कोलम्बियामा पहिरोमा परी २४ जनाको ज्यान गयो

लिम्वूवान डट व्लगस्पोट डटकम,काठमाडौं

कोलम्बियामा भारी वर्षासँगैको पहिरोमा परी कम्तिमा २४ जनाको ज्यान गएको छ । पश्चिमी कोलम्बियाको मनिजेल्स सहरमा पहिरोले धेरै घर पुर्दा २० जनाको ज्यान गएको छ भने अझै ३० जना मानिस हराइरहेका अन्तर्राष्ट्रिय सञ्चार माध्यमहरुले जनाएका छन् । त्यस्तै छिमेकी क्विन्डियो प्रान्तमा पहिरोले २ वटा घर पुर्दा ४ जनाको ज्यान गएको छ । वर्षा नरोकिएकाले उद्धारको काममा कठिनाइ भएको अधिकारीहरुको भनाइ छ । कोलम्बियामा यो शताब्दीकै भारी वर्षासँगै बाढी र पहिरोका कारण २ लाख ५० हजार मानिस विस्थापित भएका छन् । मौसमविद्हरुले डिसेम्बर महिना सम्मै वर्षा भैरहने पूर्वानुमान गरेका छन् ।