अयोग्य लडकुद्वारा मध्यपश्चिम बन्द

लिम्वूवान डट व्लगस्पोट डटकम,काठमाडौं

दाङ पुस १५- अयोग्यताको बिल्ला फिर्तालगायतका माग राखेर बहिर्गनमा परेका पूर्व माओवादी लडाकुले आह्वान गरेको बन्दका कारण शुक्रवार बिहानैदेखि दाङलगायत मध्यपश्चिमका सम्पूर्ण जिल्लाको जनजीवन प्रभावित भएको छ।दाङ, सल्यान ,रुकुम ,रोल्पा,प्युठान, सुर्खेत, दैलेख, कालिकोट र जाजरकोट सहितका जिल्लामा बन्दको असर परेको छ। दाङबाट छुट्ने लामो तथा छोटो दुरीका सवारी साधन चलेका छैनन् भने बजार र शिक्षणसस्था पनि ठप्प छन्। राज्यले आफूहरुलाई अपमानपूर्ण तरिकाले अयोग्य भन्दै शिविरबाट निष्काशन गरेको भन्दै अयोग्यताको बिल्ला खारेज गरिनुपर्ने, आफूहरुको उचित व्यवस्थापन गरिनुपर्ने, अयोग्य लडाकुका लागि संयुक्त राष्ट्रसंघबाट प्राप्त रकम सार्वजनिक गरिनुपर्ने लगायतका माग अघि सारेका छन्। बन्दमा अत्यावश्यक सेवाका एम्बुलेन्स, शववाहन बारुण यन्त्र, कुटनीतिक नियोग, पर्यटक तथा सञ्चारकर्मी र अधिकारकर्मीका सवारी साधन भने चलेका छन।