लिम्वूवान डट व्लगस्पोट डटकम,काठमाडौं
मलेसियाको क्वालालम्पुरस्थित परदेशी रेष्टुरेण्टको सभा हलमा किराँत धर्म तथा साहित्य उत्थान संघ मलेसियाको पाँचौ अधिवेशन भव्यरुपमा सम्पन्न भएको छ । सो कार्यक्रमको सभापतित्व निवर्तमान उपाध्यक्ष बल बहादुर लक्समले गर्नुभएको थियो । कार्यक्रमको औपचारीक सुरुवात हुनु अगावै किराँत ज्योतिष उत्थान संघ संस्थापक तथा कि.ध.तथा सा.उ. संघ राष्ट्रिय समिति मलेसियाका सल्लाहकार माङसेवासावा थुलुङ्ग राम बहादुर ज्यूवाट कुसाङसेमा सेवा गर्नुभएको थियो । त्यसपछि विहानको १०:०० बजे शुरुवात भएको कार्यक्रममा प्रमुख अतिथि नेपाल टेलिभिजनका संस्थापक सदस्य तथा कार्यक्रम सञ्चालिका श्रीमती रिता गुरुङ्ग तथा अन्य अतिथिहरुमा नेपालीखवर साप्ताहिकका सम्पादक श्री रामचन्द्र नेपाल, हाम्रो पत्रिकाका प्रकाशक देश कुशवाह र किराँत याक्थुङ्ग चुम्लुङका सचिव रुसाहाङ्ग चेम्जोङ्ग लगायत हुनुहुन्थ्यो ।
पदम कुमार फियाक लिम्बुको संचालनमा भएको कार्यक्रमको उद्घाटन प्रमुख अतिथीबाट १०८ दियो बत्तिमा दीप प्रज्वलन गरेर भएको थियो । श्री आईतराज योङ्गहाङ्गको स्वागत मन्तव्यबाट अगाडी बढेको कार्यक्रममा विभिन्न वक्ताहरुले आफ्नो मन्तव्य राख्नु भएको थियो । आफ्नो मन्तव्य राख्ने क्रममा सल्लाहकार राम बहादुर र्राईले हाम्रो साम्जिक मुन्धुमको भावना अनुकुल मुहिमाम अङसीमाङ महागुरु फाल्गुनन्द लिङदेन र वर्तमान धर्मगुरु अङसीमाङ आत्मानन्द लिङदेन 'र्सेइङ' ज्यूहरुको उपदेश र वचनहरु लाई अनुसरण गर्दै अधिवेशनवाट बन्ने नयाँ समिति अझ ससक्तरुपमा अगाडी बढोस भनि कामना गर्नुभएको थियो । त्यसैक्रममा संघका केन्द्रिय सदस्य तथा मलेसिया शाखा संरक्षक दिल कुमार केरुङ्ग ज्यूले किराँतीहरु प्रकृतीपुजक भएको हुँदा प्रकृतीसामु उधौली-उभौली सेवाहरु गरिने उल्लेख गर्दै पटक-पटक विद्धान अङसीमाङहरुको किराँत धर्ममा अवतरण हुने क्रममा मुहिगुम अङसीमाङ महागुरु फाल्गुनन्द लिङदेन ज्यूको जन्म भएकेा हो भन्नुभयो । महागुरु फाल्गुनन्द लिङदेन ज्यूको समयमा किराँत समुदाय कुरीती, कु-संस्कार, विकृती, विसंगतीहरुको दलदलमा फसेर रहेकोले त्यस्ता कुराहरुवाट मुक्त गराएर ज्ञानको बाटोमा डोर्याउन आजीवन लाग्नुपर्ने भई हामीलाई सुमार्गमा डोर्याएको कुरा राख्नुभयो । मन्तव्यकै क्रममा अहिले मलेसियामा लगभग २०० भन्दा बढी संघसंस्थाहरु रहेकोमा ती मध्येको पुरानो संस्था हो र यस संस्थाले आपत विपतमा परेकाहरुलाई आर्थिक, भौतिक र कानुनी लगायतका सहयोगहरु गरी रचनात्मक कार्यहरु अघि बढिरहेकोले आउँदो समितिले अझ सशक्तरुपमा आफ्ना कार्यक्रमहरु अघि बढाउनेछ भनि आशा प्रकट गर्नुभयो ।
प्रमुख अतिथीको आसनबाट मन्तव्य प्रकट गर्दै प्रमुख अतिथि श्रीमती रिता गुरुङ्गज्यूवाट भाषा धर्म र संस्कृती भनेको देशको धरोहर हो यर्सथ आफ्नो-आफ्नो क्षेत्रबाट यी कुराहरुको संरक्षण आफैले गर्नुपर्ने कुरा परदेशमा रहेर आफ्नो भाषा र धर्मको लागि आफ्नो कर्तव्य नविर्सिकन लागीपर्नु भएकोले कार्यक्रमका झलकहरु नेपाल टेलिभिजनबाट प्रसारण गरिनेछ भन्नुभयो । त्यस्तै अन्य वक्ताहरुले पनि अधिबेशन सफलताको लागी शुभ कामना दिनुभएको थियो । कार्यक्रम उद्घाटनपश्चात भएको बन्द सत्रले विभिन्न निर्णयहरुका साथै श्री जय कुमार केरुङ्ग ज्यूको अध्यक्षतामा १७ सदस्यिय नयाँ कार्यसमिति चयन गरेको छ । समितीको उपाध्यक्षद्धय श्री श्याम राई र झमक पुलामी मगर, सचिव पदम कुमार फियाक(लिम्बु), सहसचिव हेमराज योङ्गहाङ, कोषाध्यक्ष आईतराज योङ्गहाङ, र सदस्यहरुमा सुमन थेबे, भक्ति थेवे, भिमराज नेम्वाङ्ग, भक्त योङहाङ्ग, अर्जुन सेर्मा, श्रीमान लिम्बु, सन्तविर सेर्मा, तोम तुम्वापो र सुमन माङ थेवे, प्रिती माया योङ्गहाङ्ग हुनुहुन्छ ।
त्यस्तै अधिवेशनवाट किराँत धर्म तथा साहित्य उत्थान संघ राष्ट्रिय समितिको संरक्षकमा दिलकुमार केरुङ्ग र सल्लाहकारहरुमा राम बहादुर राई, प्रेम मादेन, बल बहादुर लक्सम र थाकुहाङ्ग सम्बाहाम्फेलाई चयन गरेको छ । अन्त्यमा अत्यान्तै सौहाद्रपुर्ण वातावरणमा कार्यक्रमका सभापति बल बहादुर लक्समबाट नयाँ समितिलाई सफलताको शुभकामना प्रदान गर्दै सभा विर्सजन गर्नुभएको थियो ।
