News

Oct 17, 2013

किराँत याक्थुङ चुम्लुङ नेपाल ईजरायलले बिबिक्युको कार्यक्रम आयोजना

लिम्वूवान डट व्लगस्पोट डटकम,काठमाडौं 
किराँत याक्थुङ चुम्लुङ नेपाल ईन ईजरायलले यहि २०१३ अक्टुबर १२ तारिक सनिबारको दिन भब्य बिबिक्युको कार्यक्रम आयोजना गरेको थियो। प्रताप मादेनको अध्यक्षतामा रहेको सो कार्यक्रममा लिम्बुजाती मात्र नभएर गैर लिम्बुहरुको पनि उपस्थिती थियो। कार्यक्रममा स्वागत मन्तब्य उपाध्यक्ष कृष्ण
कला वनेमले दिनु भएको थियो। साथै संस्थालाई कसरी मजबुत बनाएर अघि बढाउँने अनि यो सस्थाले कसरी नेपालमा रहेका गरिब, दु:खि, पिडीतहरुलाई सहयोग गरेर सामाजिक सेवा गर्न सकिन्छ भन्ने बिषयलाई लिएर सह सचिब ममता लिम्बु, सल्हाकार निर्मला लिङदेन बस्नेत, चन्द्र आङ्देम्बे, सक्रिय सदस्य आशा लिम्बु, दिपा लिम्बु, नयन ईम्शङ, अम्बेबर शाँबा र सागर तुम्बापोले आफ्नो आफ्नो बिचारहरु राख्नु भएको थियो। कार्यक्रममा च्याब्रुङ नाच, मंलान नाच, धान नाच प्रस्तुत गरिएको थियो।त्यो हाम्रो रमाईलो संकृतिमा ईजरायलीहरुले पनि हाम्रो साथमा साथ मिलाएर च्याब्रुङ अनि धान नाचेका थिए। अन्त्यमा अध्यक्ष प्रताप मादेनज्युले सस्थालाई डगमगाउँन नदिकन अगाडी बढाउँने ढृड आत्म बिश्वास सबैलाई दिलाउँदै आफ्नो गहकिलो बिचारहरु राखेर कार्यक्रम समापन गर्नु भएको थियो भने कार्यक्रमलाई अत्यान्तै रमाईलो र सान्दर्भिक तरिकाले जीवन थक्लुङ ज्युले संचालन गर्नु भएको थियो।


संघीय लिम्बुवान राज्य परिषद इजरायलमा प्रबाश समिती गठन

लिम्वूवान डट व्लगस्पोट डटकम,काठमाडौं
इजरायल - संघीय लिम्बुवान राज्य परिषद इजरायलमा नयाँ समिती गठन भएको छ । लिम्बुवानी मित्रहरु चन्द्रकुमार आङ्देम्बे र माया चेम्जोंङको सक्रियतामा किरात याक्थुङ चुम्लुङ इजरायलको अध्यक्ष प्रताप मादेनज्यूको संयोजकत्वमा भएको थियो । उक्त कार्यक्रममा इजरायलमा कार्यरत ९ जिल्ला लिम्बुवानवासी लगायत पर्यवेक्षकहरुको भब्य उपस्थिति थियो । कार्यक्रम इजरायलको तेल्लबिभमा भएको थियो ।
 नयाँ समितिको नामावली :-
 अध्यक्ष -चन्द्रकुमार आङदेम्बे
१. उपाध्यक्ष- माया चेमजोङ
२. उपाध्यक्ष-आशा लिम्बु
३. उपाध्यक्ष-अम्बेबर लिम्बु
 सचिब-रोहिता लिंङ्देन
सह-सचिब-कृष्णकला वोनेम
अर्थ सचिब -निर्मला लिंङ्देन
सह-अर्थसचिब -ईशा लावती
 सदस्य :-
 १. कुमार आङदेम्बे
२. बिष्णु खेवाङ
३. माया वनेम
४. जीवन थोकलुंग
५. सुरज तुम्बापो
६. मनु तुम्बापो
७. सुमन कन्दङवा
८. नुमा बोखिम
९. मदन बोखिम
१०. कंचन बोखिम
 संयोजक: मंचसम्बद्ध संघीय लिम्बुवान राज्य परीषद प्रवास कार्य समिती ईजरायल ।

Oct 13, 2013

मंगल ग्रहमा पानीको संकेत

लिम्वूवान डट व्लगस्पोट डटकम,काठमाडौं 
न्युयोर्क - अमेरिकी अन्तरिक्ष एजेन्सी नासाको क्युरियोसिटी रोबरले मंगलग्रहमा पानीकोसंकेत दिएको छ। रोबरले मंगलको माटोमा तातोपना दिएपछि त्यहाँबाट बाफ निस्केको थियो। त्यो बाफ एच २ ओ भएको बताइएको छ। मंगलको माटोमा पानी भएको क्युरियोसिटीको अनसुन्धानकर्ता लारी लेसिनले 'साइन्स म्यागजिन' सँग बताएकी छिन्। एक घन फुट धुलोमा १ सय डिग्रीसम्म ताप दिने हो भने भने दुइ पोइन्ट अर्थात करीब एक लिटर पानी प्राप्त हुने उक्त म्यागेजिनमा उल्लेख गरिएको छ । 'अन्तरिक्षको लागिपानी राम्रो खबर हो तर यो खराब खबर पनि हो,' लेसिनले भनेकी छिन्। यसले परक्लोरेट थाइराइडमाअसर गर्न सक्ने बताइएको छ। यदि मानिसको शरीरमा यो धुलो पर्न गएमा समस्या हुने उनको भनाइ छ। साइन्स म्यागजिनमा प्रकाशित अरु तीनवटा शोधमा समेत मंगलमा प्राप्त माटोको बारेमा चिन्ता व्यक्त गरिएको छ।

गाउँगाउँमा भोट माग्दै बाबुराम

लिम्वूवान डट व्लगस्पोट डटकम,काठमाडौं 
गोरखा- नजिकिँदै गरेको संविधान सभाको निर्वाचनमा भोट माग्ने नेतालाई दसैंले साइत जुराइदिएको छ। दसैंको रमझमभन्दा पनि उम्मेदवारले चुनावी रमझमलाई महत्व दिएका छन्। एकीकृत माओवादीका नेता तथा पूर्व प्रधानमन्त्री बाबुराम भट्टराई गोरखा क्षेत्र नम्बर १ मा भोट माग्न ब्यस्त छन्। महानवमीको दिन बिहानै अश्राङ गाविसमा अयोजित कोण सभामा भट्टराईले चुनावमा सहभागी हुन सबैलाई अनुरोध गरे। शनिबार गोरखा आएर ६ वटा कोण सभालाई सम्बोधन गरी अश्राङ बसेका उनी अहिले बोर्लाङ, नाम्जुङमा आयोजित आधा दर्जन कोण सभामा सहभागी हुने एमाओवादीका जिल्ला नेता यानप्रसाद भट्टले जानकारी दिए। चाडवाडको समयमा घर फर्कर्नेहरु धेरै हुने र मतदाता भेटघाट पनि प्रभावकारी हुने भएपछि बाबुराम दसैंमा भोट बटुल्दै हिँडेका हुन्। भट्टराई दशमीको दिन सोमबार दिउँसो सदरमुकाम फर्कर्ने कार्यक्रम तय भएको छ। अघिल्लो पटक गोरखा क्षेत्र नम्बर २ बाट विजयी बनेका भट्टराई यस पटक १ बाट उम्मेद्वार बनेका छन्।

सन् २८८० मा पृथ्वीमा प्रलय हुनसक्छ : नासा

लिम्वूवान डट व्लगस्पोट डटकम,काठमाडौं 
यसअघि पनि पृथ्वी ध्वस्त हुनै लागेका विभिन्न खाले भविष्यवाणी तथा समाचार आएपनि कसैले दाबी प्रमाणित गर्न सकेनन् र पृथ्वी ध्वस्त भएन । त्यसैले पृथ्वी ध्वस्त हुने भन्ने भविष्यवाणीलाई मानिसहरुले हावादारी भन्न थालेका छन् । तर पछिल्लो पटक भने पृथ्वी ध्वस्त हुने बारेको वैज्ञानिक भविष्यवाणी नै र्सार्वजनिक भएको छ । अमेरिकी अन्तरीक्ष संस्था नासाका अनुसार सन् २८८० को मार्च १६ का दिन पृथ्वीमा ठूलो प्रलय हुने खतरा छ । उसका अनुसार उक्त दिन १९५० डीए नामको क्षुद्रग्रह पृथ्वीसँग ठोक्किने खतरा छ । dhosta झण्डै एक माइल ब्यास भएको उक्त क्षुद्रग्रह १५ किलोमिटर प्रति सेकेण्डको बेगमा पृथ्वीतर्फआइरहेको छ । सोही गति तथा दिशा कायम रहेमा यो क्षुद्रग्रह उक्त मितिमा पृथ्वीसँग ठोक्किनेछ र त्यस क्रममा ४४ हजार ८ सय मेगाटन टिएनटी नामक विस्फोटक पदार्थ विस्फोटन हुँदा जत्तिकै उर्जा उत्पन्न हुनेछ । नासका अनुसार यो क्षुद्रग्रह पृथ्वीसँग ठोक्किने र क्षति पूराउने खतरा ०.३ प्रतिशत मात्र छ । तथापि यसको यो खतराको अनुपात यसअघिका क्षुद्रग्रहको खतरा भन्दा ५० प्रतिशत बढि हो । स्मरण रहोस् यस्तै खाले क्षुद्रग्रह पृथ्वीसँग ठोक्किँदा ६ करोड ५० लाख वर्षपहिले पृथ्वीबाट डाइनोसर लोप भएको थियो । पृथ्वीमा भविष्यमा ठोक्किने खतरा रहेको भनिएको १९५० डिए क्षुद्रग्रह सन् १९५० मा पहिलोपल्ट देखा परेको थियो । त्यसबेला १७ दिन देखा परेर क्षुद्रग्रह हराएको थियो र आधा शताब्दीपछि सन् २००० को डिसेम्बर ३१ मा फेरि देखा परेको थियो । यो क्षुद्रग्रहको परिक्रमण दर २.१ घण्टा रहेको छ जुन क्षुद्रग्रहमा दोश्रो उच्च गति हो । वैज्ञानिकहरुका अनुसार अहिले ब्रम्हाण्डमा १४ सय वटा यस्ता जोखिमपर्ूण्ा क्षुद्रग्रह छन् जसले पृथ्वीमा असर पूराउने खतरा छ ।

भारतमा आएको आँधीको प्रभाव नेपालमा पनि

लिम्वूवान डट व्लगस्पोट डटकम,काठमाडौं 
भारतको उडिसामा आएको पायलिन नामक आँधीको प्रभाव नेपालमा पनि पर्न थालेको छ । आज बिहानैदेखि राजधानी काठमाडौंसहित देशका विभिन्न भागमा मौसम परिवर्तन भएको छ । आकाश धुम्मिएको छ भने पूर्वी नेपालका विभिन्न भागमा हल्का वर्षा भइरहेको छ । मौसमविद्का अनुसार तुफानको केन्द्रको वरिपरिका क्षेत्रमा मात्रै बढी क्षति हुने भएकाले नेपालसम्म आइपुग्दा आँधीको गति कमजोर भैसक्ने र यसले हावाहुरी तथा वर्षा गराए पनि ठूलो क्षति भने पुर्‍याउने छैन । पूर्वी र मध्य नेपालमा हुने वर्षा पर्सिसम्म जारी रहने र सुदूरपश्चिममा भने आँधीको खासै प्रभाव नपर्ने बताइएको छ ।

Sep 26, 2013

३३ दलद्वारा आमहड्तालसहितका आन्दोलन घोषणा

लिम्वूवान डट व्लगस्पोट डटकम,काठमाडौं 
१० असोज,नेकपा-माओवादी नेतृत्वको ३३ दलीय मोर्चाले मंसिर ४ को चुनाव सक्रिय बहिस्कार गर्ने भन्दै आमहड्तालसहितका आन्दोलन घोषणा गरेका छन् । माओवादी पार्टी कार्यालय बुद्धनगरमा बिहीबार बसेको ३३ दलीय मोर्चाले असोज १३ गतेदेखि मंसिर ५ गतेसम्मका आन्दोलनका कार्यक्रम तय गरेको हो । घोषित कार्यक्रममा १३ गते सबै जिल्ला निर्वाचन कार्यलयलाई कार्यान्वयन नगर्न सचेतता पत्र बुझाउने, १६ गते चुनाव बहिस्कारको प्रचार गर्ने र १७ गते चार दलका शीर्ष नेताहरुको पुत्ता लगाउने छन् । निर्वाचन आयोगको कार्यतालिका अनुसार १० गते प्रत्यक्षतर्फको उम्मेदवारी दर्ताको दिन हो । यसअघि असोज १० गतेको उम्मेदवारी दर्तालाई लक्षित गरेर ३३ दलले ९ र १० गते नेपाल बन्दको घोषणा गरेको थियो । तर, निर्वाचन आयोगले उम्मेदवारी दर्तालाई १७ गते सारेपछि ३३ दललाई दशैंको मुखमा बन्द आहृवान गर्न संकट परेको एक नेताले बताए । असोज १९ गतेदेखि कात्तिक १ गतेसम्म घरदैलो अभियान चलाउने र उम्मेदवारहरुलाई उम्मेदवारी फिर्ताका लागि पत्राचार गर्ने, सरकारी कर्मचारी र सुरक्षाकर्मीलाई चुनावमा साथ नदिन अपील गर्ने घोषणा गरेका ३३ दलीय मोर्चाले कात्तिक २ गतेबाट उम्मेदवारलाई जिल्ला तथा गाउँ प्रवेशमा रोक लगाउने, उम्मेदवारको घर अगाडि कालो झण्डा गाढ्ने र सामाजिक बहिस्कार अभियान सञ्चालन गर्ने बताएको छ । चार दलका शीर्ष नेताहरु गएका समयमा जिल्ला बन्द गर्ने, बुथ बुथमा युवाहरुको बहिस्कार टोली खटाउने र कात्तिक २५ देखि मंसिर ५ गतेसम्म आहमड्ताल गरी मंसिर ४ को चुनावलाई सक्रिय रुपमा बहिस्कार गर्ने ३३ दलको कार्यक्रम छ । 
मुलुक सैन्य शासनतर्फ 
आन्दोलनका कार्यक्रम घोषणा गर्न आयोजित पत्रकार सम्मेलनमा माओवादी सचिव देव गुरुङले मुलक सैन्य शासनतर्फ उन्मुख भएको बताउनु भयो । चुनावमा सेना परिचालन गर्ने निर्णय शान्ति सम्झौता विपरित भएको भन्दै उहाँले भन्नुभयो-’सेना परिचालन गरेर चुनाव गर्न खोजिएको होइन् । प्रकारान्तरले मुलुकको सत्ता प्रधानन्यायाधीशश हुँदै जंगी शासनतिर लैजाने षड्यन्त्र भइरहेको छ ।’ 
भारतीय गाडी गुड्न नदिने 
३३ दलीय मोर्चाले असोज १७ गतेदेखि नेपालमा भारतीय सवारी साधान गुड्न नदिने घोषणा गरेका छन् । ३३ दलले भारतीय सुरक्षाकर्मी नेपाल प्रवेशमा रोक्नु पर्ने, भारतबाट भित्रिएको भनिएको वर्ड फ्लुबारे छानविन गर्नु पर्ने, माथिल्लो कणर्ाली र अरुण तेस्रोको पीडीए गर्ने तयारी रोक्नु पर्ने, हालै नेपाल आएको अमेरिकी सैन्य विमानले ल्याएको सामानबारे जानकारी दिनु पर्ने लगायतका माग समेत अघि सारेका छन् ।

राजदुत मायाकुमारी शर्मालाई पदमुक्त गरिने

लिम्वूवान डट व्लगस्पोट डटकम,काठमाडौं 
सरकारले कतारका लागि नेपाली राजदुत मायाकुमारी शर्मालाई पदमुक्त गर्ने निर्णय गरेको छ । मन्त्रिपरिषदको आज बसेको बैठकले कतारका लागि नेपाली राजदुत मायांकुमारी शर्मालाई पदमुक्त गर्ने निर्णय गरेको हो । राजदुत शर्माले कतारलाई नेपालीहरुका लागि खुला जेल भएको भनी विवादास्पद अभिब्यक्ति दिएपछी उनी आलोचित बन्दै आएकी थिइन् । यस्तो अभिव्यक्ति दिएपछि नेपालका लागि कतारी राजदुतले समेत उनलाई हटाउन नेपाल सरकारलाई आग्रह गरेका थिए । उनी एकीकृत माओवादीको भागवण्डामा राजदुतमा नियु्क्त भएकी थिइन् ।

सयौँ माओवादी कार्यकर्ता एमालेमा प्रवेश

लिम्वूवान डट व्लगस्पोट डटकम,काठमाडौं 
सयौँको संख्यामा नेकपा–माओवादी र एकीकृत माओवादीका कार्यकर्ता नेकपा–एमालेमा प्रवेश गरेका छन्। एमाले पार्टी मुख्यालयमा आयोजित एक कार्यक्रममा नेकपा एमालेका अध्यक्ष झलनाथ खनालले गत संविधानसभाको निर्वाचनमा उम्मेद्वारा बनेका एकीकृत माओवादीको नेता मीनबहादुर विष्ट, माओवादी सेनाका पूर्व कम्पनी भिसी डम्म सुनार सहित १५० जना, एमाओवादी राज्य समिति सदस्य जयवीर बुढाको नेतृत्वमा ३५०, एकीकृत माओवादीका राज्य समिति सदस्य अर्जुन कटुवालको नेतृत्वमा १५० जना, एमाओवादी एरिया नं. ८ का सेक्रेटरी शेरबहादुर खड्काको नेतृत्वमा २०० जना, अनेरास्ववियु क्रान्तिकारी पूर्व जिल्ला कमिटि कोषाध्यक्ष उपेन्द्र विष्ट सँगै जिल्ला कमिटी सचिवालय सदस्य मनीराम उपाध्यसको नेतृत्वमो २५ जना गरेर दुई माओवादीबाट नेकपा एमालेमा सायौँ कार्यकर्ता प्रवेश गरेका हुन् । पार्टीमा आएका नेकपा–माओवादी र एकीकृत माओवादीका कार्यकर्ता र नेतलाई एमाले अध्यक्ष झलनाथ खनालले सयपत्री फुलको माला र अबिर लाएर स्वागत गरे ।

Aug 29, 2013

अख्तियारले फेरि ३५ जना कर्मचारी पक्राउ गर्‍यो

लिम्वूवान डट व्लगस्पोट डटकम,काठमाडौं 
अख्तियार दुरुपयोग अनुसन्धान आयोगले अनियमितताको अभियोगमा आज त्रिभुवन अन्तर्राष्ट्रिय विमानस्थल अध्यागमन विभागबाट १८ र र वैदेशीक रोजगार व्यवस्था विभागबाट १७ जना कर्मचारीलाई नियन्त्रणमा लिएको छ। वैदेशीक रोजगार विभागबाट पक्राउ परेका कर्मचारीहरुमा रोजगार विभाग अन्तर्गतका शाखा अधिकृतहरु निर्मला न्यौपाने, मन्जु शर्मा सुवेदी, अजिता शर्मा, मुक्ति प्रसाद खनाल, गंगाबहादुर भुजेल, ज्ञानेन्द्र शर्मा र पवित्र कुँवर, कम्प्युटर अधिकृत हिराध्वज कार्की, नायव सुब्वा शंकर कार्की, रमेशकुमार अधिकारी र योगेन्द्रकुमार अधिकारी, खरिदारहरु माधव भट्टराई, केशव बन्जारा, भाषा अनुवादक (करार) रज उल्लाह, कम्प्युटर अपरेटरहरु सन्तोष सुवेदी र कृष्णप्रसाद खतिवडा,कार्यालय सहयोगी यशोधा थापा मगर छन्। यसैगरी अध्यागमन विभागबाट पक्राउ पर्नेमा शाखा अधिकृतहरु भोजबहादुर ऐडी, रामचन्द्र कार्की, नरबहादुर बि.क., रामकृष्ण पराजुली, डिल्लीराम भट्टराई, दिवाकर शर्मा, गोपीप्रसाद पौडेल, रामचन्द्र खतिवडा, कमलबहादुर कार्की र विक्रमबहादुर सोमई, लेखा अधिकृत बाबुहरि पन्थी रहेका छन्। यस्तै पक्राउ परेका नायब सुब्वाहरुमा रामकुमार ओझा, जयबहादुर सिंह र लिलारमण पोखरेल छन्। पक्राउ वरिष्ठ अध्यागमन सहायकहरुमा सन्जय नेपाल, नवराज कोइराला, रुद्रप्रसाद मरासिनी र चिरन्जीवी अधिकारी छन्। यस अगाडी अध्यागमन विभागका ५ अधिकारीहरुलाई अख्तियारले पक्राउ गरिसकेका छ। विदेश जानेहरुसँग पैसा असुल्दै गरेको आरोपमा उनीहरुलाई अख्तियारले पक्राउ गरेको थियो। विभिन्न अनियमितता मा आइरहने अध्यागमनलाई आयोगले लामो समयदेखि निगरानीमा राखेको थियो। यता यस अगाडी आयोगले पक्राउ गरेको ६ जना उच्च अधिकारीहरुलाई अनुसन्धान थालेको थियो।

