News

Apr 25, 2013

चीनमा भएको जातीय दंगामा २१ को मृत्यु

लिम्वूवान डट व्लगस्पोट डटकम,काठमाडौं 
चीनको सिन्ज्याङ प्रान्तमा भएको जातीय दंगामा परी २१ जनाको मृत्यु भएको छ । मृत्यु हुनेमा स्थानीय नागरिक, प्रहरी र सामाजिक कार्यकर्ता भएको अन्तर्राष्ट्रिय समाचार माध्यमले बताएका छन् । समय समयमा हुने यस क्षेत्रको जातीय भिडन्तको समाचार लिन पुगेका प्रहरी र स्थानीय नागरिक बिच भएको झडपले उग्ररुप लिन पुगेपछि दंगा बढेको हो । पश्चिमी चीनको सिनजियाङ प्रान्तको बचु जिल्लामा उक्त भिडन्त भएको थियो । यो जिल्लामा समय समयमा जातीय दंगा हुने गर्दछ । यस क्षेत्रका नागरिकसँग अबैध हतियार रहेको आशंकामा हतियारको संकलन गर्न प्रहरी पुगेको थियो । ति हतियार प्रहरीले नियन्त्रण गर्न खोज्दा दंगा भड्किन गई स्थानिय नागरिक र प्रहरी बिच भिडन्त भएको हो । प्रहरीले केहि स्थानिय नागरिकको घरबाट हतियार समेत बारामद गरेको छ । प्रहरीले स्थानिय नागरिकको घरभित्र खानतलासि गर्न थालेपछि नागरिक प्रहरी माथि जाइलागेका थिए । भिडन्तमा मारिने १५ जना सामाजिक कार्यकर्ता र प्रहरी परेका छन् । भने, ६ जना उसै प्रान्तमा बस्दै आएका अल्पसंख्यक युगुर समुदायका नागरिक छन् ।

No comments: