News

Dec 29, 2011

दुई यातायात व्यवसायीबीच झडप, ८ बस तोडफोड

लिम्वूवान डट व्लगस्पोट डटकम,काठमाडौं
तनहुँ, पुस १५ गोरखा कच्ची सडकमा यातायात संचालन गर्ने विषयलाई लिएर पृथ्वी राजमार्ग बस व्यवसायी समिति र गोरखा यातायात व्यवसायी समिति बिच बिहीबार साँझ गोरखामा झडप भएको छ।झडपको क्रममा पृथ्वी राजमार्गका ५ र गोरखा यातायातका ३ बसमा तोडफोड भएको प्रहरीले जनाएको छ। आँबुखैरेनीबाट गोखरातर्फ जाँदै गरेको पृथ्वी राजमार्गका ५ बसमाथी गोरखाको ११ किलोमा अज्ञात समुहले आक्रमण गरेपछि पृथ्वी राजमार्ग सम्बद्ध यूवाहरुले सदरमुकामको ध्याम्पेसाल चोकमा रोकि राखेका ३ बसमाथी तोडफोड गरेको गोरखा प्रहरीले जनाएको छ। गोरखा यातायात व्यवासायी समिति मातहतका बस तोडफोड गर्दै गरेका २२ यूवालाई प्रहरीले खुडा, लाठा, छड लगायतका हतियार सहित पक्राउ गरेको गोरखाका प्रहरी नायव उपरिक्षक बहादुरजंग मल्लले बताए। गोरखाका ग्रामिण भेगमा बस संचालन गर्ने विषयमा दुई यातायात व्यवसायी समिति बिच विगत लामो समयदेखी विवाद चल्दै आएको छ।

अयोग्य लडकुद्वारा मध्यपश्चिम बन्द

लिम्वूवान डट व्लगस्पोट डटकम,काठमाडौं
दाङ पुस १५- अयोग्यताको बिल्ला फिर्तालगायतका माग राखेर बहिर्गनमा परेका पूर्व माओवादी लडाकुले आह्वान गरेको बन्दका कारण शुक्रवार बिहानैदेखि दाङलगायत मध्यपश्चिमका सम्पूर्ण जिल्लाको जनजीवन प्रभावित भएको छ।दाङ, सल्यान ,रुकुम ,रोल्पा,प्युठान, सुर्खेत, दैलेख, कालिकोट र जाजरकोट सहितका जिल्लामा बन्दको असर परेको छ। दाङबाट छुट्ने लामो तथा छोटो दुरीका सवारी साधन चलेका छैनन् भने बजार र शिक्षणसस्था पनि ठप्प छन्। राज्यले आफूहरुलाई अपमानपूर्ण तरिकाले अयोग्य भन्दै शिविरबाट निष्काशन गरेको भन्दै अयोग्यताको बिल्ला खारेज गरिनुपर्ने, आफूहरुको उचित व्यवस्थापन गरिनुपर्ने, अयोग्य लडाकुका लागि संयुक्त राष्ट्रसंघबाट प्राप्त रकम सार्वजनिक गरिनुपर्ने लगायतका माग अघि सारेका छन्। बन्दमा अत्यावश्यक सेवाका एम्बुलेन्स, शववाहन बारुण यन्त्र, कुटनीतिक नियोग, पर्यटक तथा सञ्चारकर्मी र अधिकारकर्मीका सवारी साधन भने चलेका छन।

बम राख्ने खम्बुवानका ६ कार्यकर्ता विस्फोटक पदार्थ सहित पक्राउ

लिम्वूवान डट व्लगस्पोट डटकम,काठमाडौं
इटहरी, पुस १५- चार साताअघि इटहरीको चौरास्त चोकमा बम राख्ने खम्बुवान सयुक्त जातीय मोर्चाका ६ जनालाई प्रहरीले गए राति पक्राउ गरेको छ।प्रहरीको विशेष टोलीले बम राखेको अभियोगमा खम्बुवान मोर्चा आबद्ध सुनसरी र मोरङका कार्यकर्तालाई बिस्फोटक पदार्थ र महत्वपूर्ण कागजात सहित पक्राउ गरेको हो।प्रहरीका अनुसार पक्राउ पर्नेमा इटहरी-५ का अरविन राई, गौतम राई, पुरन चौधरी, बिराटनगरका बिजयकुमार राय, मोरङ् हरैचाका रामचन्द्र खवास र सीता खवास छन्। प्रहरीले खम्बुवानलाई पर्चा-पम्पलेट छाप्न सहयोग पुर्‍याउँने इटहरीकै मिनीम्याक्स छापाखानका हरि आचार्य र केदार दाहाललाई पनि पक्राउ जनाएको छ। कोशी अञ्चल प्रहरी प्रमुख एसएसपी रमेश फुयँलले पक्राउको पुष्टि गरे। यसबारेमा पत्रकार सम्मेलन गरी विस्तृत जानकारी दिने उनले बताए। बम राख्ने समुहका अरु पनि पक्राउ पर्न सक्ने बताउँदै एसएसपी फुयाँलले घटनाको गम्भीर अनुसन्धान भइरहेको जानकारी दिए। मंसिर-१७ गते बिहान इटहरीको चौरास्त सडकमा राखिएको बम बिस्फोट हुदाँ सुनसरीका तत्कालीन एसपी राजु मानन्धरसहित पाँच जना घाइते भएका थिए। सेनाको बम डिस्पोजल टोलीले ढिलाई गर्दा चेकजाँचकै क्रममा बम बिस्फोट हुन पुगेको थियो। यता इटहरी-५ जनता बस्तीका युवाहरुले पक्राउको विरोध गर्दै अवरुद्ध गरेको यातायात प्रहरीले बल प्रयोग गरी खुलाएको छ।

१२२२ सवारी चालक ट्राफिक कारबाहीमा

लिम्वूवान डट व्लगस्पोट डटकम,काठमाडौं
मादक पदार्थ सेवन गरी सवारी चलाउने एक हजार दुई सय २२ जना जना चालकलाई ट्राफिक प्रहरीले कारबाही गरेको छ । रातको समयमा दुर्घटना बढेपछि ट्राफिक प्रहरीले चेकिङ कडा पारेको थियो । महानगर ट्राफिक प्रहरी महाशाखाले मंसिर १७ गतेदेखि मादकपदार्थ सेवन गरी सवारी चलाउने चालकलाई कारबाही तिब्र बनाएको हो । कारबाहीसँगै दुर्घटनामा पनि कमी आएको महाशाखा प्रमुख डिआजी गणेशराज राईले दावी गरे । त्यस्तै कारबाहीमा पर्ने व्यक्तिका परिवारका सदस्य पनि खुसी रहेको उनले बताए । ट्राफिक र प्रहको संयुक्त प्रयासमा मंसिर १७ देखि पुस १३ सम्म १ हजार २ सय २२ जनालाई नियन्त्रणमा लिएको ट्राफिकले जनाएको छ । त्यसमध्ये ९ सय ७६ जनालाई १ हजार रुपैयाँका दरले जरिवाना गरेको छ । ९ सय ७६ जनालाई जरिवाना गराउँदा ९ लाख ७६ राजस्व संकलन भएको महाशाखाका प्रहरी नायव निरीक्षक कमानसिंह खत्रीले जानकारी दिए । सबैभन्दा बढी कारबाही सुरुको दिनमा १ सय ६८ जना, दोस्रो दिन १ सय ५० जना, पुस ९ मा १ सय ६५ जना र १० गते १ सय १५ जना नियन्त्रणमा लिएको उनले बताए । प्रहरी हिरासतमा जाकिनुपर्ने कल्पनासम्म नगरेका कतिपय डाक्टर, इन्जिनियर, बैंकर, निजामति कर्मचारी र सैनिक अधिकृतले हातमा हत्कडी लगाइएको अवस्थामा मेडिकल जाँचमा उपस्थित भई चिसो छिंडीमा रात बिताउनुपरेको छ । मदिरा सेवन गरेर सवारी चलाउन कानुनले निषेध गरेको छ । राति सडकमा सवारीको चाप घट्नासाथ प्रहरी चेकजाँच गर्न निस्कने गरेका छन् । यस क्रममा प्रहरीले सवारी चालकको मुख सुँघ्छन् । गन्ध आउनासाथ तिनलाई नियन्त्रणमा लिएर मदिरा सेवन प्रमाणित गर्न अस्पताल लैजाने गरिएको छ । डाक्टरले मदिरा सेवन प्रमाणित गरेपछि प्रहरी कार्यालयमा लगेर थुनिन्छ । भोलिपल्ट उपत्यकाभरी पक्राउ परेका चालकलाई महाशाखामा भेला गरेर एक घन्टाको कक्षा सञ्चालन गर्ने गरिएको छ । हिरासतमा रात बितायनु पर्ने भएपछि मदिरा सेवन गरेर सवारी चलाउने छाडापन घट्न थालेको ट्राफिक प्रहरी महाशाखाले जनाएको छ । आफ्नै गल्तिले गर्दा कतिपयले टाइसुटमै चिसो छिंडिमा रात बिताउने गरेका छन् ।