गोलमेचका लागि सहजकर्ताको भूमिका खेल्न ३३ दलको राष्ट्रपतिलाई आग्रह

लिम्वूवान डट व्लगस्पोट डटकम,काठमाडौं 
आन्दोलनरत नेकपा–माओवादीसहितको ३३ दलीय मोर्चाले गोलमेच सम्मेलनका लागि सहजकर्ताको भूमिका खेल्न राष्ट्रपति डा. रामवरण यादवलाई आग्रह गरेको छ। माओवादीका सचिव देव गुरुङको नेतृत्वमा गएको तेत्तीस दलीय मोर्चाले आज राष्ट्रपति कार्यालय शीतल निवासमा राष्ट्रपति डा. यादवलाइ भेटेर गोलमेचका लागि सहजकर्ताको भूमिका खेल्न आग्रह गरेका हुन्। राष्ट्र प्रमुखको हैसियतले राष्ट्रपतिलाई गोलमेच सम्मेलन र राष्ट्रिय सहमतिका लागि सहजकर्ताको भूमिका खेल्न आग्रह गरेको भेटपछि सचिव गुरुङले जानकारी दिए। मोर्चाले आफ्नो माग पूरा नभएपछि बाध्य भएर आन्दोलनमा जानुपरेको बताउँदै माग पूरा भए निर्वाचनको प्रक्रियामा सहभागी हुने राष्ट्रपतिलाई जानकारी गराएका थिए। दलहरुबीचको बिमतिको यात्रालाई राष्ट्रिय सहमतिको मार्ग दिन राष्ट्रपतिले सहजकर्ताको भूमिका निर्वाह गर्नुपर्ने गुरुङको भनाइ थियो। सरकारलाइ पटक–पटक सहजकर्ताको भूमिका खेल्न आग्रह गरेपनि सरकारले चासो नदेखाएको आरोप उनले लगाए। चार दलीय गठबन्धन र सरकारले गोलमेच सम्मेलन गर्नुपर्ने आफूहरूको माग सुनुवाइ नगरेकाले राज्यको अन्तिम अङ्गको रुपमा राष्ट्रपतिले गोलमेचका लागि सहजकर्ताको भूमिका खेल्ने आशा मोर्चाले लिएको उनले बताए। जवाफमा राष्ट्रपतिले कुन विधि र प्रक्रियाबाट अघि बढ्ने भन्ने वियमा आफूले छलफल गर्ने बताउनुभएको सचिव गुरुङले जानकारी दिए। राष्ट्रपतिले निर्वाचनमा सहभागी हुन र आन्दोलनका कार्यक्रम फिर्ता लिई वार्ताबाटै समस्याको समाधान गर्न मोर्चाका नेताहरुलाई आग्रह गरेका थिए।

पृथ्वीका प्राणी मंगल ग्रहबाट आएको वैज्ञानिकको दाबी

लिम्वूवान डट व्लगस्पोट डटकम,काठमाडौं 
एक जना अमेरिकी वैज्ञानिकले पृथ्वीमा अस्तित्वमा रहेका प्राणी तथा वनस्पतीको खास उत्पत्ति पृथ्वीमा नभएर मंगल ग्रहमा भएको दाबी गरेका छन् । जिवको उत्पत्तिका लागि आवश्यक तत्व केवल मंगल ग्रहको सतहमा मात्र रहेकाले अहिले पृथ्वीमा रहेका जिवको बिउ मंगल ग्रहबाटै पृथ्वीमा आएको दाबी ती वैज्ञानिकको रहेको छ । भुगर्भरसायनविद् स्टेभेन बेनरका अनुसार यो ब्रम्हाण्डमा सुरुमा मंगल ग्रहमा जिवको उत्पत्ति भएको र मंगल ग्रहबाट छुटि्टएको विशाल उल्कासँगै ती जिव पृथ्वीसम्म आइपुगका हुन् । सबैभन्दा पहिले जिवको उत्पत्ति हुनका लागि आवश्यक ठानिएको मोलिब्डेनम तत्वको अक्सिडाइज्ड रुप मंगल ग्रहमा रहेको तथ्य नै आफ्नो दाबीलाई पुष्टि गर्न पर्याप्त रहेको जिकिर उनको रहेको छ । प्राध्यापक बेनरले आफ्नो यस सम्बन्धि शोधपत्रलाई आसन्न वैज्ञानिक सम्मेलनमा प्रस्तुत गर्दैछन् । उनले मंगल ग्रहमा अहिले पनि जिवको उत्पत्ति हुनका लागि आवश्यक पर्ने वातावरण कायम रहेको हुनसक्ने विश्वास समेत गरेका छन् ।

३ सय बढी एमाओवादी कार्यकर्ता काँग्रेसमा प्रवेश

लिम्वूवान डट व्लगस्पोट डटकम,काठमाडौं 
१३ भदौ,तीन सयभन्दा बढी एकीकृत माओवादीका कार्यकर्ता काँग्रेसमा प्रवेश गरेका छन् । एमाओवादीका नेता डा. बाबुराम भट्टराईका आर्थिक सल्लाहकार एवम् पूर्वअर्थसचिव रामेश्वर खनाल नेपाली काँग्रेस प्रवेश गरेको केहीदिनपछि बिहीवार एमाओवादीका नेवा राज्यसमिति सदस्यसहित तीनसयभन्दा बढी कार्यकर्ताहरु नेपाली काँग्रेसमा प्रवेश गरेका हुन । विहीवार नेवा राज्य समिति सदस्य यमवहादुर थापा अरुणको नेतृत्वको तीनसभन्दा बढी एमाओवादीका कार्यकर्ताहरुलाई काँग्रेस सभापति सुशील कोइरालाले पार्टी कार्यालय सानेपामा आयोजित एक कार्यक्रमका वीच टिका लगाएर पार्टीको सदस्यता दिनु भएको हो । थापासंगै एमाओवादी काठमाण्डौ जिल्ला सदस्य एवम् बेरोजगार युवा संघका केन्द्रीय सदस्य जितवहादुर केसी, वाइसियल काठमाण्डौ जिल्ला सदस्य पंकज मल्ल, दोलखा एरिया कमिटी सदस्य अर्जुन सेँढाई लगायतका नेता तथा कार्यकर्ताले एमाओवादी त्यागेर काँग्रेसमा प्रवेश गरेको काँग्रेस मूख्यसचिव चिनकाजी श्रेष्ठले जानकारी दिनुभयो । श्रेष्ठका अनुसार पार्टी प्रवेश गर्नेमा सवैभन्दा बढी गोरखा जिल्लाका एमाओवादी कार्यकर्ता काँग्रेसमा प्रवेश गरेका छन् । यस्तै नुवाकोट, धादिङ, मकवानपुर, दोलखा, काठमाण्डौ लगायत जिल्लाका एमाओवादी कार्यकर्ताहरु पनि काँग्रेस प्रबेश गरेका हुन् ।

जनमोर्चाको कार्यक्रममा अवरोध गर्न खोज्ने लिम्बुवान कार्यकर्ता पक्राऊ

लिम्वूवान डट व्लगस्पोट डटकम,काठमाडौं 
१३ भदौ, इलाम,चित्रबहादुर केसी नेतृत्वको राष्ट्रिय जनमोर्चाको कार्यक्रममा अवरोध पुर्‍याउन खोजेको आरोपमा इलाम सदरमुकामबाट प्रहरीले एकजना लिम्वुवान कार्यकर्तालाई नियन्त्रणमा लिएको छ । संघीयता विरोधी भन्दै जनमोर्चाको कार्यक्रममाथि अवरोध पुर्‍याउन खाजेको देखेपछि संघीय लिम्वुवान राज्य परिषद्का कार्यकर्तालाई रत्न लिम्बुलाई नियन्त्रणमा लिइएको प्रहरी नायव उपरीक्षक भीम दाहालले अनलाइनखबरलाई बताउनुभयो । प्रहरीले सुरक्षा दिएपछि जनमोर्चाका कायृकर्ताले कार्यक्रम शान्तिपूर्ण रुपमा गरेको र कुनै ठूलो घटना नभएको उहाँले बताउनुभयो । माइक खोसासोख यसअघि बुधबार फिक्कलमा पनि जनमोर्चा र लिम्बुवानका कार्यकर्तावीच माइक खोसाखोस भएको थियो । कार्यक्रमस्थलमा केहीबेर माइक खोसाखोस भएपछि प्रहरीले दुबै पक्षलाई छुट्याउनुपरेको थियो । ‘हाम्रो कार्यक्रममा लिम्बुवानका कार्यकर्ताले हस्तक्षेप गरे । संघीयताले मुलुकलाई फाइदा हुँदैन भनेर हामीले आफ्ना विचार राख्दा हाम्रो कोणसभामै आक्रमण गरियो ।’- राष्ट्रि जनमोर्चाका नेता रामबहादुर बूढाले अनलाइनखबरसँग भन्नुभयो । सञ्जुहाङ पालुङ्वा नेतृत्वको संघीय लिम्बुवान राज्य परिषदका कार्यकर्ताले लिम्बुवानमा पस्न दिँदैनौं भन्दै माइक खोसेको तर प्रहरीले छुट्याएपछि कार्यक्रम सम्पन्न गरेको बूढाले बताउनुभयो ।’ ‘प्रहरीले छुट्याएपछि हामीले बोल्दा उनीहरु पर बसेर हान्ने गोरुले जसरी हामीलाई हेरिरहेका थिए ।’ उहाँले भन्नुभयो, ‘लोकतन्त्रमा यसरी आफ्ना विचार राख्न नपाइने हो भने उहाँहरुले कस्तो लिम्बुवान राज्य बनाउन खोज्नुभएको हो ?’ चित्रहादुर केसी नेतृत्वको राष्ट्रिय जनमोर्चाले आगामी चुनावलाई लक्षित गरी संघीयताको विरोधमा देशव्यापी अभियानको घोषणा गरेको छ । सोही अभियानलाई लिएर रामबहादुर बूढा, सुरेन्द्र भण्डारी र राजेश विश्वकर्माको टोली इलाम पुगेको हो ।

Aug 23, 2013

जिम्बावेमा साँतौ पटक राष्ट्रपति भए मुगावे

लिम्वूवान डट व्लगस्पोट डटकम,काठमाडौं 
रोबर्ट मुगावेले बिहिवार जिम्बावेमा साँतौ पटक राष्ट्रपति पदका लागि सपथ ग्रहण गरेका छन् । उनको उक्त एतिहासिक कार्यक्रममा उपस्थित हुने अवसर प्रदान गर्न अवसर प्रदान गर्न हिजो सार्वजनिक विदा दिईएको थियो । ८९ वर्षीय मुगावेको प्रतिद्धन्दी मोर्गन स्भानगिरीले चुनावमा व्यापक धांधली भएको आरोप लगाएका कारण यस सपथ ग्रहणमा ढिलाई भएको हो । सवैंधानीक अदालतले मोर्गानको अपिललाई खारेज गर्दै मुगावेले स्वतन्त्र, निस्पक्ष र विश्वसनिय चुनावमा विजय हासिल गरेको निर्णय गरेको थियो । मुगावेले ६१ प्रतिशत मत प्राप्त गरेका थिए ।

दार्जिलिङमा पक्राउ परेका मोर्चा कार्यकर्ताहरु आमरण अनशनमा

लिम्वूवान डट व्लगस्पोट डटकम,काठमाडौं 
दार्जिलिङमा पक्राउ परेका सातसय ५० हाराहारी गोर्खाल्याण्ड पक्षधर नेता-कार्यकर्ताहरु आजदेखि आमरण अनशनमा उत्रिएका छन् । गोर्खाल्याण्डको माग गर्दै आन्दोलनमा उत्रिएका गोर्खा जनमुक्ति मोर्चाले बिहीबार घोषणा गरेको विरोधका कार्यक्रम अनुसार पक्राउ परेका मोर्चाका सहसचिव विनय तामाङ र १२ सभासदसहितका नेता–कार्यकर्ताले हिरासत र जेलभित्र अनशन थालेका हुन् । पक्राउ परेका सबैलाई तत्काल छोड्नुपर्ने माग राख्दै मोर्चाका अध्यक्ष विमल गुरुङले नछोडेसम्म 'प्रस्तावित गोर्खाल्याण्ड क्षेत्र बन्द गर्ने तथा हिरासत र जेलमा रहेका नेता–कार्यकर्ताहरु भोक हड्तालमा उत्रने' घोषणा गरेका थिए। कालेम्पोङ प्रहरी थानामा १४ दिनको न्यायिक हिरासतमा राखिएका मोर्चाका सहसचिव तथा गोर्खाल्याण्ड टेरिटोरिअल एडमिनिष्ट्रेशनका कार्यकारी सभासद विनय तामाङले अधिकार प्राप्तिको लडाईंमा बंगाल प्रशासनको नांगो हस्तक्षेप भएको गुनासो गर्दै रिहा नभएसम्म अनशन बसिरहने बताएका छन् । उनीसँगै पक्राउ परेका बिजनवारी–रेलिङ क्षेत्रका सभासद सतीश पोखरेलले पनि हिरासतबाटै अनशन थालेका छन् । पक्राउ परेकाहरुलाई दार्जिलिङ, कालेम्पोङ, सिलिगुडी र जलपाइगुडी जेल र हिरासतमा राखिएको छ।

नेपालमा आधुनिक खेलबिज्ञान सम्बन्धी बिशेष प्रशीक्षण हुँदै

लिम्वूवान डट व्लगस्पोट डटकम,काठमाडौं 
२०१३ अगष्ट १३ राष्ट्रिय खेलकुद परिषद अन्तर्गत "स्पोर्टस साइन्स एकेडेमी अफ नेपाल" को आयोजनामा यहि सेप्टेम्बर १६ तारिख देखि एक हप्ते आधुनिक खेल बिज्ञान सम्बन्धी बिशेष प्रशीक्षण काठमाण्डौमा आयोजना गरिने भएको छ । उक्त बिशेष प्रशीक्षणमा नेपालका राष्ट्रिय खेलाडी तथा राष्ट्रिय प्रशिक्षकहरु सहभागी हुने छन । नेपाली खेलकुदलाई बिज्ञान सम्मत र अन्तरराष्ट्रिय स्तरको बनाउने लगायतका १२ बुंदे खेलकुद निती राष्ट्रिय खेलकुद परिषदले हालै घोषणा गरेको थियो । सोही घोषणालाई मुर्त रुप दिन खेल बिज्ञान सम्बन्धी दक्ष बिशेषज्ञ बिदेशबाट बोलाउने क्रममा बिदेशका साथै बिदेशमा अध्ययनरत नेपाली बिज्ञलाई पनि प्राथमिकता साथ पहिलो पटक नेपाल निम्त्याईएकोमा दक्षिण कोरियाबाट सिद्धार्थ बिक्रम पांडे परेका छन र उनीसँगै कोरियाली खेल बिज्ञ जुसुङ ली रहेका छन । यी दुबै जना दक्षिण कोरियाको खाङवन्दो नेशनल युनिभर्सिटीका आ-आफ्ना बिषयका अनुसन्धानकर्ता हुन । जुसुङ ली खेल मनोबिज्ञा मा दख्खल राख्दछन भने सिद्धार्थ बिक्रम पांडे लिजर स्पोर्ट्स अन्तर्गत यान्त्रिक जिब बिज्ञानमा आफ्नो दख्खल राख्दछन । यी दुबै अनुसन्धानकर्ता गत जुनमा चाइनामा भएको एक अन्तरराष्ट्रिय सेमिनारमा उत्कृष्ट पेपर प्रेजेन्टेसन अवार्डबाट सम्मानित भएका थिए । सुदुरपश्चिमको धनगढीमा जन्मेका सिद्धार्थ बिगत ८ बर्ष देखि दक्षिण कोरियामा अध्ययनरत छन् । राष्ट्रिय खेलकुद परिषदका बर्तमान सदस्य सचिब युबराज लामाले १२ बुंदे खेल नीति सार्वजनिक गरे लगत्तै यस किसिमको बिशेष प्रशिक्षणको थालनीले नेपाली खेलकुदमा चासो दिने र लागी परेकाहरु खुशी देखिएका छन र नेपाली खेल क्षेत्रमा कोरियाली प्रबिधीको प्रबेशले नेपाली खेल क्षेत्रले फडको मार्ने बिस्वास लिएका छन् ।

