भारतमा आएको आँधीको प्रभाव नेपालमा पनि

लिम्वूवान डट व्लगस्पोट डटकम,काठमाडौं 

भारतको उडिसामा आएको पायलिन नामक आँधीको प्रभाव नेपालमा पनि पर्न थालेको छ । आज बिहानैदेखि राजधानी काठमाडौंसहित देशका विभिन्न भागमा मौसम परिवर्तन भएको छ । आकाश धुम्मिएको छ भने पूर्वी नेपालका विभिन्न भागमा हल्का वर्षा भइरहेको छ । मौसमविद्का अनुसार तुफानको केन्द्रको वरिपरिका क्षेत्रमा मात्रै बढी क्षति हुने भएकाले नेपालसम्म आइपुग्दा आँधीको गति कमजोर भैसक्ने र यसले हावाहुरी तथा वर्षा गराए पनि ठूलो क्षति भने पुर्‍याउने छैन । पूर्वी र मध्य नेपालमा हुने वर्षा पर्सिसम्म जारी रहने र सुदूरपश्चिममा भने आँधीको खासै प्रभाव नपर्ने बताइएको छ ।