News

Mar 24, 2009

माइक्रोबस ठक्करपछि त्रिशुलीमा खस्दा ६ को मृत्यु १३ घाइते

लिम्वूवान डट व्लगस्पोट डटकम,काठमाडौं
पृथ्वी राजमार्गमा गुडीरहेका दुई माइक्रोबस ठक्कर खाएपछि मंगलबार त्रिशुलीमा खस्दा ६ जनाको मृत्यु भएको छ । काठमाडौबाट तनहुंको भिमाद आउंदै गरेको बा. १ ज. ३४६६ नम्बरको माईक्रोबस र लमजुङको बेशीशहरबाट काठमाडौं जांदै गरेको बा २ ख ३१५८ नंको अर्को माईक्रोबस ठोक्किएको थियो । दुर्घटनासँगै बेशीशहरबाट काठमाडौं जांदै गरेको माईक्रोबस चितवनको दारेचोक गाबिस कुरिनटार नजिक पृथ्बीराजमार्गको सडकबाट करिब २ सय फिट तल त्रिशुली नदि किनारमा खसेको थियो ।एक जनाको घटनास्थलमै र ५ जनालाई भरतपुर अस्पताल ल्याउने क्रममा बाटोमा तथा अस्पतालमा एक जनाको मृत्यु भएको हो । दुघंटनामा १३ घाइते भएका छन् । मृतक मध्ये ४ पुरुष २ महिला रहेको प्रहरीले जनाएको छ । बसमा १९ जना यात्रु थिए । प्रहरीका अनुसार, लमजुङ घर भएकी नन्दकली गुरुङको मात्र सनाखत भएको छ । अन्य मृतकको नाम ठेगाना खुल्न नसकेको ईलाका प्रहरी कार्यालय मुग्लिङले जनाएको छ । घाइते १३ मध्ये २ जनाको थप उपचारको लागि काठमाडौं लगिएको छ । अन्यको भरतपुर अस्पताल र मेडिकल कलेज भरतपुरमा उपचार भईरहेको छ ।

सरकार र पिछडावर्ग महासंघबीच पाँच बुँदे सहमति

लिम्वूवान डट व्लगस्पोट डटकम,काठमाडौं
सरकार र पिछडावर्ग महासंघबीच मंगलबार पाँच बुँदे सहमति भएको छ । सहमतिपछि महासंघले शान्ति प्रकृया निष्कर्षमा पुर्‍याउन र नयाँ संविधान निर्माणमा सघाउने प्रतिबद्धता जनाएको छ ।शान्ति तथा पुनर्निमाण मन्त्रालयमा तीन घण्टा भएको वार्तामा पिछडिएका समुदायको उत्थान र विकास समितिलाई पूर्णता दिएर कृयाशिल बनाउने सहमति भएको छ ।त्यसैगरी पिछडाबर्ग महासंघका १० बुँदे माग सोही समितिबाट पूरा गर्ने र त्यसलाई सुझाव दिन शान्ति मन्त्रालयको संयोजकत्वमा स्थानीय विकास मन्त्रालयका प्रतिनिधि र महासंघका तीन जना रहेको पाँच सदस्यीय सिफारिस समिति बनाउने, रेडियो नेपालबाट पिछडिएको मगही भाषामा समाचार प्रशारण गर्ने, आन्दोलनका क्रममा नियन्त्रणमा लिइएका महासंघका कार्यकर्तालाई रिहा गर्ने सहमति भएको छ ।वार्तामा शान्तिमन्त्री जनार्दन शर्मा तथा महासंघका अध्यक्ष भरत महतो संयोजकत्वको टोली सहभागी थियो । सहमतिसँगै महासंघले आन्दोलनका सबै कार्यक्रम फिर्ता लिएको छ ।