लिम्बुवानसहित ३३ दलीय मोर्चा र सरकारबीचको वार्तालाई निरन्तरता दिने

लिम्वूवान डट व्लगस्पोट डटकम,काठमाडौं 
साउन २९, नेवा: काठमाडौँ | नेपाल सरकार र ३३ दलीय आन्दोलनकारी मोर्चाका ४२ वटा राजनीतिक दलबीच आज काठमाडौँको कुपन्डोलस्थित होटल हिमालयनमा भएको पहिलो चरणको वार्ता वार्ताका प्रस्तावहरूबारे विषयप्रवेश गरी टुंगिएको छ | आज साउन २९ (अगस्त १३) गते दिनको १२ बजेबाट सुरुभएको वार्तामा सरकारपक्षबाट गृहमन्त्री माधव घिमिरेको संयोजकत्वमा स्वास्थ्य मंत्री विद्याधर मल्लिक, सूचना मंत्री माधव पौडेल र सरकारका एक सचिव सम्मिलित थिए | ३३ दलीय आन्दोलनकारी मोर्चाको तर्फबाट ४२ वटै दलका एक-एक जना शीर्ष नेतृत्वले वार्ताको नेतृत्व गरेका थिए | वार्तामा पहिले साउन २२ गते ४ दलीय संयन्त्रसंग भएको वार्तामा राखेकै १८ बुँदे मागहरू मोर्चाका एक घटक सदस्य संघीय लोकतान्त्रिक राष्ट्रिय मंच तथा मंच सम्बद्ध संघीय लिम्बुवान राज्य परिषद्का वार्ता प्रतिनिधी खगेन्द्र माखिमद्वारा वाचन गरी प्रस्तुत गरिएको थियो | सो वार्ताका प्रस्तावहरूबारे नेकपा-माओवादीका सचिव देव गरुङले थप प्रस्ट्याएका थिए | वार्तामा सरकार पक्षका प्रतिनिधीहरुले बाधाअड्काऊ फुकाउ आदेशबारे सोच्न सकिने भएपनि अरु कुरामा सहमत हुन नसकिने संकेत दिएका छन्| अन्तमा, वार्तालाई निरन्तरता दिने कुरामा दुवै पक्ष सहमत भएका छन | ३३ दलीय मोर्चा र सरकारबीचको दोस्रो वार्ता साउन ३१ गते हुने सम्भावना रहेको छ | यसैक्रममा ३३ दलीय मोर्चा र ४ दलीय संयन्त्रसंगको दोस्रो चरणको वार्ता साउन ३० गते हुनेभएको छ | यसैबीच आजै काठमाडौँमा ३३ दलीय आन्दोलनकरी मोर्चाले राजनीतिक निकासका लागि अघि सारेको १८ बुँदे प्रस्तावबारे ३३ दलकै आयोजनामा एक अन्तरक्रिया कार्यकम समेत समपन्न भएको छ | ३३ दलीय आन्दोलनकारी मोर्चाका ४२ दलले सरकारसमक्ष प्रस्तुत गरेको राष्ट्रिय राजनीतिक निकासका लागि वार्ताका प्रस्तावहरु: दश वर्षको माओवादी जनयुद्ध, १९ दिने संयुक्त जनआन्दोलन, मधेसी, आदिवासी–जनजाति, दलित, महिला, मुस्लिम, पिछडिएको क्षेत्रका आन्दोलनलगायतका विभिन्न आन्दोलनहरुको जगमा जनताको संघीय गणतन्त्रात्मक संविधान निर्माणको अपेक्षासहित निर्वाचनद्वारा संविधानसभाको गठन भएको थियो । परन्तु, चार वर्षको अवधिमा पनि नयाँ संविधान निर्माण हुन सकेन । असामयिक रुपमा संविधानसभाको अवसान गराइयो । साझा सहमतिको अङ्गको रुपमा रहेको संविधानसभाको विघटनबाट सहमतिको कुनै साझा थलो बाँकी रहेन । अन्तरिम संविधान २०६३ विपरीत चार दलका शीर्ष नेताहरुद्वारा ११ बुँदे सहमति गरी राष्ट्रपतिमार्फत् २५ बुँदे आदेश जारी गराइयो । फलतः सर्वदलीय सहमतिबाट निर्माण गरिएको अन्तरिम संविधान २०६३ को मर्म र भावनालाई ध्वस्त पारियो । त्यसबाट मुलुक झन्–झन् गम्भीर सङ्कटमा पर्दै गयो । विगतको आन्दोलनबाट प्राप्त सीमित लोकतान्त्रिक अधिकारहरु गुम्ने मात्र होइन, मुलुकको सिङ्गो राष्ट्रिय अस्मिता नै गम्भीर धरापमा पर्न गयो । अतः यो बेला राष्ट्रिय स्वाधीनताको रक्षा, विगतका आन्दोलनहरुबाट प्राप्त गणतन्त्र, संघीयता र धर्मनिरपेक्षता लगायतका उपलब्धिहरुको रक्षा र अग्रगामी राजनीतिक निकासको लागि विद्यमान राजनीतिक दलहरुको बीचमा नयाँ राष्ट्रिय राजनीतिक सहमति गर्नुको अर्को विकल्प छैन । त्यही सहमतिको आधारमा नयाँ संविधान निर्माणको भरपर्दो आधार तयार गरी जनताको संघीय गणतन्त्रात्मक संविधान निर्माण गर्नु अनिवार्य रुपमा आवश्यक छ । त्यसैले, हामी विद्यमान राष्ट्रिय सङ्कट समाधान राजनीतिक निकासको लागि नेकपा–माओवादी समेतको ३३ राजनीतिक दलीय मोर्चाको तर्फबाट चार दलीय उच्चस्तरीय राजनीतिक समितिसँगको वार्ताको टेबुलमा निम्न विषयहरुको प्रस्ताव प्रस्तुत गर्दछौं । 
१. २०६९ चैत्र १ गते ४ दलको सिफारिसमा राष्ट्रपति ज्यूबाट अन्तरिम संविधानको बाधा अड्काउ फुकाउसम्बन्धी धारा १५८ प्रयोग गरी जारी गरिएको २५ बुँदे असंवैधानिक र पश्चगामी आदेश खारेज गरिनुपर्दछ । 
२. नयाँ राष्ट्रिय राजनीतिक सहमतिको लागि चार दलीय उच्च स्तरीय राजनीतिक संयन्त्रलाई भङ्ग गरी आन्दोलनरत दलहरुका साथै विद्यमान सबै राजनीतिक दलहरुको बीचमा सर्वपक्षीय गोलमेच सभा गरिनु पर्दछ । 
३. वार्ताको प्रारम्भ भइसकेको अवस्थामा २५ बुँदे आदेशको आधारमा घोषणा गरिएको मंसिर ४ को निर्वाचन, निर्वाचनसम्बन्धी ऐन, क्षेत्र निर्धारण आयोग, आचारसंहितालगायतका निर्वाचनसम्बन्धी सम्पूर्ण कार्यतालिकाहरु नयाँ राष्ट्रिय राजनीतिक सहमति नहुँदासम्म स्थगित गरिनुपर्दछ । 
४. अग्रगामी राजनीतिक दलहरुको सहमति र बहुदलीय मान्यताको आधारमा राष्ट्रिय संयुक्त सरकारको गठन गरिनुपर्दछ । 
५. जनताको नयाँ संविधान निर्माणको सुनिश्चितताको लागि विगत संविधानसभाबाट संविधान लेख्न नसकिनु र संविधानसभा विघटन हुनुको कारण बारे समीक्षा गर्दै संविधान निर्माण गर्ने सुनिश्चित आधारहरु तय गरी संविधानसभाको निर्वाचन गरिनु पर्दछ । 
६. नयाँ संविधान निर्माणको भावी कार्यभारको सम्बन्धमा विगत संविधानसभाबाट सहमत भएर पुरा भइसकेका कार्यहरुलाई स्वीकार गर्दै सहमत हुन बाँकी रहेका र अपुग विषयहरुमा केन्द्रित गरिनुपर्दछ । 
७. जनताको सङ्घीय गणतन्त्रात्मक संविधान निर्माणका लागि सहमति हुन बाँकी रहेका मूलभूत सिद्धान्तहरुमा दलहरुबीच सहमति कायम गरिनु पर्दछ । 
८. सहमत नभएका विषयहरुमा लोकतान्त्रिक विधि अनुरुप प्रक्रिया अगाडि बढाउन सुनिश्चित गरिनु पर्दछ । ९. २०६९ जेठ १४ गते संविधानसभाको कार्यविधि समाप्त भए पनि संविधान निर्माणका बाँकी रहेका विषयहरुलाई व्यवस्थापिका संसदतर्फ क्षेत्राधिकार हस्तान्तरण गरी संविधान निर्माणका बाँकी कार्यहरु व्यवस्थापिका संसदबाट पुरा गर्ने भनी दलहरुबीच सर्वसहमति कायम भएको थियो । परन्तु, सो सहमति विपरित तात्कालीन सरकारद्वारा संविधानसभाका साथै व्यवस्थापिका संसद समेत भङ्ग गरियो । त्यसरी सर्वदलीय सहमतिको उल्लङ्घन मात्र होइन, जनताको प्रतिनिधिमूलक संस्थालाई भङ्ग गर्नु घोर प्रतिगामी कदम हो । संविधान निर्माणको प्रक्रियामा संविधानसभाको विघटन कुनैपनि प्रधानमन्त्रीले गर्न नपाउने व्यवस्थाको सुनिश्चितता गरिनु पर्दछ । 
१०. विगतमा राज्य पक्ष र विद्रोही पक्षबीच भएको बृहत शान्ति सम्झौताअनुसार पुरानो राज्य व्यवस्थामा अग्रगामी पुनर्संरचना गर्ने भनी गरिएको सहमतिलाई क्रियान्वयन गरिनुपर्दछ । साथै आदिवासी–जनजाति आन्दोलन, मधेश आन्दोलन, लिम्बुवान आन्दोलन, थरुहट आन्दोलन,दलित आन्दोलन, पिछडा वर्ग आन्दोलन लगायतका विभिन्न उत्पीडित समुदायसँग राज्य पक्षले गरेका सम्झौताहरुको कार्यान्वयन गरिनु पर्दछ । राज्यका सबै अंगहरुमा महिला, आदिवासी–जनजाति, मधेशी, दलित, मुस्लिम, पिछडिएको क्षेत्र लगायतका उत्पीडित समुदायहरुको समानुपातिक समावेशी प्रतिनिधित्व र पहुँचको सुनिश्चितता गरिनु पर्दछ । 
११. विगतमा संविधानसभाको अधिकांश समय सरकार गठन र विघटनमा सिमित रह्यो । सत्ता पक्ष र विपक्षबीच ५१% बहुमतको लागि विभिन्न प्रकारका अनैतिक तथा फोहोरी खेलहरु चलिरहे । ति सबै परिघटनाहरुबाट उक्त परम्परावादी दुई दलीय संसदीय प्रणाली असफलसिद्ध भएको यथार्थता फेरिपनि राम्रोसँग पुष्टि भएको छ । अतः इतिहासको यसप्रकारको संक्रमणकालीन अवधिमा सरकार गठनमा बहुदलीय मान्यता अनुरुप दलहरुको समानुपातिक प्रतिनिधित्वका साथै सरकार सञ्चालनका लागि सहमतीय प्रणाली अवलम्बन गरिनु पर्दछ । 
१२. सहमतीय प्रणालीको लागि निर्वाचन प्रणाली पूर्ण समानुपातिक निर्वाचन प्रणाली अवलम्बन गरिनु पर्दछ । त्यसबाट राज्यका अङ्गहरुमा बहुदलीय समावेशीका साथै किसान, मजदूर, सुकुम्बासी, महिला, दलित, मधेशी, मुस्लिम, उत्पीडित क्षेत्र र आदिवासी–जनजाति लगायतका विभिन्न उत्पीडित वर्ग र समुदायहरुलाई पनि समुचित प्रतिनिधित्व गराउन सकिनेछ । 
१३. मतदाताको सूची अद्यावधिक गर्ने नाममा नागरिकता ऐन संशोधन गरी विदेशी आप्रवासीहरुलाई परिलक्षित गरी नागरिकता वितरण गरियो । अतः उक्त ऐन खारेज गरी उक्त ऐनअनुसार वितरण गरिएका नागरिकताहरु छानबिन गरिनुपर्दछ र वास्तविक नेपाली नछुटुन् र विदेशी आप्रवासी नछिरुन् भन्ने राष्ट्रिय मान्यतालाई दृढतापूर्वक कार्यान्वयन गरिनुपर्दछ । मतदाता सूची, नागरिकता प्रमाणपत्रको आधारमा मात्र तयार गरिनुपर्दछ । 
१४. वर्तमान सरकारद्वारा गरिएका राष्ट्रिय स्वाधीनता र जनहित प्रतिकूलका निर्णयहरु खारेज गरिनुपर्दछ । १५. विभिन्न समयमा नेपाल र भारतबीच राष्ट्रिय हित विपरीत गरिएका असमान सन्धि–सम्झौताहरु खारेज गरिनुपर्दछ । 
१६. राज्य पक्षसँग विभिन्न समयमा सहमति भएअनुरुपका खारेज गरिनुपर्ने मुद्दाहरु अझै बाँकी रहेकोले ती मुद्दाहरु खारेज गरिनुपर्दछ । 
१७. वेपत्ता नागरिकहरुको खोजी गरी सार्वजनिकीकरण गरिनुपर्दछ । जनयुद्धकालीन सहित सबै आन्दोलनका शहीदहरुलाई राष्ट्रिय शहीदको रुपमा सम्मान गरी शहीद परिवार र घाइते–अपाङ्गहरुलाई निवृत्तिभरणको व्यवस्था गरिनुपर्दछ । 
१८. बहिर्गमनमा परेका जनमुक्ति सेना, द्वन्द्वपीडित प्रहरी, सेना र नागरिकहरुका मागहरु पुरा गरिनु पर्दछ । 

मिति: २०७० साउन २९ प्रस्ताव प्रस्तुतकर्ता: नेकपा–माओवादी सहित ३३ दलीय मोर्चाका घटकहरु

हङकङमा लिम्बुवानवादीहरूसंग भवानी बरालको भेटघाट

लिम्वूवान डट व्लगस्पोट डटकम,काठमाडौं 
हङकङ,अस्ति अक्टोवर २१ तारिख साँझ हङकङमा रहेका प्रायः सबै लिम्बुवानी संगठन
हरुसंग भवानी बरालको भेटघाट तथा विचार आदानप्रदान भएकोछ । किरात याक्थुङ चुम्लुङ हङकङले आयोजना गरेको रात्रीभोजसहितको अन्तरकृया कार्यक्रममा प्रमुख अतिथिको आसनबाट बोल्दै ईतिहास, पहिचान र अधिकारको आधारमा राज्य पुनरसंरचना हुनुपर्ने बरालले बताए । नेपालमा संघीयता पहिचानसहितको संघीयता, संघीयता सहितको पहिचानको विकल्प नभएको भन्दै नेपालका राजनैतिक पार्टीहरुले समाजको अन्तरविरोध खुट्याउन नसक्दा देश यो गतिमा पुगेको बताए । देशमा संघीयतावादीहरुको मुद्दा कमजोर पार्ने प्रयास गरिदैछ भन्दै चुनावअगावै संघीयता सम्बन्धमा एउटा ठोस सहमति भए मात्र संविधानसभाले संघीयता ल्याउन सहज हुने बताए । त्रिभुवन लिम्बूको अध्यक्षतामा सम्पन्न सो कार्यक्रममा लिम्बुवान राष्ट्रिय मुक्ति मोर्चाका रविन लिङदेन, लोकतान्त्रिक समाजवादी पार्टी हङकङ कमीटीका अध्यक्ष ओमराज सम्बाहाम्फे, लिरामोका अध्यक्ष दिल बहादुर पालुङवा, कियाचुका सल्लाहकार हस्त लिवाङ लगायतका अतिथिहरुलाई मन्तव्य राख्न दिइएको थियो । कार्यक्रमको संचालन कार्यसमिति सदस्य मौसम इम्बुङले गरेका थिए ।

Aug 5, 2013

चीनको संघाईमा विश्वकै दोस्रो अग्लो भवन

लिम्वूवान डट व्लगस्पोट डटकम,काठमाडौं 
चीनको संघाई सहरमा विश्वकै दोस्रो अग्लो भवन तयार भएको छ। संसारको दोस्रो अग्लो भवन चीनले उसको व्यापारिक सहरको राजधानी मानिएको संघाईमा तयार पारेको हो । विश्वको अग्लो भवन दुबईको वुर्ज खलिफा हो । चीनले संघाईमा बनाएको भवन विश्वको दोस्रो अग्लो भएको चिनियाँ समाचार संस्थाले बताएका छन् । चीनले बनाएको भवन पूर्व एसियाको लागि भने सबैभन्दा अग्लो भएको छ । चीनले संघाई सहरको लौजियासुइृ फाइनान्स एन्ड ट्रेड जोनमा उक्त भवन तयार पारेको हो । भवनको उचाई ६ सय ३० मिटरभन्दा अग्लो रहेको उल्लेख गरिउको छ । दुबईको वुर्ज खलिफा भने ८ सय ३० मिटर अग्लो रहेको छ । चीनले उक्त भवन २०१४मा पूर्ण रुपमा निर्माण सकिने बताएको छ ।

भारत अझै टुक्रिने खतरा, थप २० वटा राज्यको माग

लिम्वूवान डट व्लगस्पोट डटकम,काठमाडौं 
२० साउन,नेपालमा कतिवटा राज्य बनाउने भन्ने विवाद छ । मधेसमा कति प्रदेश बनाउने भन्ने विवाद नेपालमा थाती छ । तर, नेपालको सीमानामा रहेका भारतीय भूमिमा समेत जातीय राज्यको माग उठ्न थालेको नयाँ रहस्य भारतीय सञ्चारमाध्यमले खोलेका छन् । उत्तरी भारतमा भोजपुरा, मैथिल राज्यको समेत माग भइरहेको रहस्य खुलेको छ । पूर्वी नेपालको सीमाक्षेत्रमा गोर्खाल्याण्डका लागि आन्दोलन चलिरहेको छ । नेपालको जातीय एवं पहिचानको आन्दोलनले छिमेकमा प्रभाव परेको हो या भारतको संघीय आन्दालनले नेपालमा असर गरेको हो भनेर छुट्याउनै नसकिने गरी यी दुई मुलुकहरु जातीय राज्यको मागको चपेटामा रुमलिन थालेका छन् । अब नेपाल र भारत दुबै देशका लागि जातीय एवं भाषिक पहिचानको मुद्दा साझा समस्या बन्न पुगेको छ । 
‘युनाइटेड स्टेट अफ इण्डिया’ 
नयाँ तेलंगाना राज्यसहित २९ वटाको संघीय राज्य बन्न लागिरहेको भारतमा नयाँ राज्यका लागि केन्द्र सरकारसमक्ष थप २० वटा नयाँ निवेदन परेका छन् । सबैले मागेजति राज्य दिने हो भने संयुक्त राज्य अमेरिकामा जस्तै भारतमा ५० वटा राज्य बन्ने चर्चा शुरु भएको छ । केही भारतीय सञ्चारमाध्यमहरुले भारतमा नायँ राज्यको बढ्दो मागलाई व्यंग्य गर्दै ‘युनाइटेड स्टेट अफ इण्डिया’ भन्न थालेका छन् । त्यहाँका सञ्चारमाध्यमले जनाएअनुसार गृहमन्त्रालयमा प्राप्त नयाँ राज्यका आवेदनहरुमा उत्तर बंगालबाट कामातपुरका लागि, कर्नाटकमा तुलुनाडूका लागि माग भएको छ भने मणिपुरबाट कुकिल्याण्ड र तामिलनाडूमा कोंगु नाडू राज्यको माग भएको छ । 
उत्तरप्रदेशमा अवध र बिहारमा मिथिला प्रदेशको माग 
उत्तर प्रदेशमा तत्कालीन मायावती नेतृत्वको सरकारले देशलाई घना आवादीका आधारमा ४ वटा राज्यमा विभाजन गर्न माग गरेको थियो । राज्य सरकारलाई त्यसरी नयाँ राज्यको माग गर्ने अधिकार नभए पनि मागहरु आउने गरेको भारतीयहरुले बताएका छन् । भारतीय सञ्चारमाध्यमले त्यहाँका अधिकारीहरुलाई उधृत गर्दै बताए अनुसार उत्तरप्रदेशमा अवध प्रदेश, पूर्वाञ्चल प्रदेश, बुन्देलखण्ड प्रदेश र पश्चिमाञ्चल या हरित प्रदेश बनाउनुपर्ने माग छ । त्यसैगरी उत्तर प्रदेशको आगरा र अलिगढ एवं राजस्थान र मध्यप्रदेशबाट ग्वालिअर भरतपुर जिल्लालाई मिलाएर ब्रज प्रदेश निर्माण गर्ने माग भारतीय केन्द्र सरकारसमक्ष पुगेको छ । पूर्वीउत्तर प्रदेश, विहार र छत्तीसगढ क्षेत्रमा भोजपुरा राज्य निर्माणको माग समेत गृहमन्त्रालयमा दर्ता भएको भारतीय सञ्चारमाध्यमको दाबी छ । त्यसैगरी विहार र झारखण्डको मैथिलभाषी क्षेत्रमा मिथिलाञ्चल प्रदेशको माग केन्द्र सरकारसम्म पुगेको बताइएको छ । त्यस्तै महाराष्ट्रको विदर्भ क्षेत्र बाहिर एक पृथक राज्यको पुरानै माग छ भने पश्चिम बंगालबाट अलग गोर्खाल्याण्ड राज्यको माग जोडदाररुपमा उठेको छ । गुजरातको बाहिरी क्षेत्रलाई पनि अर्कै प्रदेश बनाउने माग उठेको छ । पश्चिमी आसामको बोडो बाहुल्य क्षेत्रमा अलग बोडोल्याण्ड राज्यको माग भइरहेको छ । त्यस्तै आसाम अन्तरगतकै कार्बी स्वायत्त जिल्लामा पनि उनीहरुले अलग राज्यको माग गर्दै आएका छन् । त्यसैगरी पूर्वोत्तर भारतमै अर्को दिमाराजी वा दिमाल्याण्ड राज्यको माग आसाम र नागाल्याण्डका दिमासाहरुले गरिरहेको बताइएको छ । तामिलनाडू राज्यको दक्षिण-पश्चिम, कर्नाटकको दक्षिण-पूर्व र केरलको पूर्वीभागलाई मिलाएर कोंगु नाडू राज्यको माग उठेको छ । कर्नाटाको कुर्ग बाहुल्य भूभागमा कुर्ग राज्यको माग छ । त्यस्तै उडिसा, झारखण्ड, छत्तीसगढका केही हिस्सालाई मिलाएर कोसल राज्यको माग उठेको छ भने कर्नाटक र केरलको सीमानामा तुलुनाडू राज्यको माग छ । मणिपुरका कुकी आदिबासीहरुले कुकील्याण्ड मागिरहेका छन् । अरबसागर समुद्री तटसम्मको पश्चिमी भारतको एउटा हिस्सामा कोंकण राज्यका लागि आवेदन परेको बताइएको छ । कुचबिहार र जलपाइगुडी समेत पश्चिम बंगालका केही जिल्ला मिलाएर कामतपुर राज्यको माग गरिएको छ भने मेघालयको गारो क्षेत्रमा गारोल्याण्डको माग उठेको छ । पूर्वोत्तर भारतमा पूर्वी नागाल्यण्डको समेत माग छ । त्यस्तै दुर्गम लद्दाख क्षेत्रलाई केन्द्र प्रशासित बनाइनुपर्ने माग समेत केन्द्र सरकारमा थाती रहेको छ ।

दार्जिलिङमा गोर्खाल्याण्डको आन्दोलन, बन्दले जनजीवन प्रभावित

लिम्वूवान डट व्लगस्पोट डटकम,काठमाडौं 
२१ साउन,दार्जिलिङमा गोर्खाल्याण्डको माग गर्दै गोर्खा जनमुक्ती मोर्चा गरेको अनिश्चतकालीन बन्दले त्यहाँको जनजिवन प्रभावीत भएको छ । गोर्खाल्याण्डलाई छुट्टै राज्य बनाउन माग गर्दै मोर्चाले आन्दोलन गरिरहेका बेला दक्षिण भारतको आन्ध्र प्रदेशलाई विभाजन गरेर सरकारले नयाँ राज्य गठनको प्रक्रिया अगाडी बढाए पछि मोर्चाले आन्दोलनलाई झनै चर्काएको हो । आफ्ना माग प्रति सरकार गम्भिर नभएको भन्दै आन्दोलनलाई सशक्त बनाएको मोर्चा जनाएको छ । मोर्चाले तेलङगना गठन भए आन्दोलन हिंसात्मक बन्ने चेतावनी दिदै आएको छ । यता सरकारले भने तेलङगानालाई राज्यको स्वीकृती दिने तयारी गरिरहेको छ । यसैविच मोर्चा महासचिव रोशन गिरीको नेतृत्वको टोली सरकारसंग वार्ता गर्न नयाँ दिल्ली पुगेको छ । विपक्षी पार्टीले समेत उनीहरुको आन्दोलप्रति ऐक्यबद्धता जनाएका छन् ।

