेको बैठक विना निष्कर्ष टुङ्गीएको छ । संघीय लिम्बुवान राज्य परिषद्बाट छुट्टीएको कुमार लिङदेनले नेतृत्व गरेको संघीय राष्ट्रिय लोकतान्त्रिक मञ्चले पक्राउ परेका आफ्नो कार्यकर्ता प्रहरीले रिहा नगरेसम्म यातायात अवरुद्ध गर्ने अडान नछाडेपछि वार्ता निष्कर्षवहिन
टुङ्गीएको छ ।
No comments:
Post a Comment