सुझाव संकलन गरि सकेर सभासद्हरू राजधानी फिर्न थाले

लिम्वूवान डट व्लगस्पोट डटकम,काठमाडौं
संविधान लेखनका लागि जनतासँग सुझाव संकलन गर्न गएका अधिकांश सभासद् जिम्मेवारी पूरा गरी राजधानी फर्केका छन्। केही सभासद् भने आउने क्रममै रहेका छन्। गत फागुन १६ गते जिल्ला हिँडेका केही सभासद्ले केही समय थरुहट आन्दोलनका कारण समस्या झेल्नुपरे पनि आन्दोलन सकिएपछि स्थगित गरिएका ठाउँमा पनि सभासद्हरू पुनः पुगी आफनो जिम्मेवारी पूरा गरेर फर्किएको संविधानसभा अध्यक्ष सुवास नेम्वाङले जानकारी दिनुभयो।राजधानीबाट हिँड्नुअघि ४० वटै टोलीका संयोजकहरू र टोलीसँग जाने कर्मचारीहरूलाई सभाध्यक्ष नेम्वाङले कहीँ पनि समस्या आइपरेमा त्यो ठाउँ तत्काललाई स्थगित गरी अर्को ठाउँमा जान निर्देशन दिनुभएको थियो।स्थगित भएका ठाउँमा पनि पुनः सभासद्हरू पुगेर सुझाव संकलन भएकाले योजनाअनुसार सबै जिल्लाबाट प्राप्त सुझावहरूको प्रतिवेदन यही चैत १५ गतेसम्म सम्बद्ध टोली संयोजकहरूले संविधानसभाका अध्यक्षलाई बुझाउनेछन्।४० वटा टोलीले जिल्लाजिल्लामा बनाएका उपटोलीले तयार गरेको प्रतिवेदनलाई पनि मूलटोलीले आफनो प्रतिवेदनमा पार्नेछ। ७५ वटै जिल्लाका कति गाविस र स्थानमा पुगी सुझाव संकलन भएको छ भन्ने कुरा अन्तिम प्रतिवेदन आइसकेपछि मात्र थाहा हुनेछ -सभाध्यक्ष नेम्वाङले नेपाल समाचारपत्रसँग भन्नुभयो।सभाध्यक्ष नेम्वाङका अनुसार सुझाव संकलन प्रारम्भ हुनासाथ कतिपय स्थानमा अनेक कारणले समस्या उत्पन्न भए पनि सभासद्हरूले आफनो जिम्मेवारी गम्भीरतापूवक पूरा गरेका छन्।सभासद्हरूको टोलीले दिने सुझाव प्रतिवेदनलाई ग्रहण गरिसकेपछि त्यसलाई कसरी अध्ययन गर्ने र कसरी त्यो सुझावका आधारमा अवधारणा तयार गर्ने भन्नेबारेमा सभाध्यक्ष नेम्वाङले राजनीतिक दलहरूसँग परामर्श थालिसक्नुभएको छ। सभाध्यक्ष नेम्वाङले आइतबार र सोमबार केही राजनीतिक दलहरूसँग छलफल गरिसक्नुभएको र बाँकी दलहरूसँग आज मंगलबार पनि छलफल हुने बताइएको छ।आगामी वैशाख १० गतेसम्म संविधानको अवधारणा तयार गर्ने कार्यतालिका रहेको छ। सभासद्हरूले संकलन गरेका सुझावहरू व्यापक छन् तिनलाई हेरेर अवधारणा तयार गर्न सकिन्छ’, संवैधानिक समितिका सभापति माधवकुमार नेपालले भन्नुभयो- विषयहरू व्यापक रूपमा आएका छन्। सबै खालका सुझाव जनताबाट आएका छन्। जनताले जस्तो बुझे उस्तै गरी दिएको सुझावलाई हामीले बुझन सक्नुपर्छ।’कसैले घरमा महिलालाई पिटेर बस्नै नसकिने स्थिति छ भनी सुझाव दिएका छन् भने घरेलु हिंसा अर्थात् महिलाविरुद्ध हुने हिंसा अन्त्य गर्ने गरी अगाडि बढ्नुपर्ने भन्ने बुझनुपर्छ, पाठेघर खस्ने समस्यालगायतका कुरा राखेमा स्वास्थ्य अधिकार भन्ने बुझनुपर्छ’-नेपालले उदाहरण दिँदै भन्नुभयो।