कोरिया जान पाउँ भन्दै आमरण अनसन

लिम्वूवान डट व्लगस्पोट डटकम,काठमाडौं 
२१ साउन, काठमाडौं । कोरियन भाषा उर्त्तीण गरेर कोरिया जान नपाएका यूवाहरु आमरण अनशन बसेका छन् । ललितपुरको बालकुमारीस्थित इपिएस कोरिया शाखा कार्यालय बाहिर टेन्ट टाँगेर ९ जना युवा आमरण अनसनमा बसेका हुन् । सरकारले आफुहरुलाई कोरिया पठाउने ग्यारेन्टी नगर्दासम्म आमरण अनासन यथावत राख्ने उनीहरुले चेतावनी दिएका छन् । आमरण अनसनमा बस्नेहरुमा कपिलवस्तुका दीपक एम.सी., रमेश गिरी, रुपन्देहीका बसन्त शर्मा पौडेल, गुल्मीका पदम भण्डारी, नवलपरासीका गोविन्द घताने, रेशम थापा, भोजपुरका डम्बरबहादुर खुलाल र दाङका चन्द्रबहादुर पुन रहेका छन् । आफुहरुलाई इपिएस पिडीत भनेर घोषणा गरेका युवाहरुले सरकारकै कारण आफुहरु कोरिया जान नपाएको आरोप लगाएका छन् । निकै आक्रामक देखिएका यूवाहरुले कि आफुहरुलाई कोरिया लैजानुपर्ने कि कोरियाको कोटा खारेज गर्नुपर्ने अडान राखेका छन् । अनसन कार्यक्रममा सहभागी पाल्पाका महेश घिमिरेले सरकारले चाहेमा आफूहरुलाई कोरिया पठाउन सक्ने दाबी गरे । सरकारले भने आफूले चाहाँदैमा कोरिया पठाउन नसक्ने बताउँदै आएको छ । कोरियाबाट कामदार माग भएमा मात्र पठाउन सक्ने सरकारको स्पष्टोक्ति छ । ‘सरकारले ८ हजार कोटालाई कुटनीतिक पहल अघि बढाएर १५ हजार पुर्‍याउन सक्छ भने हामीलाई पठाउन किन सक्दैन’ घिमिरेले अनलाइन खबरसँग भने- ‘तीन दिनभित्र सरकारले माग सुनुवाइ गरेन भने हामीे उपत्यका बन्द गर्छौं ।’ आफ्ना मागहरु इपीएस कार्यालयदेखि मन्त्रिपरिषदका अध्यक्ष खिलराज रेग्मीसम्मलाई राखे पनि कतैबाट सुनुवाइ नभएको उनीहरुले गुनासो गरे । कोरिया जान नपाएका ६५ सय युवामध्ये ९ जना आमरण अनसनमा बसे पनि अनसनस्थलमा भने सय जनाको हाराहारीमा उपस्थिति छ । ‘सरकारले माग पूरा गर्ला भन्दा पनि हामीलाई प्रहरी लगाएर धरपकड गर्दैछ’ अनसनकारी दीपक एम.सी.ले अनलाइनखबरलाई भने- ‘पुलिसले टेन्ट फालिदिन्छु भन्दै धम्काइरहेको छ ।’आन्दोलनमा सहभागी पाँचथरकी कुमारी चेम्जोङले भनिन्- ‘सरकारले हामीलाई जसरी भए पनि कोरिया पठाउनुपर्छ ।’ आफुहरुलाई कोरिया नलगिए इपीएस प्रणाली नै बन्द गरिदिने उनले चेतावनी दिइन् । आमरण अनसन बसेपछि सरकारले आफुहरुलाई कोरिया पठाउन पहल गर्ने उनले विश्वास गरिन् । कोरियामा महिला कामदार लैजान सरकारले आनकानी गरेको बताउँदै उनले १५ सय महिलामध्ये जम्मा ४ सय ५० महिलालाई मात्रै कोरिया गरिएको गुनासो गरिन् । अनसन स्थलमा खटिएका प्रहरी र आन्दोलनकारीबीच रमाइलो दोहोरीसमेत चल्दै आएको छ । प्रहरीहरुलाई पनि अनसनकारीले आफ्नो मागमा समर्थन गर्न भनेका छन् । प्रहरीहरुले चाँहि तपाईहरु पैसा कमाउन जान लाग्नुभएको छ त, आफूहरुले थोरै पैसामा जागिर खाइरहेको भन्दै ठट्टा गरेको दृश्य निकै रोचक देखिएको छ ।

सप्तकोशीमा डुंगा पल्टियो, २ को मृत्यु एक दर्जन वेपत्ता

लिम्वूवान डट व्लगस्पोट डटकम,काठमाडौं 
२१ साउन,सुनसरीको चतराबाट उदयपुर मैनाकोथु जाँदै गरेको डुंगा सप्तकोशी नदीमा पल्टिँदा २ जनाको मृत्यु भएको छ । करिव एक दर्जन वेपत्ता भएका छन् । डुंगो उदयपुरतर्फको सोमबारे नजिकै पल्टिएको जिल्ला प्रहरी कार्यालय उदयपुरले जनाएको छ । प्रहरीका अनुसार मृतकमा ठोक्सिला-३ की पार्वती खड्काको सनाखत भएको छ भने अर्की एक महिलाको सनाखत हुन बाँकी छ । डुंगामा करिव ९० जना रहेको अनुमान गरिएको छ । डुंगामा रहेका अधिकांश उत्रिसकेपछि अचानक असन्तुलित भएर दुर्घटना भएको प्रत्यक्षदर्शीहरुले बताएका छन् । आफन्त हराएको भनेर ६ जनाले प्रहरीमा नाम लेखाएका छन् । बढीमा १२ देखि १५ जना हराएको हुनसक्ने प्रअरीका आशंका छ । वेपत्ताहरुको खोजी भइरहेको छ । उद्दारमा प्रहरी, सशस्त्र प्रहरी र नेपाली सेनाका साथै स्थानीयबासी खटिएका छन् ।

Aug 4, 2013

एसएलसी पूरक परीक्षा आजदेखि

लिम्वूवान डट व्लगस्पोट डटकम,काठमाडौं 
२० साउन,एलएलसीमा दुई बिषयमा अनुतिर्ण विद्यार्थीहरुले आज बाट पुरक परिक्षा दिदैछन् । बिहान ७ बजेबाट नै पुरक परक्षा सुरु भएको छ । आज अग्रेजी बिषयको भइरहेको छ । गत चैत १ देखि ९ गतेसम्म सञ्चालन भएको एसएलसी परीक्षामा बढीमा दुई बिषयसम्म अनुत्तीण हुने परीक्षार्थीका लागि मौका परीक्षाका रुपमा आजदेखि पुरक परिक्षा सुरु भएको हो । यस बर्ष सबैभन्दा बढी विज्ञान बिषयमा ५५ हजार, गणितमा ५० हजार र अग्रेजीमा ३१ हजार विद्यार्थी फेल भएका थिए ।साउन २७ गतेसम्म सञ्चालन हुने परीक्षामा मुलुकभरबाट एक लाख ११ हजार विद्यार्थी सहभागि रहेको परिक्षा नियन्त्रण कार्यालयले जनाएको छ ।

राजधानीका चार पानी उद्योगमा सिलबन्दी

लिम्वूवान डट व्लगस्पोट डटकम,काठमाडौं 
२० साउन,खाद्य प्रविधि तथा गुण नियन्त्रण विभागले राजधानीमा संचालित चारवटा पानी उद्योगमा सिलबन्दी गरेको छ । विभागबाट आइतबार अनुगमनमा गएको टोलीले उक्त उद्योगबाट प्रशोधित पानीमा खराबी फेला पारेपछि सिलबन्दी गरेको हो । विभागले गोठाटारमा संचालित श्री कृष्ण वेभरेज र waterसितल जल उद्योग प्रालि तथा चाल्नाखेलमा संचालित क्रिष्टल डि्रंक्स एण्ड वेभरेज र चण्डेश्वरी मिनरल वाटर एण्ड वेभरेजमा सिलबन्दी गरेको हो । अनुगमन टोलीले उक्त उद्योगहरुबाट प्रशोधित पानीमा हानिकारक सुक्ष्म जीवाणु कोलिर्फम, फिकल कोलिर्फम र इ. कोलाई फेला परेको थियो । उद्योगबाट प्रशोधित पानीको गुणस्तरमा सुधार नआएसम्म उद्योगमा सिलबन्दी गरिरहने विभागले जनाएको छ । जिल्ला प्रशासन कार्यालय काठमाडौं, महानगरीय प्रहरी प्रभाग काठमाडौं र पत्रकारहरुको उपस्थितीमा विभागले उद्योगमा सिलबन्दी गरेको हो ।

निर्वाचन क्षेत्र निर्धारण आयोगको म्याद ७ दिन थप

लिम्वूवान डट व्लगस्पोट डटकम,काठमाडौं 
२० साउन,सरकारले निर्वाचन क्षेत्र निर्धारण आयोगको म्याद ७ दिन थप गरेको छ । यसअघि थपिएको १० दिनमा पनि प्रतिवेदन तयार नभएपछि आयोगले ७ दिन समय माग गरेको थियो । आयोगको माग र उच्चस्तरीय राजनीतिक समितिको आग्रह अनुसार सरकारले म्याद थप गरेको हो । आइतबारबाट लागू हुने गरी म्याद थप भएको मन्त्रिपरिषद्का अध्यक्ष खिलराज रेग्मीका प्रेस सल्लाहकार विमल गौतमले अनलाइनखबरलाई जानकारी दिनुभयो ।

बर्ड फ्लू नियन्त्रणलाई प्रभावकारी बनाउन सरकारको निर्देशन

लिम्वूवान डट व्लगस्पोट डटकम,काठमाडौं 
२० साउन,सरकारले बर्ड फ्लू नियन्त्रण तथा रोकथामलाई प्रभावकारी बनाउन निर्देशन दिएको छ । मन्त्रिपरिषद् अध्यक्ष खिलराज रेग्मीले स्वास्थ र कृषिमन्त्रीसँग छलफल गरी बर्ड फ्लू रोग नियन्त्रणमा सरकारी तहबाट भैरहेका प्रयास र त्यसको पछिल्लो अवस्थाबारे जानकारी लिनु भएको छ । अध्यक्ष रेग्मीले बर्ड फ्लूको नियन्त्रण र उक्त रोगको संक्रमण फैलन नदिन हरसम्भव उपाय अपनाउन र नियन्त्रणको लागि सबै प्रयास अवलम्बन गर्न पनि निर्देशन दिएको उहाँका प्रेस सल्लाहकार विमल गौतमले जानकारी दिनुभयो । रोग नियन्त्रणको कामलाई उच्च प्राथमिकतामा राख्न एवं कार्यान्वय अवस्थाको प्रभावकारी अनुगमन र निगरानी गर्न समेत मन्त्रिपरिषद् अध्यक्षले आग्रह गर्नुभएको छ । पछिल्ला दिनमा राजधानीका विभिन्न कुखुरा र्फममा बर्ड फ्लू देखा परेका छन् ।

देउवालाई भेटन मोहन वैद्य देउवा निवासमा

लिम्वूवान डट व्लगस्पोट डटकम,काठमाडौं 
२० साउन,नेकपा-माओवादीका अध्यक्ष मोहन वैद्य किरण र नेपाली काँग्रेसका बरिष्ठ नेता शेरबहादुर देउवावीच भेटवार्ता भइरहेको छ । उच्चस्तरिय राजनीतिक समितिले वार्तामा आउन तेस्रो पटक पत्र पठाएकै दिन छलफलका लागि अध्यक्ष वैद्य नेतृत्वको टोली नेता देउवालाई भेट्न वुढानिलकण्ठस्थित देउवा निवास पुगेको हो । उहाँहरुवीच संविधान सभाको निर्वाचन, विपक्षी दलहरुको माग सम्बोधन लगायतका विषयमा छलफल भइरहेको छ ।

Jul 28, 2013

गीतकार प्रतिमा विवश राईको गीति संग्रह हंगकंगमा बिमोचन

लिम्वूवान डट व्लगस्पोट डटकम,काठमाडौं 
सन् २०१३ जुलाई २२ तारिख सोमबार दिन हंगकंग स्थित जोर्डन हंगकंग नेपाली महासंघको कार्यालयमा नेपालबाट हंगकंग भ्रमणमा आउनु भएको बेला गीतकार प्रतिमा विवश राईको गीति संग्रह
आकास धर्ती र सपनाहरु प्रमुख अथिति नेपाली साहित्य प्रतिष्ठान हंगकंगका अध्यक्ष टंक सम्बाहाङ्फे लगायत अन्य अथितिहरुको बाहुलीबाट बिमोचन गरिएको थियो । प्रमुख अथिति नेपाली साहित्य प्रतिष्ठान हंगकंगका अध्यक्ष टंक सम्बाहाङ्फेले नेपालबाट हंगकंग आएर गीतकार प्रतिमा विवश राईले गीति संग्रह आकास धर्ती र सपनाहरु बिमोचन गराएर नया इतिहास बनाउनु भएको कुरा बताउनु भयो । गीतकार प्रतिमा विवश राईले हंगकंग बसोबास गर्ने नेपालीहरु माझ आफ्नो सपना बाडन आएको र यो पुस्तक अन्य दस मुलुकमा पुर्याउने लक्ष्य रहेको कुरा बताउनु भयो । त्यसरी नै  ुशुभ कामना मन्तब्य साहित्यकार चन्द्र मादेन आन्छान,डी बि पालुङ्वा,शिब लामिछाने राज कुमार राई आदिले दिएका थियो । सभाअध्यक्ष बुद्धिबहादुर सुनुवारले साहित्यकार गीतकार प्रतिमा विवश राईलाई हंगकंगमा सम्मान गर्न पाउदा गौरब लागेको कुरा बताउनु भयो । कार्यक्रम संचालन बुद्धिमान पाख्रिनले गरेका थिए र धरान हंगकंग मंचको आयोजनामा कार्यक्रम सम्पन्न गरिएको थियो ।

अस्थायी, करार र ज्यालादारी कर्मचारीहरुद्वारा आन्दोलनको घोषणा

लिम्वूवान डट व्लगस्पोट डटकम,काठमाडौं 
१३ साउन,लामो समयदेखि स्वतह स्थायी हुनु पर्ने माग राख्दै आएका अस्थायी, करार र ज्यालादारी कर्मचारीहरुले आन्दोलनको घोषणा गरेका छन् ।अखिल नेपाल सरकारी अस्थायी, करार तथा ज्यालादारी कर्मचारी श्रमिक संघले आइतवार रिपोर्टर्स क्लब नेपालमा पत्रकार सम्मेलन गरेर ११ बुँदे माग अघि सार्दै आन्दोलनको कार्यक्रम घोषणा गरेको हो । संघले घोषणा गरेको आन्दोलनको कार्यक्रममा साउन १६ गते विहान साढे ११ बजेदेखि विहान एक घण्टा सामान्यप्रशासन मन्त्रालयमा धर्ना, साउन १८ गते विहान साढे ११ बजेदेखि एक घण्टा अर्थमन्त्रालयमा धर्ना र साउन २१ गते कर्मचारीहरुले काम बन्द गर्ने, सरकारी र रातो नम्बर प्लेट भएका सरकारी सवारी साधन चल्न नदिने रहेको छ ।पत्रकार सम्मेलनमा संघका अध्यक्ष राजन कार्कीले आफूहरुको मागलाई सरकारले पुरा गर्न तदारुकता नदेखाए थप कडा आन्दोलनको कार्यक्रम जारी गर्ने चेतावनी दिनुभयो । उहाँले सरकारी सेवामा रहे पनि आफूहरुलाई सरकारले विभेद गरेको भन्दै सबै खाले विभेदको अन्त्य गर्नु पर्ने जिकिर गर्नु भयो । संघले २४० दिन काम गरिसकेका सबै अस्थायी, करार, ज्यालादारी र ठेकेदारी कर्मचारीलाई स्वतह स्थायी गर्नुपर्ने, स्थायी सरह तलब भत्ता, पोशाक विदा खर्चा , विमा, सञ्चय कोष र ग्रेडको ब्यवस्था गर्नुपर्ने, २०५७ सालको बजेट मार्फत रोकिएको स्थायी प्रक्रिया रोकिनु पर्ने, संविधानसभाको निर्वाचनमा जुन ठाँउमा कार्यरत त्यही मतदान गर्न पाउने ब्यवस्था, ठेकेदारी कर्मचारीलाई न्यूनतम १८ हजार ४० सय र ज्यालादारीको हकमा दैनिक ६५० रुपैया कायम गरिनुपर्ने श्रमजीवि पत्रकार ऐन लागु गर्नु पर्ने लगायतका मागहरु अघि सारेको छ ।

बैद्य माओवादी चुनावप्रति सकारात्मक नभएको समितिको निष्कर्ष

लिम्वूवान डट व्लगस्पोट डटकम,काठमाडौं 
१३ साउन,उच्चस्तरीय राजनीतिक समितिले मोहन बैद्य नेतृत्वको नेकपा-माओवादी चुनावप्रति सकारात्मक नरहेको निष्कर्ष निकालेको छ । बिनासर्त वार्तामा आउन दुईपटक आग्रह गर्दा पनि हालसम्म वार्तामा नआएकामा गम्भीर आश्चर्य व्यक्त गरेको छ । समितिको कार्यालय, नयाँ बानेश्वरमा आइतबार बसेको बैठकले बैद्य माओवादीलाई वार्तामा ल्याउन अन्तिम प्रयास गर्ने निर्णय गरेको छ । बैठकपछि सञ्चारकर्मीहरुसँग कुरा गर्दै एमालेका नेता रघुजी पन्तले अब पनि वार्तामा नआए बैद्य माओवादीलाई नपर्खने बताउनुभयो । वार्तामा आउँछु भनेर वार्ता समिति पनि गठन गर्ने तर वार्तामा नआउने स्थितिप्रति आफूहरू आश्चर्यमा परेको उहाँले बताउनुभयो । एमाओवादीका नेता नारायणकाजी श्रेष्ठले सो पार्टी र मोर्चाले वार्तामा आउन गरेको सार्वजनिक प्रतिबद्धताविपरीत हालसम्म वार्तामा नआएकोबारे बैठकले आश्चर्य व्यक्त गर्दै पुनः वार्ताको आहृवान गरेको बताउनुभयो । राजनीतिक समितिको बैठकमा निर्वाचन क्षेत्र निर्धारण आयोगलाई सुझाव दिन गठित कार्यदलले सुझाव प्रस्तुत गरेको छ । कार्यदलले संविधानबमोजिम निर्वाचन क्षेत्र निर्धारण आयोग गठन भए पनि कतिपय विषयमाथि शीर्ष नेता तहमा छलफल गर्न सुझाव दिएको छ । कार्यदलले संविधानमा निर्वाचन क्षेत्रको संख्या दुई सय ४० रहेको, पुरानो दुई सय पाँचको संख्यामा हेरफेर गर्न नसकिने, तराई/मधेसमा जनसङ्ख्याको वृद्धिको अनुपातमा निर्वाचन क्षेत्र बढ्नुपर्ने र पहाडमा पनि जनसङ्ख्याको वृद्धिको अनुपातमा निर्वाचन क्षेत्र बढ्नुपर्ने अवस्थाका कारण क्षेत्र निर्धारणमा जटिलता देखिएकोले शीर्ष तहमा छलफल गरेर सहमतिमा पुग्न सुझाएको छ ।

पत्रकारको तलब कम्तिमा १५ हजार पुर्याउनुपर्ने

लिम्वूवान डट व्लगस्पोट डटकम,काठमाडौं 
बढ्दो महँगीलाई मध्यनजर गर्दै नेपाल पत्रकार महासंघमा श्रमजीवी पत्रकारको तलब कम्तिमा १५ हजार रुपैयाँ हुनुपर्ने प्रस्ताव पेश भएको छ । सरकारी कर्मचारीको तलब वृद्धि हुँदा महँगी बढेको भन्दै पत्रकार महासंघका सदस्य बालकृष्ण बस्नेत र सूर्यमणि गौतमले यस्तो प्रस्ताव पेश गरेका हुन् । विगत २ वर्षदेखि न्यूनतम पारिश्रमिक निर्धारण समितिले तोकेको आधारमा पत्रकारहरुको न्यूनतम पारिश्रमिकको सबैभन्दा ठूलो अंक १० हजार ८ सय रहेको छ । बजार अवस्था र मूल्य वृद्धिसँग श्रमजीवी पत्रकारलाई तोकिएको न्युनतम पारिश्रमिक मेल नखाने हुनाले कम्तिमा १५ हजार रुपैयाँ हुनुपर्ने प्रस्तावमा उल्लेख छ । पत्रकार महासंघको पोखरामा भएको अधिवेशन टुंगोमा नपुगेको उल्लेख गर्दै विशेष महाधिवेशन गर्नको लागि समेत उक्त प्रस्तावमा माग गरिएको छ । तलब माग्दा पत्रकारमाथि हुने गरेको दुर्व्र्यबहारबारे पनि महासंघले छलफल गर्नुपर्ने र व्यवस्थापकसहितको प्रतिनिधित्व अनिवार्य गराई अनुगम गर्नुपर्ने समेत माग गरिएको छ ।

