दुइवटा नाउ पल्टँदा पाँचजना यात्रु बेपत्ता

लिम्वूवान डट व्लगस्पोट डटकम,काठमाडौं

सुनसरी जिल्लाको हरिपुर भण्टाबारी र पश्चिम कुशाहाको जुधगन्ज क्षेत्रमा बिहीबार दुइवटा नाउ पल्टँदा पाँचजना यात्रु बेपत्ता भएका छन् । दुवै घटनामा नाउ पल्टिएर नदीमा खसेका अन्य आठजनालाई भने सकुशल उद्धार गरिएको छ । सुनसरीको पश्चिम कुशाहा-८ स्थित जुधगन्जमा सातजना यात्रु लिएर लौकही जाँदै गरेको नाउ पल्टँदा नदीमा खसेका सातजनामध्ये दुइजनाको सकुशल उद्धार गरिएको र पाँचजना यात्रु बेपत्ता भएको सुनसरी प्रहरीले जनाएको छ ।यसैगरी हरिपुरको भण्टाबारी इलाकाको कोसी नदीमा छजना यात्रु लिएर लौकही जाँदै गरेको नाउँमा सवार सबै यात्रुलाई सकुशल उद्धार गरिएको प्रहरीले जनाएको छ । बेपत्ता भएकाहरुको खोजीका लागि प्रहरी टोली पठाइएको जिल्ला प्रहरीले जनाएको छ ।