एसएलसी परीक्षा बुधबारदेखि शुरू ४१२०८१ विद्यार्थी

लिम्वूवान डट व्लगस्पोट डटकम,काठमाडौं
स्कुले शिक्षा पार गर्ने अन्तिम खुट्किलाको रूपमा रहेको एसएलसी परीक्षा बुधबारदेखि शुरू हुँदै छ। देशभरका ४ लाख १२ हजार ८१ विद्यार्थीले भाग लिने एसएलसी परीक्षाको सम्पूर्ण तयारी पूरा भएको र प्रश्नपत्र र उत्तरपुस्तिका सबै परीक्षाकेन्द्रसम्म पुगिसकेको परीक्षा नियन्त्रण कार्यालयले जनाएको छ। करिब ५ दर्जन विषयमा लिइने परीक्षा चैत २० गतेसम्म चल्नेछ।परीक्षा नियन्त्रक वीरेन्द्रकुमार झाका अनुसार यस वर्षो परीक्षामा नियमिततर्फ ३ लाख ६४ हजार ५ सय ९ र एक्जाम्टेडतर्फ४७ हजार ४ सय ९० विद्यार्थी सहभागी रहनेछन्।पनिकाले देशभर १ हजार ४ सय ५ परीक्षाकेन्द्र कायम गरेको छ। गत वर्ष१ हजार २ सय ९९ सय केन्द्र थिए।परीक्षा मर्यादित रूपमा सञ्चालन गर्न १ हजार ४ सय ५ केन्द्राध्यक्ष, २ हजार २ सय सहायक केन्द्राध्यक्ष, करिब १७ हजार निरीक्षक खटाइएको छ।परीक्षामा सुरक्षाका लागि करिब १५ हजार सुरक्षाकर्मी परिचालन गरिनेछ। पनिकाका अनुसार प्रत्येक परीक्षँ केन्द्रमा १० जना सुरक्षाकर्मी रहनेछन्।यस वर्षो परीक्षामा माओवादी लडाकू शिविरका १ सय ८९ जना लडाकू पनि सहभागी रहनेछन्। सबै लडाकू खुला विद्यालयमा अध्ययनरत हुन्। देशभरका २२ खुला विद्यालयबाट लडाकूसहित १ हजार ३ सय ३३ जना विद्यार्थी यस परीक्षामा सहभागी रहनेछन्।यस वर्षक्षेत्रगतरूपमा प्रश्नपत्र निर्माण गरिएको छ’, परीक्षा उपनियन्त्रक अम्बिकाप्रसाद रेग्मीले भन्नुभयो- पाँच विकास क्षेत्रमा पाँच प्रकारका प्रश्नपत्र रहनेछन्।’नियमित विद्यार्थीका निम्ति संशोधित पाठयक्रमका आधारमा प्रश्नपत्र सोधिनेछ भने एक्जाम्टेडका निम्ति पुरानै पाठयक्रमअनुसार प्रश्न सोधिने भएको छ।बिहान ८ बजेदेखि सञ्चालन हुने परीक्षाअर्न्तर्गत भोलि अनिवार्य अंग्रेजीको परीक्षा हुँदै छ। यस वर्षो परीक्षामा सबैभन्दा बढी काठमाडौंमा २७ हजार ६ सय ८४ विद्यार्थी सहभागी हुने भएका छन् भने सबैभन्दा कम मनाङमा २६ विद्यार्थी सहभागी हुँदै छन्। मनाङमा एक मात्र परीक्षाकेन्द्र रहेको छ। गत वर्षो तुलनामा यस वर्षकरिब ४५ हजार विद्यार्थी वृद्धि भएका छन् भने १ सय ६ वटा परीक्षाकेन्द्र थपिएका छन्।परीक्षा सञ्चालन गर्न करिब १२ करोड रुपियाँ खर्च हुने पनिकाले जनाएको छ। परीक्षा नियन्त्रक झाका अनुसार तीन महिनाभित्र परीक्षाफल प्रकाशित गरिने छ। परीक्षामा सहभागी अपांग, नेत्रहीन र अशक्त विद्यार्थीले डेढ घण्टा थप समय पाउनेछन्।