एमाओवादीद्वारा २४० निर्वाचन क्षेत्रमा केन्द्रीय सदस्य परिचालन

लिम्वूवान डट व्लगस्पोट डटकम,काठमाडौं 
एकीकृत नेकपा माओवादीले एक महिने चुनावी अभियान थालेको छ। अभियानका क्रममा देशका २ सय ४० वटै निर्वाचन क्षेत्रमा केन्द्रीय सदस्यहरु खटिने प्रवक्ता अग्नि सापकोटाले बताए। साउन ४ देखि ६ गते सम्म काठमाडौंमा सम्पन्न केन्द्रीय विस्तारित बैठकले केन्द्रीय सदस्यहरुलाई निर्वाचन क्षेत्रमा पठाउने निर्णय गरेको थियो। 'जन सम्वन्ध' नाम दिइएको एक महिना सम्म चल्ने अभियानले गाउँसम्म पुगेर पार्टीको वर्तमान अवस्थाबारे मूल्याङकन गर्ने र चूनावी रणनीति बनाउने बताइएको छ। निर्वाचन क्षेत्रमा पुगेका केन्द्रीय सदस्यले सो क्षेत्रबाट संविधानसभा निर्वाचनमा कसलाई टिकट दिने भन्ने सुझाव पनि दिने छन्। 

उच्चस्तरीय राजनीतिक समितिमा क्षेत्र निर्धारणबारे छलफल

लिम्वूवान डट व्लगस्पोट डटकम,काठमाडौं 
१३ साउन,उच्चस्तरीय राजनीतिक समितिको बैठक अहिले जारी छ । समितिको कार्यालय नयाँ बानेश्वरमा जारी बैठकमा निर्वाचन क्षेत्र निर्धारणका बारेमा छलफल हुने छ । दलहरुबीचको फरक फरक अडानलाई सहमतिमा ल्याउन बैठकमा पहल गरिने एमाले नेता रघुजि पन्तले जानकारी दिनुभयो । यसअघि २४० निर्वाचन क्षेत्र नबढ्ने गरी निर्वाचन क्षेत्र निर्धारण गर्न आयोगलाई अधिकार दिए पनि मधेसी दलहरुले बढाउनुपर्ने अडान लिएका छन् । बैठकमा आयोगका सदस्यहरुलाई पनि बोलाइएको छ । त्यस्तै नेकपा माओवादी सहितका असन्तुष्ट दलले राखेका मागका विषयमा छलफल हुनेछ । यसअघि नेकपा-माओवादीसँग भएको छलफलमा ११ र २५ बुँदे सहमति संसोधन गर्न तयार रहेको बताएका प्रमुख दलहरुले आज त्यस विषयमा छलफल गर्नेछन् । उनीहरुले राखेका मागमा कति लचक हुन सकिन्छ भन्ने विषयमा पनि आजको बैठकमा छलफल हुनेछ । नेकपा-माओवादीले यो सरकारको विघटन गरि गोलमेच सम्मेलनबाट संविधान जारी गर्नुपर्ने माग गर्दै आएको छ ।

Jul 20, 2013

मंगल ग्रहमा समुद्र रहेको पुष्टि

लिम्वूवान डट व्लगस्पोट डटकम,काठमाडौं 
वैज्ञानिक तथा खगोलशास्त्रीहरुले मंगल ग्रहमा पानी रहे नरहेको, जिवनको सम्भावना रहे नरहेको विषयमा लामो समयदेखि खोज अनुसन्धान गरिरहेका छन् । मंगल ग्रहमा लाखौँ वर्षपहिले समुद्र रहेको भन्ने खालका कथनहरुमा वैज्ञानिकहरु एकमत नभएका भएपनि मंगल ग्रहमा पानीको अंश रहेको विभिन्न अनुसन्धानले देखाएका छन् । तर पछिल्लो अनुसन्धानले भने मंगल ग्रहमा अबौँ वर्षपहिले विशाल समुद्र रहेको तथ्य पुष्टि गरेको छ । अमेरिकाको क्यालिफोर्निया इन्स्िटच्युट अफ टेक्नोलोजीका शोधकर्ताहरुले मंगल ग्रहमा अरबौँ वर्षपहिले मार्टिन नामको समुद्र रहेको सबूत फेला परेको दाबी गरेका हुन् । मार्टिन नामको उक्त समुद्रले मंगल ग्रहको एक तिहाइ भाग ओगटेको थियो । उक्त समुद्रको अवशेष अहिले पनि बाँकी रहेको बताइएको छ । मंगल ग्रहको हाइ रिजोलुसन तस्वीरको विश्लेषणबाट शोधकर्ताहरुले यस्तो निष्कर्षनिकालेका हुन् । यसैबीच मंगल ग्रहको अनुसन्धानका लागि एक वर्षघि पठाइएको क्युरोसिटी रोबरले एक किलोमिटर दुरी तय गर्दै किर्तिमान बनाएको छ । अघिल्लो वर्षो अगष्ट ५ मा मंगल ग्रहको सतहमा उत्रिएको क्युरोसिटी अब मंगल ग्रहको ग्लेनेग भन्ने क्षेत्रमा जानेछ जुन अहिलेको ठाउँभन्दा ८ किलोमिटर टाढा छ । त्यहाँ गएर क्युरोसिटीले मंगल ग्रहको वातावरण कसरी बदलिएको छ ? भन्ने कुराको अध्ययन गर्नेछ ।

सर्वोच्चको फैसलाविरुद्ध सद्भावनाले प्रदर्शन गर्ने

लिम्वूवान डट व्लगस्पोट डटकम,काठमाडौं 
५ साउन,नागरिकताबिना मतदाता नामावलीमा नाम नलेखाउन सर्वोच्च अदालतले दिएको आदेशविरुद्ध राजेन्द्र महतो नेतृत्वको सद्भावना पार्टी सडक प्रदर्शन गर्ने भएको छ । सर्वोच्चको आदेशप्रति असहमति जनाउन भोलि आइतबार रत्नपार्क शान्तिबाटिकामा विरोध र्‍याली तथा वृहत सभा गरिने सद्भावनाका महासचिव मनिष सुमनले जानकारी दिनुभयो । सर्वोच्चको आदेशले मधेशी दलीत, आदिवासी, जनजाती, लगायतका समुदायलाई राज्यको मूलधारबाट वहिष्कृत गर्ने कार्यमा थप वल पुर्‍याएको सद्भावनाले बताएको छ । सर्वोच्च अदालतले असार ३१ गते नागरिकताबिना मतदाता नामावलीमा नाम नलेखाउन अन्तरिम आदेश दिएको थियो ।

ठूला जलविद्युत् आयोजनाहरूको अनुमतिपत्र खारेज

लिम्वूवान डट व्लगस्पोट डटकम,काठमाडौं 
सरकारले समयमै नवीकरण गर्न नआउने र तोकिएको दस्तुरसमेत नतिरी जलविद्युत आयोजना मात्र ओगटेर बस्ने विभिन्न आयोजनाहरूको अनुमतिपत्र खारेज गरेको छ। सर्भे लाइसेन्स लिएका तर कुनै पनि आयोजनामा सर्भेको प्रक्रियासमेत अगाडि नबढाएका आयोजनालाई क्रमशः खारेज गर्दै जाने नीतिअनुरूप त्यस्ता आयोजनाहरू खारेज गरिएको हो। ऊर्जा मन्त्रालयअन्तर्गतको विद्युत् विकास विभागले फूलकोट कर्णाली, हुम्ला कर्णाली र मुगु कर्णालीलगायतका केही ठूला आयोजनाको अनुमतिपत्र समेत खारेज गरिदिएको छ। विभागका सूचना अधिकृत गोकर्णराज पन्थका अनुसार गत आर्थिक वर्षको अन्तसम्म साना तथा ठूला गरी करिब ६०० वटा आयोजनाको विभिन्न शीर्षकमा दिइएको अनुमतिपत्र खोरज गरिएको जानकारी दिए। अनुमतिपत्र मात्र लिने र काम नगर्ने प्रवृत्तिलाई निरुत्साहित गर्न यस खालको रणनीति अगाडि सारिएको विभागको भनाइ छ। त्यसरी खारेजीमा परेका आयोजनाहरूमध्ये फूलकोट कर्णाली, हुम्ला कर्णाली र मुगु कर्णालीको क्षमता क्रमशः २१० मेगावाट, २७४ मेगावाट र १९४ मेगावाट रहेका छन्। ती आयोजनाका प्रर्वद्धकमा भारतीय कम्पनीहरू रहेका छन्। फूलकोट कर्णाली इपिएस इनजी भारतले २०६६ साल जेठ १३ गते लिएको सर्भे लाइसेन्सको म्याद गत जेठ १२ गते सकिएको थियो। पटक पटक नवीकरण गर्न अनुरोध गरिएपनि नवीकरणमा नआएको कारण सो आयोजनाको सर्भे अनुमतिपत्र खारेज भएको हो। यस्तै हुम्ला कर्णाली र मुगु कर्णालीको अनुमतिपत्र भिल्वाडा इनर्जीले लिएको थियो। विसं २०६७ जेठ २४ गते सर्भे लाइसेन्स लिएको भिल्वाडाको म्याद गत जेठ २३ गते नै सकिएपनि विभागले नवीकरणका लागि आग्रह गरेको थियो। नवीकरण गर्न र प्रगति प्रतिवेदन पेश गर्न पटक पटक सार्वजनिक सूचना निकालिए पनि सम्बन्धित पक्षले कुनै सम्पर्क नगरेपछि विभागले त्यस्ता आयोजनाका प्रर्वद्धकहरूले लिएको अनुमतिपत्र खारेज गरेको विभागका सूचना अधिकृत पन्थको भनाइ छ। जलविद्युत्् क्षेत्रको लगानीलाई व्यावसायिक र मर्यादित बनाउन कडा कदम चाल्नु आवश्यक रहेको भन्दै उहाँले सर्भे लाइसेन्स लिएका कूल १०१ वटा आयोजनाको सबै लाइसेन्स खारेज गरिएको छ। खारेजीमा परेका ती आयोजनाहरूको कूल क्षमता दुई हजार ३४८ मेगावाट रहेको छ। विभागले परिवर्तित व्यवस्थाअनुसार लाइसेन्स नवीकरण गर्न र आयोजनाको प्रगति प्रतिवेदन समयमै बुझाउनसमेत आग्रह गरेको छ। विभागका सूचना अधिकृत पन्थ भन्छन्, 'जलविद्युत् क्षेत्रमा देखिएको विकृति तथा विसङ्गतिलाई कम गर्न पनि विधिको आवश्यकता थियो, सोही आवश्यकतालाई मध्यनजर गरेर समयमै अनुमतिपत्र लिन र म्याद सकिएपछि त्यसको प्रगति प्रतिवेदन बुझाउन र बढेको शुल्कअनुरूप दस्तुर बुझाउन आग्रह गरिएको हो।' विभागले सर्भे लाइसेन्स पाउँ भनी अनुमति मागेका ८३५ वटा निवेदनसमेत खारेज गरिदिएको छ। विधि तथा प्रक्रिया नपुर्या ई आएका र एउटै आयोजना स्थल भएका स्थानमा फरक–फरक व्यक्तिका नाममा आएका निवेदन खारेज गरिएको हो। खारेज भएका आयोजनामध्ये केहीको पुनः अनुमतिपत्रका लागि सार्वजनिक आह्वान गरिने र ठूला आयोजनाको हकमा भने सरकारले नै प्रक्रिया अगाडि बढाउने तयारी गरिएको बुझिएको छ।

प्रचण्डको प्रस्तावको विपक्षमा नारायकाजी श्रेष्ठ

लिम्वूवान डट व्लगस्पोट डटकम,काठमाडौं 
एकीकृत नेकपा माओवादी नेता नारायणकाजी श्रेष्ठ प्रकाश प्रचण्डको प्रस्तावको विपक्षमा तर्क राखेका छन्। पार्टी भित्र पद विभाजनमा विवाद देखिएपछि उपाध्यक्ष पदबाट पूर्व प्रधानमन्त्री बाबुराम भट्टराईले राजीनामा दिएपछि पार्टी भित्रको विवाद मिलाउन हिजोबाट खन्ना गार्मेन्टमा सुरु भएको विस्तारीत बैठकमा अध्यक्ष पुष्पकमल दाहाल प्रचण्डले प्रस्तुत गरेको संगठनात्मक संरचना सम्बन्धित प्रस्ताव प्रति श्रेष्ठले विमति जनाएका हुन् । दाहालले विस्तारित बैठकमा अध्यक्षमात्रै रहने पार्टीको संगठनात्मक संरचना सम्बन्धि प्रस्ताव पेस गरेपछि श्रेष्ठले त्यसमा असहमति जनाएका हुन् । श्रेष्ठले एउटा टेलिभिजन कार्यक्रमलाई दिएको अन्तरवार्तामा अध्यक्षको प्रस्ताव प्रति असहमति जनाएका हुन् । श्रेष्ठले हेटौँडा महाधिवेशनले तय गरेको सामूहिक नेतृत्वको विरुद्धमा जानु ठिक नभएको बताएका छन् । श्रेष्ठले पार्टीले सामुहिक निर्णयलाई बिर्सिएर बाबुराम भट्टराईले पद त्यागेकै नाममा पार्टीको संरचना नै परिवर्तन गर्न खोज्नु गलत भएको समेत बताएका छन् । श्रेष्ठले बाबुराम भट्टराईले चुनावको मुखमा आएर पद छोड्नु ठिक नभएको समेत बताएका छन् ।

नारायणकाजी र बोगटीले राजीनामा दिए

लिम्वूवान डट व्लगस्पोट डटकम,काठमाडौं 
एकीकृत नेकपा माओवादीको जारी विस्तारित बैठकमा उपाध्यक्ष नारायणकाजी श्रेष्ठ र महासचिव पोष्टबहादुर बोगटीले पदबाट राजीनामा दिएका छन्। शुक्रबार बैठक उद्घारटन हुनुअघि बसेको पदाधिकारी बैठकमा श्रेष्ठ र बोगटीले अध्यक्ष पुष्पकमल दाहाललाई राजीनामा पत्र बुझाएका थिए। शनिबार समूह छलफलमा श्रेष्ठ र बोगटीको 'राजीनामा के हो भनी' छलफलमा सहभागीहरुले प्रश्न गरेपछि राजीनामा दिएको खुलासा भएको हो। उनीहरुले त्याग भन्ने आदर्शवादी सोँच हो। हामीले पद खाली गर्नका लागि राजीनामा दिएका हौं भनेका थिए। सहभागीहरुले छलफलमा भट्टराईको पदत्याग, श्रेष्ठ र बोगटीको राजीनामाको छुट्टाछुट्टै मूल्यांकन हुनुपर्ने बताएको केन्द्रीय सदस्य प्रकाश पोखरेलले जानकारी दिए।

Jul 18, 2013

उत्तर कोरियाले सैनिक परेडका लागि क्षेप्यास्त्र तयार गर्‍यो

लिम्वूवान डट व्लगस्पोट डटकम,काठमाडौं 
कोरियाली युद्धपछि उत्तर कोरियाले यस महिनाको अन्त्यतिर आफ्नो ६० औँ वाषिर्कोत्सव मनाउन व्यापक सैनिक परेड आयोजना गर्न विभिन्न प्रकारका क्षेप्यास्त्र परिचान गर्न थालेको समाचार सोलमा केन्द्रीय कार्यालय रहेको योनहाप समाचार संस्थाले दिएको छ । स्याटलाइट चित्रमा दश हजार भन्दा बढी उत्तर कोरियाली सैनिकले प्योङयाङको मिरिन विमानस्थलमा परेडको अभ्यास गरेको देखाइएको छ । दक्षिण कोरियाली सैनिक स्रोतले छोटो तथा मध्यम दूरीको क्षेप्यास्त्र मोबाइल प्रक्षेपणमा राखिएको देखिएको समाचारमा उल्लेख गरिएको छ । सोलमा सैनिक अधिकारीहरूले यस परेडमा उत्तर कोरियाले हालै विकास गरेको पारमाणविक क्षेप्यास्त्र पनि प्रदर्शन गर्नेछ वा छैन भनी निकै ध्यान दिएर हेरेको भनी योनहाप समाचार संस्थाले उल्लेख गरेको छ । दक्षिण कोरियाली प्रतिरक्षा मन्त्रालयले सैनिक परेड जुलाई २७ का लागि तयार भएको र त्यो दिन उत्तर कोरियामा विजय दिवसको रूपमा मनाइने गरिएको जानकारी दिएको छ । मन्त्रालयका प्रवक्ता वी योङ सोबले यो सैनिक विषय भएको र यसमा विस्तृत विवरण दिन नसकिने बताउनुभयो । फेब्रुअरी महिनामा उत्तर कोरियाको सत्ताधारी कम्युनिस्ट पार्टीले सैनिक परेड आयोजना गर्ने त्यसमा आतसवाजी प्रदर्शन गरिने जानकारी दिएको थियो । यसबीच उत्तर कोरियाली नेता किम जोङ उनले युद्ध सङ्ग्रहालय भ्रमण गर्नुभएको प्योङयाङको कोरियाली केन्द्रीय समाचार संस्थाले बिहीबार समाचार दिएको छ । सन् १९५० देखि ५३ सम्मको युद्ध शान्ति सम्झौतामा नभइ युद्ध विराममा टुङ्गिएकाले दुई कोरिया अझै युद्धको अवस्थामा छन् । उत्तर कोरियाले यो युद्धविराम भङ्ग गर्ने चेतावनी दिँदैआएको छ ।

प्रत्यक्षतर्फका २ सय ४० वटा चुनाव क्षेत्रको संख्या बढ्ने

लिम्वूवान डट व्लगस्पोट डटकम,काठमाडौं 
२ साउन,प्रत्यक्षतर्फका २ सय ४० वटा चुनाव क्षेत्रको संख्या बढ्ने भएको छ । सरकारले हालै ताहिर अलि अन्सारीको अध्यक्षतामा गठन गरेको निर्वाचन क्षेत्र निर्धारण आयोगलाई भने दुई सय ४० क्षेत्रलाई नबढाई क्षेत्र निर्धारण गर्न भनिएको छ । तर, मधेसमा ५ सीट थप्नुपर्छ भन्ने मधेसी दलहरुको मागलाई सम्बोधन गर्दै प्रत्यक्षतर्फको २ सय ४० सदस्यीय सीटसंख्या बढाउन प्रमुख राजनीतिक दलहरु आन्तरिक छलफलमा जुटेका हुन् । यसबारे राजनीतिक समितिका नेताहरूले हालै मन्त्रिपरिषद् अध्यक्ष खिलराज रेग्मीसँग समेत छलफल गरिसकेका छन् । निर्वाचन क्षेत्र निर्धारण आयोगका पदाधिकारी र उच्चस्तरीय राजनीतिक समितिवीच दुई दिन अघि भएको छलफलमा प्रत्यक्षतर्फका २ सय ४० सीटलाई बढाउनेबारे छलफल भएको हो । छलफलमा सहभागी एक नेताले दिएको जानकारीअनुसार आयोगका सदस्य नेत्र धितालले देशभरिबाट २५ सीट थप्नुपर्ने धारणा रहेको नेताहरुलाई बताउनुभएको थियो । त्यसपछि छलफल सकेर बाहिर निस्कने क्रममा तमलोपाका नेता हृदयेश त्रिपाठीले आयोगले २५ सीट थप्न आग्रह गरेको प्रतिक्रिया दिनुभएको थियो ।

म्यानमारका सबै राजनीतिक बन्दी रिहा हुने

लिम्वूवान डट व्लगस्पोट डटकम,काठमाडौं 
१ साउन, लन्डन,म्यानमारका राष्ट्रपति थाँ सेनले म्यानमारका जेलमा रहेका राजनीतिक बन्दीलाई यसै वर्षको अन्त्यसम्ममा रिहा गरिसक्ने घोषणा गर्नुभएको छ । औपचारिक भ्रमणका लागि लन्डनमा पुग्नुभएका राष्ट्रपति थाँले म्यानमारमा सशस्त्र विद्रोह गरिरहेका जातीय समूहसँग पनि यसैहप्ता युद्ध बिराम हुने बताउनुभयो । लन्डनमा सोमबार पत्रकारहरुसँग कुराकानी गर्दै उहाँले भन्नुभयो- म तपाईँहरुलाई यो सुनिश्चित गर्न चाहन्छु कि यस वर्षको अन्त्यसम्ममा म्यानमारको जेलमा कुनैपनि राजनीतिक बन्दी रहने छैनन् । करिब आधा शताब्दिदेखि जारी रहेको सैनिक सरकारबाट प्रजातान्त्रिक सरकारका रुपमा परिवर्तनको अभ्यासमा हाल म्यानमार रहेको उहाँले बताउनुभयो । यसै हप्ताको अन्त्यसम्ममा हामीले देशव्यापी रुपमा यद्धबिराम गर्ने बताउँदै उहाँले भन्नुभयो- ६० वर्षदेखि पहिलोपटक हामीले हतियार बिसाउँदै छौँ र यो हतियार अब सायद कहिल्यै पनि उठ्नेछैन । सन् २०१० पछि म्यानमार राजनीतिक सुधारका लागि अग्रसर भइरहेको छ । सोही समयमा नै म्यानमारको सैनिक सरकारको थुनामा रहेकी त्यहाँकी प्रजातन्त्रवादी नेत्री आङ सान सुकीलाई पनि जेलमुक्त गरेको थियो ।