मञ्च सम्वद्ध संलिरापले हङकङमा भेटघाट कार्यक्रम गर्ने

लिम्वूवान डट व्लगस्पोट डटकम,काठमाडौं/नबराज काम्बाङ्ग, यही ८ जनवरी २०१२ आइतबारको दिन नयां बर्षसन् २०१२ को उपलक्ष्यमा मञ्च सम्वद्ध संघिय लिम्बुवान राज्य परिषद प्रवास कार्य समितिले हङकङको विभिन्न क्षेत्रमा वसोबास गर्ने लिम्बुवानी नेता, सल्लाहकार, कार्यकर्ता, सदस्यहरु र अन्य नेपाल लिम्बुवानमा बसोबास गर्ने नेपाली दाजुभाइ तथा दिदी वहिनीहरु बिचमा लिम्बुवानी परिचयात्मक तथा भेटघाट कार्यक्रमको आयोजना मंकीहिल बिबिक्यू स्पटमा गर्ने भएको छ ।  बिबिक्यू सहित हुने उक्त कार्यक्रममा उपस्थित भइ आफ्नो परिचय दिइ नयां बर्षसन् २०१२ को शुभकामना आदन प्रदान ब्यक्त गर्न मञ्च सम्वद्ध संघिय लिम्बुवान राज्य परिषदको सबै सदस्यहरु र लिम्बुवानबासी नेपाली दाजुभाइ तथा दिदीबहिनीहरुमा मञ्च सम्वद्ध संघिय लिम्बुवान राज्य परिषद प्रवास कार्य समिति हङकङले हार्दिक अनुरोध गरिएको छ ।

लिरामुमो हङकङले अर्थराज्य मन्त्रिको उपस्थितिमा अन्तर्क्रिया गर्ने

लिम्वूवान डट व्लगस्पोट डटकम,काठमाडौं
वर्तमान नेपाल संघियताको संघारमा पुगेको अवस्थामा प्रवास वासी नेपालीहरुले पनि नेपालको राजनैतिक अवस्थालाइ नजिकबाट हेर्दै विशेष गरेर आदिवासी जनजातीहरुको हकमा नेपालमा अग्रअधिकार र आत्मनिर्णय अधिकार सहितको जातियताको आधारमा राज्य पूनर्संरचना हुनुपर्ने सवालमा प्रसिक्षण भेला, अन्तक्रिया कार्यक्रम, विचार गोष्ठी जस्ता कार्यक्रमहरु गरी दवाव सिर्जना गर्नुपर्ने विचार राख्दै  लिम्बुवान राष्ट्रिय मुक्ति मोर्चा, प्रवास समिति हङकङको ओजनामा धनकुटा क्षेत्र नं. २ का सभासद, लिम्बुवान राष्ट्रिय मुक्ति मोर्चा नेपालका केन्द्रिय कोषध्यक्ष तथा अर्थराज्य मन्त्रि- हरिराज खेवा लिम्बु को प्रमुख अथिति तथा पूर्व खेलकुद मन्त्रि ए. नेकपा माओवादी पार्टीका केद्रिय सदस्य तथा मगर मुक्ति मोर्चाको केन्द्रिय उपाध्यक्ष क. अन्सारी र्घर्ती मगर को विशेष अतिथि साथै लिम्बुवान राष्ट्रिय मुक्ति मोर्चा, नेपालका केन्द्रिय सचिवालय सदस्य तथा विदेश विभाग प्रमुख क. रमेश कुमार लिङदेन साथमा लिरामुमो नेपालका केन्द्रिय सदस्य क. ङामुक हाङ मेन्याङबो र लिरामुमो नेपालका केन्द्रिय सदस्य थर्क नारायण लिम्बु तिगेलाको अतिथिमा "राज्य पूनर्संरचना तथा लिम्बुवान स्वयत्तता राज्य सम्बन्धि अर्न्तक्रिया कार्यक्रम" यहि मिति ०१ जनवरी २०१२ मा दिनको १२ वजे देखि ५ वजे सम्म जोर्डन स्थित याक एण्ड यती रेष्टुरेन्टको हलमा हुने भनि लिरामुमो प्रवास समिति हङकङका अध्यक्ष एम. बी. थोप्राले जानकारी दिनुभएको छ र उक्त कार्यक्रममा हङकङमा रहेको संघ सस्था तथा सम्पूर्ण हङकङवासी नेपालीहरु लाइ सहभागी भइदिनको लागी हार्दिक अपिल पनि गर्नु भएको छ ।