Mar 23, 2009

Limbuwan Autonomous state forcefully trying to push movement

Limbuwan.blogspot.com,KTM/DB Angbung
A Historic land or autonomous state Limbuwan and Limbuwani Peoples are in real Federal Democratic Republic practices now. You know that the election of Constitution Assembly[CA] was successfully completed in mixed electoral system i.e. first past the post and proportional way in last year. Most of peoples of Nepal wanted to conduct the election of CA in full proportional election system, but the government or so called 7 parties did not want to do so. However, Nepal has already been entered into Federal Democratic Republic way in a sense. But, we can not feel Federal Democratic Republic Nepal in a real sense and real practices. So, it is our duty and responsibility to make every activity or poll of Nepal in federal democratic republic way i.e. inclusive, proportional and autonomous practices. In this course, whenever the poll of Free Students' Union was coming near, the Federal Students' Union a sister organization of Federal Democratic National Forum[FDNF] had presented its issues and demands to TU to make the election of FSU in proportional system. But, TU and those student organizations who do not want real federalism, inclusiveness, and autonomous states in Nepal in practice, did not want to make the system as what Federal Students' Union and its branch organizations in Limbuwan, Khambuwan, Tamangsaling and Tharuhat wanted to make and do.After the decision of TU and other so called main student organizations in Nepal to conduct the election of FSU in direct or first past the post system, then Federal Students' Union obliged to declare its movements not to give to conduct the elections as that way peacefully. As the result of sensible or meaningful demands and movement in Limbuwan and Tharuhat, most of the campuses postponed their election. On the other hand, some few campuses dare to conduct the election at any cost by challenging the movement for proportional sysrem in Limbuwan [Itahri, Sukuna and Dhulabari]. As the party decision of FDNF: Federal Limbuwan State Council and Federal Students' Union, the organization compelled to fight for proportional election system. In this course, one member of Federal Students' union Limbuwan State Committee, Mr Manil Tamang has been killed by armed police at Dhulabari Jhapa and Man Bdr. Sherpa was seriously injured. FDNF: Federal Limbuwan State Council and other Limbuwan organizations are conducting Limbuwan Bandh for indefinite time being by announcing different demands to the government now. Eventually, some person, community and organizations who do not want Federal Democratic Republic Nepal and Limbuwan Autonomous state are forcefully trying to push this movement towards a communal conflict too.

सहमति कार्यान्वयन गरे कांग्रेस सरकारमा जान विचार गर्ने

लिम्वूवान डट व्लगस्पोट डटकम,काठमाडौं
कांग्रेस सभापति गिरिजाप्रसाद कोइरालाले माओवादीले विगतका सहमति र समझदारी कार्यान्वयन गरे सरकारमा सहभागिताबारे विचार गर्न सकिने बताएका छन् । गृहनगर विराटनगर पुगेका कोइरालाले सोमबार निवासमा संवाददाताहरुसित संक्षिप्त कुरा गर्दै माओवादीले विगतमा गरेका सबै समझदारी र सहमति कार्यान्वयन गरे 'सरकारमा जाने वा नजानेबारे विचार गर्न सकिने' बताएका हुन् । अहिले नै आफूले सरकारमा जाने वा नजानेबारे कुनै पनि प्रतिवद्धता व्यक्त नगर्ने भन्दै उनले यो ( सरकारमा सहभागिता) माओवादीको व्यवहारमा भर पर्ने बताए ।प्रधानमन्त्रीलगायत माओवादी नेताले कांग्रेस सरकारमा सहभागी हुने संकेत गरेकोतर्फ ध्यानाकर्षण गराउँदा कोइरालाले भने- 'कसले के भन्यो भन्नेतिर लाग्दिन, नेपाली कांग्रेस आफूले भनेको कुरा पूरा गर्नेतिर लाग्छ ।' क्याम्पसहरुमा भएको स्वतन्त्र विद्यार्थी युनियन चुनावको परिणामप्रति लक्षित गर्दै संवाददाताहरुले राखेको जिज्ञासामा कोइरालाले 'एउटा लडाइँ जित्दैमा पुरै युद्ध जितेको नमानिने' टिप्पणी गरे । 'एउटा लडाइँ जित्दैमा युद्ध जितेको मानिदैन' उनले भने- 'अब प्रजातान्त्रिक युद्ध सुरु हुन्छ ।'हतियारसहितको माओवादीलाई सरकारमा ल्याउनु गल्ती भएको भन्ने एमाले नेता माधवकुमार नेपालको भनाइ उल्लेख गर्दै संवाददाताहरुले राखेको जिज्ञासामा कोइरालाले पछाडि फर्केर हेर्ने आफ्नो बानी छैन भन्दै अब अगाडि कसरी जाने भन्नेबारे सोच्ने उल्लेख गरे ।