३ करोड धरौटी नबुझाएपछि डन गणेश लामा जेल चलान

लिम्वूवान डट व्लगस्पोट डटकम,काठमाडौं 
२ साउन,विशेष अदालतमा मागेको ३ करोड धरौटी नबुझाएपछि डन गणेश लामालाई डिल्लीबजार सदरखोर चलान गरिएको छ । जेल जानु अघि अदालत परिसरमा सञ्चारकर्मीहरुसँग कुरा गर्दै लामाले आफू राजनीति गर्ने मान्छे भएको भन्दै आफूलाई फसाएको दावी गरे । उनले भने-’यो सुनियोजित हो । म राजनीतिकर्मी हो । म आश गर्छु मैले अदालतबाट न्याय पाउँछु ।’ अदालतका अध्यक्ष केदारप्रसाद चालिसे तथा सदस्यद्वय मोहनरमन भट्टराई र भुपेन्द्रप्रसाद राईले इजलासले बिहीबार थुनछेक बहसपछि लामासँग ३ करोड धरौटी मागेको थियो । धरौटी नबुझाएपछि लामालाई थुनामा पठाइएको अदालतका रजिष्टार धिरबहादुर चन्दले जानकारी दिनुभयो । बहस नसकिएकाले लामालाई बुधबार प्रहरी प्रभाव सिंहदरवारमा न्यायीक हिरासतमा पठाइएको थियो । लामा बाबु, भाई र दलबलसहित बुधबार विहान अदालतमा उपस्थित भएपछि बहस सुरु भएको थियो । सम्पत्ति शुद्धीकरण अनुसन्धान विभागले लामासहितका ५ डनविरुद्ध गत जेठ ३ गते विशेष अदालतमा मुद्दा दायर गरेको थियो । फोरम लोकतान्त्रिकका केन्द्रीय सदस्य समेत रहेका लामालाई २७ करोड १ लाख ६१ हजार अवैध सम्पत्ति कमाएको अभियोग छ । परशुराम बस्नेत २ करोड धरौटीमा छुटेका छन् भने चक्रे मिलन जेलमा छन् । अब दिपक मनाङ्गे र अभिशेक गिरीको मुद्दामा सुनुवाई हुन बाँकी छ ।

नेकपा-माओवादीलाई वार्तामा आउन सरकारको आग्रह

लिम्वूवान डट व्लगस्पोट डटकम,काठमाडौं 
सरकारले नेकपा-माओवादी लगाएत ३३ राजनीतिक दललाई वार्तामा आउन आग्रह गरेको छ । बिहीबार बसेको मन्त्रिपरिषद बैठक पछि बाहिरिदै सूचना तथा संचारमन्त्री माधव पौडेलले भने, 'नेकपा-माओवादी लगाएत ३३ राजनीतिक दललाई वार्तामा आउन सरकारले पुनः आग्रह गरेको छ ।' नेकपा-माओवादीको तर्फबाट अध्यक्ष मोहन बैद्यको नेतृत्वमा वार्ताटोली गठन गरीएकोमा उक्त टोलीको सरकारले स्वागत गरेको छ । आज बसेको मन्त्रीपरिषद बैठकले दिपायल, सुर्खेत, पोखरा, हैटौंडा र धनकुटामा क्षेत्रीय कार्यालयहरु खोल्ने निर्णय गरेको छ । नेपाली सेनाका विकास निर्देशनालयमा कार्यरत प्राविधिक तर्फका महासेनानी शरदलाल श्रेष्ठलाई एक तह बढुवा गरेको सूचना तथा संचार मन्त्री माधव पौडेलले जानकारी दिए । प्रधानसेनापति गौरब शमशेर राणाको भदौ २१ देखि २७ सम्म हुने बेलायत भ्रमणलाई आजको बैठकले स्विकृति प्रदान गरेको छ ।

Jun 19, 2013

कियाचु इज़रायलले आयोजना गरेको कार्यक्रममा तक्मे बुढा

लिम्वूवान डट व्लगस्पोट डटकम,काठमाडौं /यासिन राई  
गत शुक्रवार किराँत याक्थुंग चुम्लुङ्ग नेपाल इज़रयाल्को आयोजनामा विल्सन बिक्रम राई (तक्मे बुढा) को हास्य व्यंग्यात्मक प्रस्तुती  र उनि व्दारा  नै अभिनित राष्ट्र भावले ओत प्रोत नेपाली  सफल कथानक चलचित्र रिदमको प्रदर्शनी भव्यताका साथ् सम्पन्न गर्यो । इज़रायाल्मा भर्खरै स्थापित
किराँत याक्थुंग चुम्लुङ्ग नेपाल इज़रायल संस्थाले पहिलो पटक गरेको यस कार्यक्रमले सोचे भन्दा बढी सफलता प्राप्त गरेको संस्थाका प्रतिनिधिले बताए । विल्सन बिक्रम राई (तक्मे बुढा) यहीं कार्यक्रमको लागि लन्डन बाट १३ जुन बिहिबार राति इज़रायल आइपुगेका थिए । यो उनको इज़रायल दोस्रो आगमन हो गत बर्ष वडा दशै अवसर पारेर आयोजना गरिएको नमस्ते नेपाल साँझ २०१२ मा उनि पहिलो पटक इज़रायल आएका थिए । त्यस बखतको उनको बेजोड प्रस्तुतिलाई दर्शकले निकै प्रसंसा गर्दै पुनः तक्मेको प्रतिक्षामा रहेकाहरुले यस पटक मजाले नै मजा लिएको बताए । इज़रायलमा सु-सङ्गठित विभिन्न सङ्घ संस्थाहरु, मिडियाहरु र दर्शकहरु सोचे भन्दा बढी नै उपस्थित थिए । साढे चारसयको क्षमता भएको तेल अभिव्को हा-हगना बेद बारबर हल -१३५ मा तक्मे बुढाले हसाएको हेर्न दर्शक अटी नअटी देखिन्थे । बेलका करिव साढे दसमा सुरु भएको उक्त कार्यक्रम रातको साढे तीनमा सकिएको थियो । कार्यक्रमको संचालन संस्थाका महासचिव बिबस खापुङ्ग सुमन ले गर्नु भएको थियो भने स्वागत मन्तब्य श्रीमती कृष्णकला वनेमले निकै गहकिलो रुपमा दिदै संस्था स्थापना हुनुको उदेश्य, संस्था भनेको के हो र यस संस्थाले के कस्तो लक्ष्य राखेको छ आदि उत्यादी कुराहरु बारे स्पष्ट धारणा राख्दै पहिले हामी नेपाली  हौँ त्यसपछी हामी जात जाति हौँ तसर्थ हामीले असल नागरिक हुनुको कर्तब्य निभाउनु पर्छ भन्दै संस्थाले त्यस कार्यक्रम बाट उठेको एक एक पैसा सामाजिक सेवामा लगाउने उदेश्य राखेको पनि प्रष्ट्याउनु भयो । संस्था भन्न साथ् राजनीति सँग पर्यायवाचीको रुपमा हेरिन्छ तर यो आफ्नो कला संस्कृतिको संरक्षण र सम्बर्दको लागि खुलेका विशुद्ध संस्थाहरुलाई राजनीति संग जोडेर हेर्न नहुने धारणा पनि स्पष्ट राख्नु हुँदै वनेमले सबैलाई न्यानो स्वागत गर्नु भयो । कार्यक्रमको सुरुवात इज़रायाल्मा स्थापित विभिन्न सङ्घ संस्था, विशेष सहयोगी र मिडियालाई सम्मान गरि अगाडी बढाइएको थियो । करिव दुइ घण्टा जति विल्शन बिक्रम राइले पेट मिची मिची हसायेपछी एक सिङ्गल रिमिक्स गीत (ये दोस्ती हम नही तोड़ेंगे...) गाएका थिए भने सिम्पल सिम्पल कान्छीको डिम्पल पर्ने गालामा....मा डबल डान्स रोशी राई सँग गरेका थिए र मखमली पछेउरिले सानु मुहारै छोपेको ..... गीतमा लोभलाग्दो सिङ्गल नाचेका थिए । हरेक गीत र नाचमा सम्पूर्ण दर्शकले गडगडाहट तालि र स्वरमा स्वर मिलाउदैथे तक्मे बुढालाई साथ् दिइ रहेका थिए । करिव साढे बाह्र बजे बाट फुरु भएको फिल्म रिदमले स्टारटिंग बाट नै भाबुक बनाएको थियो । साच्चै राष्ट्र भावले ओत प्रोत उक्त फिल्मले त्यहि हसाउथियो त्यहि, रुवाउथियो । दर्शहरुले बीच बिचमा पटक पटक तालि बजाइरहेका थिए फिल्मको डायाल्क साच्चै राष्ट्रियताको रसायनले लपक्क भिजेको थियो जसले दर्शकलाई निकै भाबुक बनाईरह्यो अनि उनीहरुका आँखा रसाएका देखिन्थे । पूर्ण नेपाली पनमा ढालेर बनाइएको फिल्म हेरिसकेपछि सबैको प्रतिक्रिया प्राय एकै थियो फिल्म रिदमले हृदये रिदममय बनायो । सबैले एक पटक हेर्ने पर्ने बर्तमान स्थितिलाई लक्षित गरि बनाइएको चलचित्र रिदम राजधानी तथा मोफसलका विभिन्न हलहरुमा ५१ औं दिन मनाउन सफल प्रदिप दाहालको निर्माण र बिकाश आचार्य द्वारा निर्मित फिल्म रिदम्मा स्थानिय ठेट भाषाहरुको प्रयोग र बिशेष गरि हामीमा आज राष्ट्रियता हराउदै गएको छ भन्ने अनुभूत गराउनु नै मूल हेतु रहेको छ । चलचित्रमा अहिले हास्य व्यंग्य क्षेत्रका निकै नै चर्चीत् विलसन बिक्रम राईको मुख्य भूमिका रहेको छ । शारिरीक रुपमा अपाङ्ग भएका व्यक्तिहरु र अनाथ वालवालिकाहरुलाई प्रमुख पात्र बनाइएको कथावस्तु अत्यन्तै मार्मिक ढंगले प्रस्तूत गरिएको छ । किराँत यक्थुङ्ग चुम्लुङ्गल नेपाल इज़रायलले आयोजना गरेको उक्त कार्यक्रम विलसन बिक्रम राई (तक्मे बुढा ) को दमदार प्रस्तुति र उनै द्वारा अभिनित चलचित्र रिदमले रिदममयबनाएको थियो । सुरु देखि अन्त्य सम्म शान्त वातारणमा समापन भएको थियो ।

पदमसिंह लिम्वुको एल्वम सिडी तथा भिसिडी र्इच्छाको विमोचन

लिम्वूवान डट व्लगस्पोट डटकम,काठमाडौं /थिवोङशा 
१६,जून २०१३ याक एण्ड यती मा नेपालवाट आएका क्या. विजय लामाले पदमसिंह लिम्वुको एल्वम सिडी तथा भिसिडी र्इच्छा को विमोचन गर्नुभयो । ताप्लेजुङवाट हङकङमा आएका भूपू आर्मी गायक संगितकार लिम्वुको उमेरको उत्तर्रार्द्धमा निकालिएको यो एल्वम हङकङमै रेकर्डिङ भएको र म्यूजिक भिडियो स्थान पनि हङकङकै रहेकोछ । पालुङवा समाज हङकङले संयोजन गरेको कार्यक्रममा समाजका सल्लाहकार मे.शरण कुमार लिम्वुले अध्यक्षता गर्नुभएको थियो भने सञ्चालन र स्वागत मन्तव्य क्रमश डि.वी पालुङवा र गीता पालुङवाले गरेका थिए । त्यस्तैगरेर प्रमुख अतिथीमा क्या.विजय लामा, विषेश अतिथीमा दिनेश सुव्वा, अतिथीहरुमा ताप्लेजुङ समाजका सचिव सञ्जय तुम्वाहाम्फे, भूपूका अध्यक्ष हेम प्रताप गुरुङ, संगीतकार गणेश पराजुली, नेपाली साहित्य प्रतिष्ठान हंगकंगका अध्यक्ष टंक सम्वाहाम्फे आदि रहेका थिए । एल्वमको वारेमा सात्यिकार दिल पालुङवा, प्रदिप कन्दङवा, दिनेश सुव्वा आदिले गरेका थिए । एल्वमका कलाकारहरुलाई पनि सम्मान पत्र प्रदान गरिएको । साथै गायक लिम्वुलाई पल्टने मित्र १९७८ ले दोसल्ला ओडाएर सम्मान गरिएको थियो ।

हङकङमा प्रोफेसर डा. महेन्द्र लावती

लिम्वूवान डट व्लगस्पोट डटकम,काठमाडौं आम्भु जेठा, 
हङकङ, ४ जुन, संघियता अर्थात अटोनोमिले विभिन्न समुदाय विच समान्ता र न्यायको आधारमा एकले अर्कालाई स्वीकार्य
हुने प्रिन्सिपलको आधारमा मिलेर वस्ने आधार दिन्छ भन्दै पहिचान सहितको संघियताले देश नटुक्रने वरु झन वलियो हुने प्रोफेसर डा. महेन्द्र लावती वताए । पोलिटिकल साइन्स विषयको प्रोफेसर डा. लावती हङकङ भ्रमणको क्रममा विभिन्न कार्यक्रमहरुलाई सम्वोधन तथा भेट–घाट गर्ने क्रममा यिनै कुरा वताए । अघिल्लो विहिवार याउमातेइको एक हलमा पापोहाङ लावती सयङ हङकङले आयोजना गरेको “संघियता र पहिचान सम्वन्धी अन्तरक्रिया कार्यक्रममा” प्रो. डा. लावतीले उक्त कुरा वताए । संघियता र पहिचान सम्वन्धी अन्तरक्रिया कार्यक्रमका प्रमुख अतिथि प्रोफेसर डा. लावतीले एउटै मात्र जाति वा समुदायको मुल्य र मान्यता अन्य जातिमा लागु गर्न खोजिन्छ भने त्यहाँ निश्चत रुपमा विद्रोह हुन्छ भन्ने कुराको चर्चा गर्दै नेपालमा ५ देखि ७ वटा प्रदेश भयो भने त्यहाँ खस्ने मतको आधारमा क्षेत्रि वाहुनको मात्र प्रतिनिधि हुने अन्य जातिको प्रतिनिधि नहुने वताए । नेपालको संघियता संवन्धि समावेसीताको आधार, देशको आर्थिक विकास र जनतालाई राजनैतिक, समाजिक श्रोत र साधनमा पहुच, लोकतन्त्रको सुध्रिडिकरण र आगामि दिनमा भैलेन्ट कन्फिटि नवाओस भन्ने विषयमा आफ्नो राखेका थिए । नेपालमा चलेको दुईवटा मोडेलको संघियता संवन्धि ५ देखि ७ वटा प्रदेश भयो भने मधेसको एक भाग वाहेक अन्य सवै क्षेत्रमा क्षेत्रि वाहुनहरुको जनसंख्यानै वहुल्व वा वढि मात्रमा हुने भएकोले केन्द्र र प्रदेशहरुमा फेरिपनि जनजाति समुदायहरु नितिनिर्माण तहमा प्रतिनिधित्व हुन नसक्ने वताए । यदि ५ देखि ७ प्रदेशको साटो १२ देखि १४ प्रदेशको संघियता भएमा कर्नाली वाहेक अन्य प्रदेशहरुमा त्यहाँका जनजातिहरुको वहुमत होइन वाहुल्य हुने भएकोले त्यहा नितिनिर्माण तहमा पुग्ने कुरा उनले वताए । “संसारमा सफल संघिय राज्य ब्यवस्था भएको देशहरुको आंकडा हेर्ने हो भने ९ देखि माथि भएका संघात्मक प्रदेश भएका देशहरु ६४ प्रतिशत छन भने ९ भन्दा कम संघिय राज्य ब्यवस्था भएका देशहरु ३८ प्रतिशत छन् । ति देशहरुमा २ देखि ३ प्रान्त भएका संघात्मक देशहरु ७५ प्रतिशत फेल भएका छन् भने २५ प्रतिसत मात्र सफल भएका छन् । ४ देखि ७ प्रान्त भएका संघात्मक देशहरु ५० प्रतिशत फेल भएका छन् ५० प्रतिसत सफल भएका छन् । ८ देखि १४ प्रान्त भएका संघात्मक देशहरु २० प्रतिशत फेल भएका छन् भने ८० प्रतिसत सफल भएका छन् । १५ देखि माथि प्रान्त भएका संघात्मक देशहरु १३ प्रतिशत फेल भएका छन् भने ८७ प्रतिसतले सफल भएका छन् ।” पहिचानको सहितको संघियता भयो भने देश टुक्रिन्छ, जातिय दंगा हुन्छ भनेर नेताहरु तथा ठुला मिडियामा गलत प्रचार भएको भन्दै जतिनै प्रचार गरेपनि यसमा कुनै रियालिटि नभएको प्रोफेसर डा. लावती वताउछन् । पापोहाङ लावती सयङ हङकङले आयोजना गरेको संघियता र पहिचान सम्वन्धी अन्तरक्रिया कार्यक्रमको अध्यक्षता पापोहाङ लावती सयङ हङकङको अध्यक्ष खगेन्द्र लावती “भिमराज”ले गरेका थिए भने सयङका सचिव कमानध्वज लावतीले कार्यक्रम संचालन गरेका थिए । सयङको सस्थापन अध्यक्ष कृष्णराज “तान्छोहाङ” लावतीले कार्यक्रमलाई स्वगत मन्तब्य दिएका थिए । तान्छोहाङ लावती उक्त कार्यक्रमका मुख्य डिजाइनर हुन । उनले प्रोफेसर डा. लावतीलाई हङकङ ल्याउनका लागि एक वर्ष अघि देखिनै कोसिस गरेका थिए । उक्त कार्यक्रममा प्रमिला लावतीले प्रोफेसर डा. लावतीको वारेमा जानकारी गराएका थिए । नेपाल बाट अमेरिका हिडेका प्रोफेसर डा. लावती अघिल्लो हप्ताको विहिवार हङकङ आइपुगेका थिए । पापोहाङ लावती सयङ हङकङको निमन्त्रणामा यहाँ आएका प्रोफेसर डा. लावती संग सम्पूर्ण लावती परिवारले विहिवार साँझ जोर्डन स्थित एक रेष्टुरेण्टमा भेट–घाट कार्यक्रमको आयोजना गरेका थिए । नेपाली आदिवासी जनजाति महासंघ हङकङ, किरात याक्थुङ चुम्लुङ हङकङ, पान्थर मञ्च हङकङले फुलबारी क्लवमा संयुक्त रुपमा भेटघाट तथा अन्तरक्रिया कार्यक्रमको आयोजना सुक्रवार साँझ गरेका थिए । तीन दिनको आफ्नो कार्यक्रम सकेर चाउथो दिन विहान हङकङको एयरपोटबाट युएसए गए । यतिवले डा. लावति युएसएको वेस्टन मिचिगन युनिभर्सिटिमा पोलिटिकल साइन्स विषयको प्रोफेसर रहदै आएका छन् । पोलिटिकल अन्र्तगत उनले करिव आधा दर्जन जति किताव विश्व वजारमा आएको छ भने दर्जनौको संख्यामा उनको लेखहरु विभिन्न माध्यमबाट सार्वजानिक भएको छ दर्जको देसी विदेसी मिडियाले उनको इन्टरभ्यु लिएका छन् ।

