बर्डफ्लुको संक्रमण १० हजार ३५६ वटा पक्षी नष्ट

लिम्वूवान डट व्लगस्पोट डटकम,काठमाडौं
बर्डफ्लुको संक्रमण देखिएको झापाको काँकडभिट्टामा प्राविधिक टोलीले दुइ दिनयता १० हजार ३५६ वटा पक्षी नष्ट गरेको छ । सोमबार आठ हजार ७५० कुखुरा, ११ हाँस र ११ परेवा नष्ट गरिएको छ भने १ ५८ वटा अण्डा र ८५ किलो कुखुराको दाना नष्ट गरिएको अधिकारीहरुले जनाएका छन् ।यसअघि आइतबार एक हजार ४ सय ७२ कुखुरा, चारवटा हाँस, छ वटा परेवा र ३५८ वटा अण्डा नष्ट गरिएको थियो । प्राविधिक टोलीले प्रभावित क्षेत्र सतिघट्टा, भण्टाखोला, मेचीडाँडा, प्याराभिट्टा र बर्मेली कुखुरा फार्मबाट पक्षी तथा पक्षीजन्य पदार्थ नष्ट गरेका हुन् ।