लिम्बुवान कार्यकर्ताको ज्यादतीविरुद्ध प्रदर्शन

लिम्वूवान डट व्लगस्पोट डटकम,काठमाडौं
लिम्बुवान कार्यकर्ताको ज्यादतीविरुद्ध झापाका सर्वसाधारण प्रदर्शनमा उत्रिएका छन् । लिम्बुवान कार्यकर्ताले सर्वसाधारणका घर तथा पसलमा तोडफोड गर्ने, ज्यान मार्ने धम्की दिने कार्य जारी राखेपछि चारपाने, अर्जुनधारा, अनारमनीका बासिन्दा संगठित रूपमा लिम्बुवानविरुद्ध उत्रिएका हुन् ।उनीहरूले आइतबार लिम्बुवानजन्य संगठनको ज्यादतीविरुद्ध झापामा दोस्रोपटक प्रदर्शन गरे । पटक-पटक लिम्बुवानले गरेको बन्द-हड्ताल, तोडफोड र आक्रमणविरुद्ध चर्को नाराबाजी गर्दै आइतबार सुरुंगा, चारपाने, शनिश्चरे, अर्जुनधारा र अनारमनीका स्थानीयवासीले प्रदर्शन गरेका हुन् ।चारपानेबाट सुरु भएको प्रदर्शन बिर्तामोडमा पुगेर कोणसभामा परिणत भएको थियो । कोणसभामा कांग्रेसका सभासद् केशवकुमार बुढाथोकीले लिम्बुवानलाई जातीय आधारमा राज्य दिन नसकिने बताए । उनले खुँडा-खुकुरी देखाएर जनतालाई नतर्साउन लिम्बुवानलाई चेतावनी पनि दिए ।उनले नयाँ संविधानका लागि सुझाव संकलन गर्न जाँदा लिम्बुवानको झुन्डले मित्रराष्ट्र नेपालबाट आएका सभासद्लाई स्वागत भनेको प्रसंग उल्लेख गर्दै आफूलाई अलग राज्यका ठान्ने लिम्बुवानलाई नेपाली नागरिकता र नेपाली नोट च्यातेर देखाउन चुनौती दिए । सभासद् बुढाथोकीले समूह-समूह बनाएर आपनो सुरक्षाका लागि आफैं लाग्न र लिम्बुवान ज्यादतीको प्रतिकार गर्न आह्वान पनि गरे ।एमालेका केन्द्रीय सदस्य नरेश खरेलले आपनो अधिकार माग्ने नाममा अर्काको अधिकारमाथि लिम्बुवानले धावा बोलेको आरोप लगाए । कांग्रेस झापाका सभापति सुधीरकुमार सिवाकोटीले पटक-पटक दलहरूसँग वार्ता गरेर सहमति कायम भए पनि त्यसलाई लिम्बुवानले खिल्ली उडाउने गरेको उल्लेख गरे ।एकीकृत माओवादीका झापा सेक्रेटरी असिमले लिम्बुवान ज्यादतीले सीमा नाघेको बताए । उनले जनतालाई तर्साएर लिम्बुवान प्राप्तिको आन्दोलन सफल नहुने दाबी गरे । यसअघि शनिबार राति प्रतिकारका क्रममा झापाको अर्जुनधारा-६ मा दुईजना लिम्बुवान कार्यकर्ता घाइते भएका छन् । स्थानीय नारायण भारतीको घरमा राति १० बजे लिम्बुवान कार्यकर्ताले आक्रमण गरेपछि स्थानीयवासीले प्रतिकार गरेका थिए ।