पत्रकार तथा समाजसेवी कल्पना तुम्रोकको विदाई कार्यक्रम

लिम्वूवान डट व्लगस्पोट डटकम,काठमाडौं 
हङकङ, १६ जुन । पत्रकार तथा समाजसेवी कल्पना तुम्रोकको विदाई कार्यक्रम पान्थर मञ्च हङकङको आयोजनामा सम्पन्न भयो । तुम्रोक १६ वर्षको हङकङ वसाई पछि यहि जुन २५ मा नेपाल जादै छिन् । विदाई कार्यक्रममा लामो समय पछि नेपाल जानलागेको वताउदै नेपालमा आफनो परिवारलाई समेत राम्रो उपचार गराउने उदेश्यले आफु जान लागेको तुम्रोकले वताए । नेपालमा गएर पनि हङकङको नेपाली समाज संग कुनै कुनै माध्यमबाट आफु सम्पर्कमा रहिरहने र त्यहा पनि आफ्नो पत्रकारिता तथा समाजसेवालाई निरन्तरता दिने वताईन । “विदाइ कार्यक्रम आफैमा खुलाउनै नसकिने शब्द र त्यो क्षण आफैमा सोच्न पनि निक्के गाह्रो पर्ने” भन्दै लिम्बुवान राष्ट्रिय मुक्ति मोर्चाको अध्यक्ष रविन लिङदेन, चलचित्र निर्देशक तथा याक्थुङ मुन चइत चोक सयङका अध्यक्ष मौसम इम्बुङ, कलाकार कमानधोज लाओती लगायत विदाई कार्यक्रमका अन्य अतिथिहरुले आ–आफनो मन्तब्य राखेका थिए । सनिवार साँझ जोर्डन स्थित फुलवारी कल्बमा आयोजित कार्यक्रमका मञ्चका अध्यक्ष प्रताप राईको अध्यक्षतामा समपनन भएको थियो । मञ्चका सचिव टिकाराम माक्खिमले संचालन गरेको कार्यक्रममा उपाध्यक्ष कुमार गुरुङले स्वागत मन्तब्य राखेका थिए । कार्यक्रममा सचिव टिका माक्खिम र सदस्य पवित्रा राईले छुट्टा–छुट्टै विदाई गित गाएका थिए । सोह्र वर्षको हङकङ वसाई पछि यहि जुन २५ मा नेपाल जाने क्रममा सनराई साप्ताहिक, याक्थुङ कलाकार संघ लगाय अन्य संघ सस्थाहरुले तुम्रोकलाई विदाइृ गर्ने कार्यक्रम रहेको छ । यतिवेला उनको नेपाल स्थित परिवारमा एक परकारको ठुलो संकट आएको छ । उनलाई, उनै तागेरा निङवा भु माङले (भगवान) त्यो शक्ति प्रदान गरुन जो सवै प्रकारको संकटहरु सजिलै सित पार गर्न गरोस ।

Jun 1, 2013

आइतबारदेखि उपत्यकाका सबै अदालतमा पेन डाउन

लिम्वूवान डट व्लगस्पोट डटकम,काठमाडौं 
न्यायपालिकासम्बद्ध पाँचवटा कर्मचारी संगठनले आइतबारदेखि सर्वोच्चसहित उपत्यकाका सबै अदालतमा पेन डाउन गर्ने भएका छन् । आफ्ना माग पूरा गर्न सर्वोच्च प्रशासनले चासो नदेखाएको भन्दै ट्रेड युनियनमा आबद्ध कर्मचारी संगठनले भोलिबाट पेन डाउन गर्ने निर्णय गरेका हुन् । आइतबार १० देखि ११ बजेसम्म र त्यसपछिका दैनिक एकएक घन्टाका दरले पेन डाउन कार्यक्रम बढाउँदै लैजाने निर्णय गरिएको बताइएको छ । नेपाल निजामती कर्मचारी संगठन, नेपाल निजामती कर्मचारी युनियन, नेपाल राष्ट्रिय कर्मचारी संगठन, राष्ट्रसेवक कर्मचारी संगठन र राष्ट्रिय स्वतन्त्र कर्मचारी मिलन केन्द्रको शुक्रबार बसेको संयुक्त बैठकले पेन डाउनको निर्णय गरेको हो । कर्मचारीले सर्वोच्च, पुनरावेदन र जिल्ला तहमा तत्काल न्यायाधीश नियुक्ति हुनुपर्ने, न्यायाधीश र कर्मचारीका लागि एउटै मापदण्डको सेवा, सर्त र सुविधा लागू गर्नुपर्ने, न्यायाधीश र कर्मचारीको सरुवा व्यवस्था पारदर्शी र नियमित हुनुपर्ने लगायतका माग राखेका छन् । सर्वोच्च प्रशासनले बिहीबार नै विभिन्न निकायमा परिपत्र गरिएको जनाएको भए पनि कर्मचारीले भने वार्ता असफल बनाउने षड्यन्त्र भएको भन्दै आपत्ति जनाएका छन् ।

जातीय पहिचानका लागि फेरि आन्दोलनको तयारीमा: कुमाल

लिम्वूवान डट व्लगस्पोट डटकम,काठमाडौं 
आदिवासी जनजातिको प्रतिनिधित्व घटाउने किसिमले नयाँ संविधासभा गठन हुन नदिने आदिवासी जनजातिका अगुवाहरूले चेतावनी दिएका छन्। राजधानीमा आज आयोजित “आदिवासी जनजाति महासंघ नेपालको चुनौती र आगामी रणनीति” विषयक अन्तरक्रिया कार्यक्रममा जनजाति नेताहरूले एक प्रतिशत थ्रेस होल्ड कुनै पनि हालतमा मान्य नहुने बताउँदै समानुपातिक तर्फको सङख्या घटाउन नहुनेमा जोड दिएका छन्। साथै कार्यक्रमका सहभागीहरुले जातीय पहिचान र प्रतिनिधित्वको सुनिश्चितताका लागि अहिलेको राजनीतिक परिस्थितिको बारेमा ठोस धारणा बनाएर अघि बढ्न आदिवासी जनजाति महासंघको नयाँ नेतृत्वलाई सुझाव दिएका छन्। आदिवासी जनजाति महासंघ नेपालका अध्यक्ष नगेन्द्र कुमालले जातीय पहिचानका लागि आफूहरुले फेरि आन्दोलनको तयारी गरिरहेको बताए। नयाँ बन्ने संविधानसभामा जातीय जनसङख्याको आधारमा प्रतिनिधित्व गराउनुपर्ने र पहिचान खुलेका जातिको एक जाति एक प्रतिनिधित्वको ग्यारेण्टी गर्नुपर्ने अध्यक्ष कुमालले माग गरे। अहिलेसम्म आदिवासी जनजाति समुदायका ५९ वटा जाति सूचीकृत भइसकेका छन्।

साना ११ विद्यार्थीसंगठनले गरे आन्दोलनको घोषणा

लिम्वूवान डट व्लगस्पोट डटकम,काठमाडौं 
ठूला विद्यार्थी संगठनहरुले स्ववियु निर्वाचन हुन नदिएको आरोप लगाउँदै साना ११ विद्यार्थी संगठनहरुले आन्दोलन र भण्डाफोरको कार्यक्रम अघि सारेका छन् । रिपोर्टर्स क्लव नेपालमा शनिवार पत्रकार सम्मेलन गरेर साना ११ विद्यार्थी संगठनहरुले संयुक्त रुपमा विरोधका कार्यक्रम अघि सारेका हुन् । विरोध स्वरुप साना ११ विद्यार्थी संगठनहरुले सोमबार त्रिभुवन विश्वविद्यालय घेराउ गर्ने जनाएका छन् । पूर्व घोषित कार्यतालिका अनुसार अथवा जेठ मसान्त भित्र स्ववियु निर्वाचन जसरी पनि सम्पन्न गर्ने विषयलाई दवाव दिने उद्देश्यले आगामी सोमबार त्रिवि घेराउ गरिने ११ विद्यार्थी संगठनका नेताहरुले बताएका छन् । त्रिवि घेराउपछि थप आन्दोलनका कार्यक्रम घोषणा गरिने विद्यार्थी नेताहरुले जनाएका छन् । आज रिपोर्टर्स क्लवमा पत्रकार सम्मेलन गरेर आन्दोलनका कार्यक्रम घोषणा गर्ने विद्यार्थी संगठनहरुमा नेपाल विद्यार्थी क्रान्तिकारी संघ, अनेरास्ववियु छैठौ, अनेरास्ववियु पाँचौ, क्रान्तिकारी विद्यार्थी संगठन, अखिल नेपाल विद्यार्थी युनियन, अनेरास्ववियु एकीकृत, राप्रविसंघ, नेपाल विद्यार्थी परिवार, विद्यार्थी मञ्च, मधेशी विद्यार्थी फोरम नेपाल र मविफोने लोकतान्त्रिक रहेका छन् ।

May 20, 2013

लिरामुमो प्रवास समिति हङकङको विदाई कार्यक्रम

लिम्वूवान डट व्लगस्पोट डटकम,काठमाडौं 
हङकङ, १५ मे – लिम्बूवान राष्ट्रिय मुक्ति मोर्चा प्रवास समिति हङकङ द्घारा मोर्चाका केन्द्रिय सदस्य तथा विदेश बिभाग प्रमुख, पाचौं राष्ट्रिय सम्मेलन प्रचार प्रसार प्रमुख रमेस कुमार लिङदेनलाई जोर्डन स्थित एक रेस्टुरेन्टमा बिदाई कार्यक्रम गर्यो । विदाई कार्यक्रममा प्रमुख अतिथि रमेस कुमार लिङदेनले आउने जेठ २८, २९, ३० मा पान्थरको फेदेनमा हुने पाचौं राष्ट्रिय सम्मेलनको वारेमा जानकारी गराए । “लिम्बुवान राज्य सहितको संघिय संविधान निर्माणको वारेमा पहिचान सहितको संघियता, संघियता सहितको संविधान र संविधान सभाबाटै संविधान निर्माण गरिने कुरामा ब्यापक जनमत र्सजान गर्ने” उ
नले जानकारी गराए । जानकारीमा लिङदेनले आफु मोर्चाको केन्द्रिय महा सचिव पदमा उठ्ने समेत जानकारी गराए । दोश्रो संविधान सभाको चुनाव मंसिर सम्ममा हुने वताए । चुनावमा पार्टीले आफुलाई इलाम दुईमा पठाउने समेत वताए । इलाम दुईमा पूर्व सभामुख सुवास नेम्बाङलाई हराउने वताउदै इलाममा आफ्नो पकड राम्रो भएको वताए । मोर्चाको प्रवास समिति हङकङको अध्यक्ष रविन लिङदेनको अध्यक्षतामा भएको औपचारिक विदाई कार्यक्रमका प्रमुख अतिथि रमेश कुमार रहेका थिए भने एकीकृत नेकपा माओवादी पार्टी हङकङका पार्टी सचिव तथा लिम्बूवान राष्ट्रिय मुक्ति मोर्चा नेपालका केन्द्रिय सदस्य जे वी ओख्राबु विशेष अतिथि रहेका थिए । मोर्चाका केन्द्रिय सदस्य तथा प्रवास समिति हङकङका इन्र्चाज हरि पन्धाक, मोर्चाका केन्द्रिय सदस्य तथा प्रवास समिति हङकङका सह इन्र्चाज ज्ञानु मेन्याङवो, प्रमुख सल्लाहकारहरु भुपेन्द्र चेम्जोङ, सल्लाहकार ललित आङबुहाङ, चन्द्र राज सावाँ लिम्बू तारा सीं लिङदेन, तमु राष्ट«िय मुक्ति मोर्चा हङकङका अध्यक्ष दुर्गा गुरुङ, किरात याक्थुङ चुम्लुङको विशेष अतिथि रहेको कार्यक्रमलाई मोर्चाको उपाध्यक्ष हस्त लिवाङले स्वागत मन्तब्य दिएका थिएभने सचिव इन्द्र लक्समले कार्यक्रम सन्चालन गरेका थिए । अन्त्यमा अध्यक्ष रविन लिङदेनले उपस्थित सवैलाई धन्यवाद दिदै मोर्चाले आयोजना गरेको रात्रि भोजनमा उपस्थित सवैलाई सहभागी गराएका थिए ।

इरानमा महिला राष्ट्रपति बन्न बन्देज

लिम्वूवान डट व्लगस्पोट डटकम,काठमाडौं 
इरानको एक संवैधानिक संस्थाले आसन्न जुन १४ मा हुने राष्ट्रपति निर्वाचनमा महिलाको प्रतिनिधित्वमाथि प्रतिबन्ध लगाएको छ । संविधानमा महिलालाई राष्ट्रपति पदमा उठ्नबाट बन्देज लगाएको गार्डियन काउन्सिल उलेमा मोहम्मद यजदीले बताए । अर्को महिना हुने यस निर्वाचनका लागि ३० महिलाले प्रत्यासीको रूपमा मनोनयन दर्ता गराएका थिए । नयाँ घोषणापछि उनीहरूको निर्वाचनमा खडा हुने सम्भावना लगभग समाप्त भएको छ । संविधानले स्पष्ट रूपमा यसबारे केही नबोलेको पर्यवेक्षकहरूले बताएका छन् । यो घोषणाले भने यस विषयको बहसमाथि नै पूर्णविराम लगाएको छ । "कानुनअनुरूप महिला न त राष्ट्रपति बन्न सक्छन्, न त उक्त पदका लागि चुनाव लड्न सक्छन् ।" यज्दीले भने । महिलाले संसदीय निर्वाचनमा भने सहभागी हुन पाउँछन् । यस दृष्टिकोणले उक्त मुलुकको ऐन निर्माणमा महिलाको भूमिका हुन्छ । त्यहाँको संविधानअनुरूप वर्तमान राष्ट्रपति महमुद अहमदिनेजादले तेस्रो पटक राष्ट्रपति पदमा उठ्न पाउने छैनन् । यो पदका लागि ६ सय ८६ जनाले नामांकन दर्ता गराएका छन् । उम्मेदवारको अन्तिम सूची मंगलबार जारी हुनेछ । यसमा छनोट गरिएका व्यक्तिहरूको मात्र नाम हुनेछ । सन् २००९ मा ४ सय ७५ मनोनयनमध्ये गार्डियन काउन्सिल चारजनालाई मात्र उक्त पदका लागि योग्य उम्मेदवार ठहर गरेको थियो । विपक्षी दलले उक्त निर्वाचनको विरोध गर्दै सडक प्रदर्शन पनि गरेको थियो । सुधारवादी प्रतिद्वन्द्वी मिर होसैन मुसाबी र मेहदी करौबीलाई नजरबन्द गरिएको थियो ।

निर्वाचनमा एकीकृत माओवादी र मधेशी मोर्चा गठबन्धन

लिम्वूवान डट व्लगस्पोट डटकम,काठमाडौं 
 आगामी संबिधान सभाको निर्वाचनमा एकीकृत माओवादी र मधेशी मोर्चा सहितको गठबन्धनले एक भएर जाने कार्य योजना तयार गरेको छ । एकीकृत नेकपा माओवादीको कार्यालय कोटेश्वरमा बसेको गठबन्धनको बैठकमा साझा घोषणापत्र लिएर चुनावमा जाने प्रस्ताव गरिएको हो । सचिवालयले गरेको प्रस्तावमा न्यूनतम साझा उम्मेरद्धार बनाउने र त्यसका लागि आर्थिक भौतिक तयारी गर्ने प्रस्ताव गरिएको प्रवक्ता प्रेमबहादुर सिंहले जानकारी दिए । यसै बिच यसबारे अर्को बैठकमा ठोस निर्णय हुने सिंहले जानकारी दिए । गठबन्धन तल्लो तहसम्म विस्तार गर्ने साथै यसअघिका पूर्व निर्णय पनि कार्यान्वयन गर्ने निर्णय भएको छ ।

May 14, 2013

ताप्लेजुङ्ग अग्नि पीडित सहयोग साँझ पूर्ण रूपले सम्पन्न

लिम्वूवान डट व्लगस्पोट डटकम,काठमाडौं/ बल्लव रोक्का 
हङ्कङ मे, ८ स्थानीय याउमाताई कम्युनिटी सेन्टरको मुख्य हलमा ताप्लेजुङ अग्नि पीडित सहयोग साँझ नेपालवाट झिकाईएका त्रय कलाकारहरूको साथमा स्थानीय कलाकाराहरूको प्रस्तुति सहित वाक्लो दर्शकहरूको उपस्थितिमा भव्यताका साथ सम्पन्न भएको छ । फुङ्लिङ ताप्लेजुङ वजार सेवा समितिद्वारा आयोजित कार्यक्रममा प्रमुख अतिथि नेपाली महासंघका प्रदिप थापा,गेट्वे ओभरसिज डोमेस्टि हेल्पर इम्प्लोईमेण्ट लिमिटेडका हेम तवेवुङ,च्याम्वर अफ कमर्शका डासुराम पराजुली, कियाचुका त्रिभुवन लुङ्फूङवा र कार्यक्रम संयोजग जन्द्र मादेन आन्छनद्वारा नेपालवाट आउने कलाकारहरूलाई फूलमालाले स्वागत गरेप
छि सयुंक्त रूपमा रिवन काटेर उद्घाटन गरिएको थियो । नेपालवाट आउने युवाहरू संगीतकार एवं गायक मेघराज मगराती,गायक विक्रम लिम्वू र गायिका प्रमिना (श्रेया) राईले दर्शकहरूलाई भरपुर मनोरञ्जन दिन सफल भएका थिए भने हङकङका स्थानीय कलाकारहरू भाईलोनिष्ट निङ्वा शक्ति मादेन, गंगा कार्की, टोपराज लामा आदिले दर्शकको मन जित्न सफल भएका थिए ।गत माघ २६ गते ताप्लेजुङ वजारमा भिषण आगलागि हुँदा ८ वटा घरहरू खरानी भै करोडौंको क्षति भएकोथियो । सोही अग्निपीडित परिवारलाई सहयोग पुर्याउने उद्वेश्यले नेपालवाट परिश्रम नलिई राहत वटुल्न आयोजकहरूलाई सहयोग गर्नभनि त्रय कलाकारहरू आएकाथिए । पहिलो चरण र दोस्रो चरण गरि राखिएको सो कार्यक्रममा पत्रकार महासंघ हङकङका अध्यक्ष किसन राई,आदिवासी जनजाति पत्रकारमहासंघका अध्यक्ष भुपेन्द्र चेम्जोङ, विभिन्न संघसस्था र वुद्वीजिविहरूलाई आसनग्रहण गराईएकोथियो । उक्त कार्यक्रममा साधारण टिकट दर हङ्कङ डलर १५० थियो भने पाँचसय देखि २१ सये सम्म डलर दिने व्यक्तिहरू स्थल साँझ भित्रै पनि २० जना भन्दा ज्यादा सूर्रीएका थिए । साधारण टिकट वाहेक प्रायोजकहरू सहित हलभित्रै २२ हजार पाँचसये डलर उठेको थियो । सो ताप्लेजुङ अग्नि पीडित सहयोग साँझको सँयोजक चन्द्र मादेन आन्छन्ले आफू ताप्लेजुङ समाज सेवाको अध्यक्ष हुँदा संस्थाको तर्फवाट जिल्लालाई १० वर्ष अगाडी पहिरो पीडित परिवारलाई व्यक्ति,व्यक्ति मागेकै भरमा करिव ८ लाख र पछिवाट पाँचवर्ष अघि अग्नि पीडितलाई साडे चारलाख पठाईएको र आजचाँहि सांस्कृति कार्यक्रम गरि पृथकढङ्गले यानेकी मोही मागी ढुङ्रो लुकाउने भनेझैं राहतै वटुल्ने र आगामी केहिदिन भित्रै सवै पैसाको विवरण सहित नेपाल सम्वन्धित पीडितहरूलाई पठाई सार्वजनिक गरिने कुरोको जानकारी गरिएकोथियो ।उक्त औपचारिक कार्यक्रममा नारायण मादेन र पूर्णिमा शाहद्वारा संचालन गरिएको थियो भने सांस्कृत कार्यक्रम देवराज राईद्वारा उद्घोषण गरिएको थियो । साउन सिस्टममा कम्युनिटी सेण्टरकै कारणले गर्दा केहि प्राविधिक गडवडी भै कार्यक्रम निर्धारित समय भन्दा आधाघण्टा ढिलो ८ वजेदेखि १०/४५ रातिसम्म चलेकोथियो र बीच बीचमा माएक विग्रेर दूःख दिएको थियो ।सो कार्यक्रमको लागि मूलबाटो डट कमले प्रत्यक्ष प्रशारण गरेको थियो ।

अमेरिकाको ४ वर्षका बालक बने मेयर

लिम्वूवान डट व्लगस्पोट डटकम,काठमाडौं 
हामीकहाँ चुनाव लड्नका लागि उमेद्धार २५ वर्ष उमेर पुगेको हुनुपर्छ । तर अमेरिकाको एक सहरमा भने ४ वर्षका बालक मेयर बनेका छन् । मिनिसोटास्थित डर्सेट टाउनमा ४ वर्षका बालकलाई मेयरमा छनोट गरिएको हो । रोबर्ट टफ्स नामका ती फुच्चे मेयरले उक्त सहरमा विधिको शासन पालना गराउन भरमग्दुर प्रयास गरिरहेका छन् । न्युयोर्क डेलीका अनुसार ती फुच्चे मेयर विज्ञ माझी हुन् र उनलाई नाच्न र गाउनमा पनि शौख छ । अहिलेसम्म आफ्नो केवल १ जना मात्र गर्लफ्रेण्ड रहेको र उनको नाम सोफिया रहेको ती फुच्चे मेयर सगर्व बताउँछन् । गत वर्षको टेस्ट अफ डर्सेट पर्वका बला उन
लाई सहरको मेयरमा चुनिएको हो ।