Dec 14, 2011

स्व.दिलबहादुर हत्या गोलीकाण्ड सम्बन्धि क्षतिपूर्ति दाबीका लागि लिगल एड प्राप्त

लिम्वूवान डट व्लगस्पोट डटकम,काठमाडौं
हङकङ ,स्व. दिलबहादुर लिम्बूकी विधवा सोनी राईले क्षतिपूर्ति दाबीको निम्ती कानुनी प्रक्रिया अघि बढाउन लिगल एड प्राप्त गरेकी छिन् । हङकङ नेपाली महासंघका निवर्तमान अध्यक्ष तथा हत्याप्रकरण संघर्ष समिति पूर्व संयोजक साथै हाल सम्म निरन्तर रुपमा मृतककी श्रीमती सोनी राईलाई कानुनी उपचारको लागि सहयोगी भूमिका निर्वाह गरिरहेका श्री हेम लिम्बूका अनुसार हङकङ स्थित उच्च अदालतमा अन्तिम न्याय प्राप्तिका लागि चरणबद्ध रुपमा अघि बढाउन आबेदन गरेको लिगल एडप्रक्रियामा दिलबहादुर लिम्बूको मृत्यु कानुन सम्मत भएको मृत्यु सम्बन्धि अदालत कोरनर्स कोर्टको फैसलालाई आधार मानि कानुनी सहयोग उपचार शुल्क असफल पारेको अनुमान गरेको छ । त्यसकारण स्व. दिलबहादुर सम्बन्धि मूल मुद्धा सम्बन्धित अदालतमै अल्झि रहेको सर्बविदितै छ । तथापी क्षतिपूर्ति दाबीका लागि लिगल एडको सकारात्मक पत्र प्राप्त भएको छ । लिम्बूले भने, 'तत्तकाललाई आर्थिक अभावको मूल कारणले मुद्धा अघि बढाउन असक्षम भएका छौँ, हाललाई उक्त मुद्धालाई थाती राख्दै क्षतिपूर्तिको दाबी प्रक्रिया अघि बढाइनेछ । बिगतमा हाम्रा समुदायका केहि मित्रहरुले क्षतिपूर्तिका लागि मात्र दाबी गरौँ भन्ने सुझाबलाई अवज्ञा गर्दै यो घटना सम्बन्धित मृतकको मात्र नभएर हङकङवासी नेपालीहरु माथिको दिर्घकालीन ठूलो चुनौतीको रुपमा रहन सक्छ भन्ने तथ्यलाई ह्दयंगम गर्दै २९ मार्च २००९ मा हजारौं-हजार मानिसहरुको सहभागीता रहेको जुलुसद्धारा हङकङ सरकारको प्रमुख श्री डोनल्ड चाङ समक्ष मृतकको निम्ती न्याय दिलाउन ज्ञापन-पत्र बुझाएका थियौँ । अन्त्वतः प्रहरीको गोली प्रहारबाट मृत्यु भएका मृतकका निम्ती हङकङ जस्तो मानवअधिकार सम्पन्न देशले पनि न्याय पाउने फैसला गरेन यस्ता नियतलाई आउँदा दिनमा हामीले हेर्नै बाँकी रहेकोछ …। । यद्यपी हामीले आफ्नो एकता देखायौँ भबिष्यमा हङकङले हामी नेपालीहरु माथिको हेर्ने र गर्ने व्यवहारमा सतर्ककता अपनाउने ऐतिहासीक चुनौती दिई छाड्यौ हाल सम्म मृतकको परिवारका लागि खाने-बस्नेको ब्यवस्था दिलाई छाड्यौ क्षतिपूर्ति दाबीको लागि सकारात्मक जिम्मेवार बन्न घुँडा टेकाई छाड्यौँ । अब कम्तीमा जेभए पनि मृतकका १ छोरीको लागि गाँस-बास कपास शिक्षा र स्वास्थ्य साथै विधवा श्रीमतीको लागि राहात हुन सक्ने क्षतिपूर्ति पाएमा न्याय पाउनु मध्येको एक सानो हिस्सा हो भन्ने ठानेको छु ।'

