वाइसिएल र युथ फोर्सका कार्यकर्ताबीच झडप

लिम्वूवान डट व्लगस्पोट डटकम,काठमाडौं

गोरखाको आरुचनौटेमा माओवादी युवा संगठन वाइसिएल र एमाले युवा दस्ता युथ फोर्सका कार्यकर्ताबीच आइतबार राति झडप भएको छ । झडपमा परी युथ फोर्सका पाँच कार्यकर्ता घाइते भएका छन् ।आफ्ना चारजना कार्यकर्ता सम्पर्कबाहिर रहेको युर्थ फोर्सले जनाएको छ । वाइसिएल आक्रमणको बिरोधका युथ फोर्सका कार्यकर्ताले सोमबार बिहानैदेखि आरुघाटलगायत गोरखाका मुख्य बजारमा प्रदर्शन गरिरहेका छन् ।सदरमुकाम गोरखा बजारमा युथ फोर्सको गठन गरेर गाउँ फर्कने क्रममा आरुचरौटे गाबिसको आरुटारमा संगठनको भेला र प्रशिक्षणमा सहभागी वाइसिएल कार्यकताले एक्कासी आक्रमण गरेका थिए । झडपपछि सम्पर्कबाहिर रहेका फोर्सका एक कार्यकता भने बिहान सम्पर्कमा आएको र अन्यको खोजी भइरहेको प्रहरीले जनाएको छ ।