पाकिस्तानमा तेस्रो पटक प्रधानमन्त्री बन्ने भए नवाज सरिफ

लिम्वूवान डट व्लगस्पोट डटकम,काठमाडौं 
पाकिस्तानको निर्वाचनको ताजा परिणामले मुहमद नवाज सरिफ तेस्रो पटक प्रधानमन्त्री बन्ने पक्का भएको छ। पाकिस्तानमा हिंसाका बीच शनिबार भएको संसदीय निर्वाचनको परिणामा दुई पटक पाकिस्तानको प्रधानमन्त्री बनिसकेका सरिफ अगाडि देखिएका छन् । ताजा निर्वाचन परिणाम अनुसार सरिफको पार्टी पाकिस्तान मुस्लिम लिगले १ सय १५ स्थानमा जित हासिल गरिसकेको छ । दुई स्थानबाट उमेद्वारी दिएका सरिफ दुवै स्थानबाट विजयी बनेका छन् । पाकिस्तानको संसदीय निर्वाचन २ सय ७२ सिटका लागि निर्वाचन भएको हो । सरिफको पार्टीले निर्वाचन परिणाम आफ्नो पक्षमा पारेका खबर आए सँगै सरिफको पार्टीका समर्थकले विजय उत्सवा मनाउँन थालेका छन् । साथै अन्तराष्ट्रिय तहबाट समेत सरिफलाइृ बधाई दिनेको घुइचो लागेको छ । भारतीय प्रधानमन्त्री मनमोहन सिंहले त सामाजिक सञ्जल ट्वीटर मार्फत बधाई दिइसकेका छन् । सरिफ प्रधानमन्त्री भए पूर्व क्रिकेट खेलाडी इम्रान खानको पार्टी तेहरिक ए इन्साफ प्रमुख प्रतिपक्ष बन्ने निर्वाचन परिणामले देखाएको छ ।

देशभर एकैसाथ आजबाट कक्षा ११ को परीक्षा सुरु

लिम्वूवान डट व्लगस्पोट डटकम,काठमाडौं 
३१ वैशाख,उच्च माध्यमिक शिक्षा परिषद्ले देशभर एकैसाथ आजबाट कक्षा ११ को परीक्षा सुरु गरेको छ । परीक्षा बिहान ७ देखि १० बजेसम्म सञ्चालन भएको छ । परीक्षामा चार लाख ३५ हजार १८ जना सहभागी भएका छन् । परीक्षामा नियमिततर्फ दुई लाख ६५ हजार ४ सय ५७ र एक्जाम्टेडतर्फ एक लाख ६९ हजार ४ सय ५७ जना सहभागी भएको परिषद्का परीक्षा नियन्त्रक दुर्गा अर्यालले जानकारी दिनुभयो । जसमा छात्रतर्फ दुई लाख १७ हजार १ सय ७५ जना र छात्रातर्फ एक लाख १७ हजार ८ सय ४३ जना रहेका छन् । जेठ १० गतेसम्म सञ्चालन हुने परीक्षाका लागि परिषद्ले देशभर ९ सय ३२ परीक्षा केन्द्र र ३० हजार ६ सय जनशक्ति परिचालन गरिएको उहाँले जानकारी दिनुभयो । अर्यालले परीक्षामा अमर्यादित कार्य गर्ने केन्द्राध्यक्ष, सहायक केन्द्राध्यक्ष, सुरक्षा गार्ड, जोकोहीलाई छ महिना कैद वा एक लाख जरिवाना वा दुवै सजाय हुने व्यवस्था गरिएको जानकारी दिनुभयो । परीक्षाले परीक्षा नै अवरुद्ध गर्ने जस्ता गतिविधि गरेमा दुई वर्षसम्म परीक्षा दिन नपाउने गरी निलम्बन गरिने व्यवस्था गरिएको छ । नक्कली परीक्षार्थी भेटिएमा सार्वजनिक ऐनअन्तर्गत मुद्दा लगाइने छ भने परीक्षा अवधिभर परीक्षा केन्द्रमा परीक्षार्थी र निरीक्षकलाई मोबाइल फोन लैजानसमेत प्रतिबन्ध गरिएको छ । परीक्षालाई शान्ति पूर्णरुपमा सम्पन्न गर्न परिषद्ले सुरक्षा निकायसँग विशेष बैठक गरी सुरक्षा व्यवस्थालाई कडा पारिएको अर्यालले जानकारी दिनुभयो । - See more at: http://www.onlinekhabar.com/2013/05/70682/#sthash.XCaeXnMr.dpuf

आदिवासी जनजाति महासंघको अध्यक्षमा कुमाल

लिम्वूवान डट व्लगस्पोट डटकम,काठमाडौं 
प्रतिद्धन्द्धी चन्द्रविक्रम राईलाई हराउदै नेपाल आदिवासी जनजाति महासंघको अध्यक्षमा नगेन्द्रकुमार कुमाल निर्वाचित भएका छन् । सोमबार राति भएको निर्वाचनमा प्रतिद्धन्द्धी चन्द्रविक्रम राईलाई १५ मतले पराजित गर्दै कुमाल ३ वर्षका लागि महासंघको अध्यक्षमा निर्वाचित भएका हुन् । खसेको कुल ५३ मतमध्ये कुमालले ३२ मत र राईले १७ मत पाएका थिए । अध्यक्षका अर्का प्रत्यासी नरेश ताम्राकारले तीन मतमात्रै पाए । बिजयी भएपछि अध्यक्ष नगेन्द्रकुमार कुमालले आदिवासी जनजातिको मुद्दालाई स्थापित गराउन आफु नेतृत्वको कार्यसमिति गम्भिर रुपमा लाग्ने बताए । महासंघको महासचिवमा पाँच जना प्रतिस्पर्धीलाई पछि पार्दै पेम्बा भोटे निर्वाचित भए । उनले २२ मत पाएका छन् । उपाध्यक्षमा महिलातर्फ रोश्नी मेचे, हिमालबाट डन्डु शेर्पा, पहाडबाट सूर्यहादुर माझी, भित्री मधेसबाट चिनीलाल माझी र तराइबाट रामअवतार मण्डल निर्वाचित भए । सचिवमा महिलाबाट यशोधा चौधरी, हिमालबाट गणेशलाल थकाली, पहाडबाट यमबहादुर चेपाङ, भित्री मधेशबाट चिनीमायाँ माझी, तराईबाट ध्यानी उँराव निर्वाचित भएका छन् । कोषाध्यक्षमा जगतबहादुर बराम निर्वाचित भए ।

३३ दलद्वारा अख्तियार कार्यालय घेराउ

लिम्वूवान डट व्लगस्पोट डटकम,काठमाडौं 
नेकपा-माओवादी लगायत विभिन्न ३३ दलले आज अख्तियार दुरुपयोग अनुसन्धान आयोगको कार्यालय घेराउ गरेका छन् । अख्तियारद्वारा दोषी ठहरिएका विवादस्पद छविका लोकमान सिंह कार्कीलाई नै अख्तियार प्रमुखमा नियुक्त गरिएपछि त्यसको विरोधमा आन्दोलन गरिरहेका ३३ दलले आज अख्तियार कार्यालय घेराउ गरेका हुन् । उनीहरुले बिहान ९ बजेदेखि ११ बजेसम्म अख्तियार कार्यालय घेर्दै नाराबाजी गरेका थिए। अख्तियारले सुन तस्करीकाण्डमा ७२ लाखको दोषी ठहर गरेको व्यक्ति तथा शाहीकालिन मुख्य सचिव र जनआन्दोलन दबाउन मुख्य भूमिका खेल्ने मध्ये एक रहेका कार्कीलाई अख्तियार जस्तो महत्वपुर्ण निकायमा प्रमुखको जिम्मेवारी दिएको भन्दै ३३ दलले आयोगको कार्यालयमा २ घण्टा धर्ना दिएका हुन् । आन्दोलनकारीहरुलाई अख्तियारको गेटसम्म पुग्न नदिएपछि उत्ततरतर्फ भाटभटेनी र दक्षिण टंगाल गणेश छेउमा आन्दोलनकारीहरुले धर्ना र नाराबाजी गरेका थिए ।

May 5, 2013

निर्वाचनसम्म मुसर्रफ जेलमै बस्नु पर्ने

लिम्वूवान डट व्लगस्पोट डटकम,काठमाडौं 
१७ वैशाख, रावलपिण्डी । आगामी मे महिनामा निर्वाचनमा उमेदवार हुने उद्देश्यले स्वदेश फर्किनुभएका पाकिस्तानका पूर्व सैनिक शासक परवेज मुसर्रफको उक्त निर्वाचनको समय जेलमै बित्ने भएको छ । पाकिस्तानमा आगामी महिनाको ११ तारिखमा आम निर्वाचन हुँदैछ । पाकिस्तानी पूर्व सैनिक शासक परवेज मुसर्रफलाई पाकिस्तानका पूर्व प्रधानमन्त्री बेनिजर भुट्टोको हत्यामा संलग्न भएको अरोपमा त्यहाँको एक अदालतले थुनामा राख्ने समय थपिदिएको छ । यसले गर्दा उहाँको निर्वाचन लड्ने समय नै जेलमा बित्ने भएको हो । उहाँलाई पाकिस्तानको रावलपिण्डीस्थित एक आतङ्कवाद विरोधी अदालतले मङ्गलबार थप १४ दिन थुनामा राख्ने आदेश दिएको हो । उहाँलाई पूर्व प्रधानमन्त्री भुट्टोको हत्याको आरोप लगाइएको छ । सो विषयमा अनुसन्धानका लागि उहाँलाई सो थप थुनाको आदेश दिइएको समाचारमा उल्लेख छ । उहाँ यसअघिदेखि नै घरैमा नजरबन्दमा हुनुहुन्छ । उहाँ हाल आफु सत्तामा रहँदा पाकिस्तानका एकजना न्यायाधीशलाई बर्खास्त गरी थुनामा राखेको अरोपमा आरोपमा नजरबन्दमा नै हुनुहुन्छ । सो मुद्धाका लागि उहाँको थुनाको म्याद सकिएपछि उक्त अदालतले उहाँलाई आज थप १४ दिनको थुना तोकेको हो । न्यायाधीशसम्बन्धी मुद्धामा राखिएका उहाँलाई भुट्टो हत्याको अरोपमा गत हप्ता नै अदालतमा उपस्थित गराइएको पाकिस्ताननको रावलपिण्डीबाट विभिन्न सञ्चारमाध्यमहरुले जनाएका छन् । पाकिस्तानका पूर्व प्रधानमन्त्री बेनिजर भुट्टोको सन् २००७ मा हत्या भएको थियो । आम निर्वाचनको प्रचारमा लागिरहेका बेला उहाँको हत्या गरिएको थियो । हत्याको समयमा मुसर्रफ पाकिस्तानको राष्ट्रपति हुनुहुन्थ्यो । तर उहाँले हत्याको आरोप भने अस्वीकार गर्दै आउनुभएको छ । करिब पाँच वर्षको विदेश पलायनपछि गत महिना मात्र स्वदेश फर्किनुभएका पाकिस्तानका पूर्व राष्ट्रपति मुसर्रफलाई यो समेतगरी तीनवटा छुट्टैछुट्टै अरोप लगाइएको छ ।

लिम्बुवान बन्दको दोस्रो दिन पुर्वको जनजीवन प्रभावित

लिम्वूवान डट व्लगस्पोट डटकम,काठमाडौं 
मञ्च सम्बद्ध संघीय लिम्बुवान राज्य परिषदले आह्वान गरेको बन्दका कारण आज दोस्रो दिन पनि पुर्वको जनजिवन प्रभावित भएको छ। आइतबार बिहानै देखि लामो तथा छोटा दुरीका सवारी साधन चल्न सकेका छैनन् भने बजार ठप्प हुदा यात्रु तथा सर्वसाधारण मारमा परेका छन् । शुक्रबार धनकुटा, तेह्रथुम र पाँचथरको सिमावर्ती गाविस बुधबारेमा मतदाता नामावली संकलनको विरोध गर्ने आफ्ना ७ जना कार्यकर्ताको पक्रउको विरोध गर्दै परिषदले बन्द गरेको हो । शुक्रबार परिषदका केन्द्रीय सदस्य पे्रमदीप थामसुहाङ्ग सहित ७ जना पक्राउ परेका थिए । सार्वजनिक सवारी साधन चल्न नसकेपनि एम्बुलेन्स, कुटनीतिक नियोग, दूध, चिया, पर्यटक, भ्रमण र मोटरसाइकल चन्न छुट दिएको मञ्च सम्बद्ध संघीय लिम्बुवान राज्य परिषले बताएको छ । हड्ताल ढिला गरी आवाहान भएकाले यात्रु बीच बाटोमानै अलपत्र परेको भन्दै परिषदले हिजो साँझ ५ बजे देखि आज बिहान ५ बजे सम्मका लागि बन्द फिर्ता लिएको थियो भने विहान देखि बन्द जारी रहेको छ । यसैबीच पक्राउ परेका लिम्बुवान कार्यकर्ता रिहा हुन नमानेको धनकुटा जिल्ला प्रशासनले बताएको छ । धनकुटाको राजारानी प्रहरी चौकीले थुनामुक्त गर्दा पनि उनीहरु रिहा हुन नमानी चौकीमै धर्ना दिएर बसेको प्रशासन कार्यालयले जानकारी दिनएको छ । कार्यकर्तालाई रिहा गर भन्दै उनीहरुले बन्दको आयोजना गरेका छन् । तर, हामीले रिहा गर्दा पनि ५ जना कार्यकर्ता रिहा हुन नमानी राजारानी चौकीमै बसिरहेका छन् । ’धनकुटा जिल्ला प्रशासन कार्यालयका एक अधिकारीले भने । ६ नम्बर बुधबारे गाविसमा आयोजित मतदाता नामावली संकलन कार्यको विरोधमा आफूहरुले शान्तिपुर्ण विरोध प्रदर्शन गर्दा प्रहरीले कुटपिट गरी पक्राऊ गरेको आन्दोलनकारी नेता कुमार लिङदेनको आरोप रहेको छ । उता प्रशासनले चाहि“ फोटो खिच्ने क्रममा ल्यापटप फुटाएको हुनाले पक्राऊ गरिएको जिकिर गरेको छ । यसैबीच कुमार लिङदेनले हिजो दिउँसो पुनः ६ नं बुधबारेमा झडप भएको र आफूहरुले मतदाता नामावली संकलन केन्द्र कब्जामा लिएको दाबी गरेका छन् । बुधबारेमा प्रहरी र लिम्बुवान कार्यकर्ता थपिने क्रम जारी रहनुका साथै ठूलो झडपपछि मतदानकेन्द्र कब्जामा लिने क्रममा मोरङका भोजकुमार लावती, विद्यार्थी संगठनका केन्द्रीय अध्यक्ष जेन्टल लावती र मोरङ लेटाङका धनकुमार लिम्बूलाई प्रहरीले पक्राउ गरेको लिङदेनले बताएका छन् । झडपमा भोजकुमार गम्भीर घाइते भएको उनको भनाइ रहेको छ । रबिन भट्टराई, ताप्लेजुङ

भोकमरीका कारण सोमालियामा २ लाख ६० हजारको मृत्यु

लिम्वूवान डट व्लगस्पोट डटकम,काठमाडौं 
राष्ट्रसंघको एक प्रतिवेदन अनुसार भोकमरीका कारण सोमालियामा २ लाख ६० हजारको मृत्यु भएको छ। राष्ट्रसंघको प्रतिवेदन अनुसार भोकमरीका कारण मृत्यु हुनेमा अधिकांश बालबालिका रहेका छन् । विश्व स्वास्थ्य संगठनले सोमालियामा भोकमरीका कारण लाखौँ मानिसको मृत्यु हुदा समेत केही गर्न नसकेको उल्लेख गरिएको छ । खाद्यान्नको संकटका कारण त्यहाँ अधिकांश बालबालिकाको मृत्यु भएको उल्लेख गरिएको छ । सन् २०१०–२०१२ को खाद्य संकटका कारण यति ठूलो संख्यामा मानिसको मृत्यु भएको उल्लेख गरिएको छ । सोमालियामा यस अघि सन् १९९२ मा भएको भोकमरीका कारण २ लाख २० हजारको मृत्यु भएको थियो । त्यसपछि भने सन् २०१०–१२ को अवधिमा सबैभन्दा धेरै मानिसको मृत्यु भएको हो । राष्ट्र संघको प्रतिवेदनमा सन् २०१० मा भोकमरीको महामारी फैलिएको थाहा पाएर पनि उचित व्यवस्थापन गर्न नसक्दै धेरै मानिसको मृत्यु भएको स्वीकार गरिएको छ । राष्ट्रसंघको खाद्य तथा कृषि संगठन तथा अमेरिकी सहयोगमा सञ्चालित भोकमरीसम्बन्धी पूर्वचेतावनी प्रणाली सञ्जालले संयुक्त रूपमा तयार पारेको प्रतिवेदनले सोमालियामा दुई वर्षको अवधिमा दुई लाख बढीको मृत्यु भएको तथ्याङक सार्वजनिक गरेको हो । प्रतिवेदनमा उल्लेख भएअनुसार ५ वर्षमुनिका १ लाख ३३ हजार बालबालिकाको मृत्यु भएको छ ।

मञ्चसम्बद्ध संघीय लिम्बुवान राज्य परिषदको प्रेस-विज्ञप्ति

मिति २०७०|०१| २० 
 बैशाख २१ गतेदेखि अनिश्चितकालीन लिम्बुवान बन्द आब्हानको प्रेस-विज्ञप्ति: 
चार दलले पहिचानसहितको संघीय गणतन्त्र धर्मनिरापेक्ष्य नेपाललाई उल्टाएर ०४७ सालको संविधान लागूगर्ने वातावरण तयार गर्न चैत्र १ गते असंवैधानिक कदम चालेका छन् | यस कदमको बिरुद्धमा मंच सम्बद्ध संघीय लिम्बुवान राज्य परिषद र ३३ दल सुरुदेखि नै आन्दोलित छौं | यही असंवैधानिक कदमको आडमा निर्वाचन आयोगले फोटोसहितको मतदाता नामावली र गृह मन्त्रालयले जन्मको आधारमा बितरण गरिएको नागरिकतालाई बंशजको आधारमा वितरण गर्दैछ | यी दुवै कार्यहरु असंवैधानिक छन् र यो संकलन र वितरण प्रक्रिया तुरुन्त रोकिनुपर्छ भनी यस परिषदले आन्दोलन तेज गरेको छ | यसैक्रममा आज बैशाख २० गते धनकुटा, पान्थर र मोरङको सिमाना जोडिएको छ नं. बुधबारेमा ''फोटोसहितको मतदाता नामावली संकलन रोकिनुपर्छ'' भनेर शान्तिपूर्ण आवाज उठारहेका मंच सम्बद्ध स. लि. रा. प. का नेता, कार्यकर्ताहरुमाथि एकात्मक प्रशासनले अमानवीयरुपले दमन गरेको छ | प्रहरीको दमनमा परी के. स. सुकबहादुर थेगिम, एलभी कमान्डर अग्नि पन्धाक गम्भीर घाइते हुनुभएको छ | सोही ठाउंबाट सचिवालय सदस्य प्रेमदीप थाम्सुहाङ, के. स. सुकबहादुर थेगिम, एल भी सिनियर उपकमान्डर मुक्शाम लाबुङ, एल भी कमान्डर अग्नि पन्धाक, इलाम बाँझो गा. बि. स. अध्यक्ष राजन साम्बा, मिक्लुक थुम अदक्ष्य नेल्कन माखिम, पान्थर जि. स. खाम्बेक आङदेम्बेलाई प्रहरीले पक्राउ गरी अत्यन्त दुर्ब्यबहार गरेको छ | त्यसमध्ये सुकबहादुर थेगिम र अग्नि पन्धाकलाई सम्बेदनशील अंगमा सशस्त्र प्रहरीले कुटपिट गरी गम्भीर घाइते बनाएका छन् | एकात्मक सशस्त्र प्रहरीको दानवीय कुकृत्यको भन्डाफोर गर्दै घाइतेहरुको सीघ्र उपचार र गिरफ्तार नेताहरुको विनाशर्त तत्काल रिहाईको माग गर्दछौं| पक्राउ परेका नेताहरुको विनाशर्त रिहाई नभइन्जेल र अवैधानिक नागरिकता वितरण र फोटोसहितको मतदाता नामावली संकलन नरोकिन्जेलसम्म भोलि बैशाख २१ गतेदेखि अरुण–सप्तकोशीपूर्व ९ जिल्ला लिम्बुवानमा अनिश्चितकालीन आमहडताल आह्वान गरिएको छ | सदाझैँ लिम्बुवानका सम्पूर्ण जनताहरु एकात्मकताको बिरुद्ध र संघीय लिम्बुवानको पक्षमा सडकमा ओर्लन अनुरोध गर्दछौं | जय लिम्बुवान ! संघीय अभिभादन !
 ............ 
कुमार लिङ्देन 'मिराक' 
के. अध्यक्ष मञ्चसम्बद्ध संघीय लिम्बुवान राज्य परिषद 
केन्द्रीय कार्य समिति लिम्बुवान, नेपाल