विश्वका होचा नेपालका खगेन्द्र थापा मगरले जोडी पाए

लिम्वूवान डट व्लगस्पोट डटकम,काठमाडौं
 विश्वको सबैभन्दा होचो मान्छेका रूपमा गिनिज बुकमा नाम लेखाइसकेको खगेन्द्रलाई विश्वका होचा नेपालका खगेन्द्र थापा मगरले जोडी पाएका छन् ।नेपालकै होची मञ्जु घिमिरेले मनपराएको खुलेको छ । चितवन सौराहाकी मञ्जुले मंगलबार टेलिफोन माफर्त भनिन ‘खगेन्द्रले पनि मलाई मन पराउने भएकाले हामी उपयुक्त जोडी हौँ ।’ खगेन्द्रको बारेमा विवाहालाई जोडेर समाचार बाहिर आएपछि आफूले खगेन्द्रसँग विवाहा गर्न चाहेको मञ्जुले खुलासा गरेकी हुन । साढे दुई फुट उचाइकी मञ्जुले खगेन्द्रका लागि आफू उपयुक्त जोडी भएकाले अन्यत्र कोही खोज्नु नपर्ने समेत बताएकी छन् । २० वर्षीया खगेन्द्रको विहे गर्ने इच्छा तिब्र छ भने उनको परिवारले पनि विवाहाका लागि केटी खोजिरहेको छ । २०५८ सालमा नेपालकी सबैभन्दा होची महिलाका रुपमा हिमालय सांस्कृतिक संस्थाबाट सम्मान पाएकी मञ्जुले एक दर्जन बढी नेपाली सिनेमामा अभिनय गरेकी छन् । गत वर्ष असोज २८ गतेदेखि आठ महिनाको अवधिमा गिनिज बुकमा २६ दशमलव चार इन्च उचाइको विश्वको सबैभन्दा होचो मान्छेका रूपमा नाम लेखाएका खगेन्द्र भन्दा सानो मान्छेले गिनिजमा नाम लेखाए पनि उनको चर्चा नेपालमा मात्र नभएर विश्वभरी उत्तिकै रहेको छ । उनी विभिन्न महोसत्व र मेलाका आकर्षणका पात्र बन्दै आएका छन् । खगेन्द्रको नाम विश्वको होचो व्यक्तिको रुपमा गिनिज बुकमा लेखिएपछि तीन वर्षसम्म खगेन्द्रकै साथ लागेर विभिन्न महोत्सव र मेलामा हिडेकी मञ्जुले खगेन्द्रलाई मन पराएको खुलासा गरेकी हुन ।

नौ जिल्ला आह्वान गरेको लिम्बुवानले आजबाट बन्द फिर्ता

लिम्वूवान डट व्लगस्पोट डटकम,काठमाडौं
चारदिन देखि अरुण पूर्वका नौ जिल्ला आह्वान गरेको लिम्बुवानले आजबाट बन्द फिर्ता लिने भएको छ । राज्य पुनसंरचना आयोगमा प्रतिनिधित्वको माग गर्दे संघीय लिम्बुवान राज्य परिषद् सञ्जुहाङ पालुङ्वा समूहले घोषणा गरेको बन्द आज बाट फिर्ता हुने भएको हो । सरकारले वार्ताबाट परिषद्का माग पुरा गर्ने बताएपछि बन्द फिर्ता लिने स्थिति आएको परिषद्ले जनाएको छ । शान्ति मन्त्री सत्या पहाडीले आन्दोलनका सबै कार्यक्रम फिर्ता लिएर वार्तामा आउन औपचारिक पत्रचार गरेपछि लिम्बुवान आन्दोलन स्थगित गरी वार्तामा आउने भएको हो । मंसिर २५ बाट पूर्वका ताप्लेजुङ, पाँचथर, इलाम, झापा, मोरङ, सुनसरी, धनकुटा लगायतका चिल्ला बन्दका कारण त्यहाँको जनजीवन पूर्णरुपमा कष्टकर बनेको छ ।