फेसबुक एकाउन्ट खोलेकै दिन बुसका ६२ हजार फयान

लिम्वूवान डट व्लगस्पोट डटकम,काठमाडौं
राष्ट्रपतिकालमा उनले जनताको खासै समर्थन पाएनन् । कहिले इरानयुद्ध त कहिले अफगानिस्तान युद्धका नाममा उनको विरोध भइरह्यो । तर, तिनै अमेरिकी राष्ट्रपति जर्ज डब्लु बुस अहिले सत्ताबाट बाहिरिएपछि चर्चाको शिखरमा छन् । फेसबुक एकाउन्ट खोलेकै दिन उनका करिब ६२ हजारजति फ्यान भएका छन् । कैयौँ फ्यानले आफूले पूर्वराष्ट्रपति बुसलाई 'मिस' गरेको समेत फेसबुक वालमा उल्लेख गरेका छन् ।
'भगवान् सधैँ तिम्रा दाहिना होऊन्, तपाईं साँच्चै नै महान् मानिस हुनुहुन्थ्यो, कसैले बुसलाई युद्ध अपराधी भन्छन्, 'परिभाषा' अनुसार उनी युद्ध अपराधी हुन पनि सक्छन् । तर, यी मानिस नायक हुन्, नायक' जस्ता टिप्पणी बुसको फेसबुक पेजमा गरिएको छ । बुसलाई सकारात्मक टिप्पणी मात्र होइन, थुप्रैले नकारात्मक टिप्पणीसमेत गरेका छन् । एकजनाले लेखेका छन्, 'म बुसलाई सानोमा आएको दादुराजस्तै 'मिस' गरिरहेको छु ।
'सोसल नेटवर्किङ साइटमा यो युद्ध अपराधी के गदै छ हँ ?' अर्का फ्यानले लेखेका छन् ।
'तिमीले लाखौँलाई पीडित बनायौ । बुस म तिमीलाई संसारमा सबैभन्दा बढी घृणा गर्छु' एक फ्यानले बुसको फेसबुक साइटमा पोस्ट गरेका छन् । यसैगरी, बुसलाई फ्यान बनाउने सबै मूर्ख भएको भन्दै एकजनाले लेखेका छन्, 'तिमीहरू सबै मूर्ख हौ । बुसले युद्ध छेडे । हजारौंलाई मारे । र, आफ्नो र बुबाका लागि लाखौँ डलर जम्मा पारे ।
बुसले आफ्नो फेसबुक साइटमा जम्मा दुईवटा कमेन्ट मात्र पोस्ट गरेका छन् । पहिलो कमेन्टमा राष्ट्रपति पद छाडेपछि आफूले क्रियाशील जीवन बाँच्दै आएको लेखिएको छ । राष्ट्रपति पदबाट बाहिरिएपछि अमेरिकाका २० प्रान्त र अन्य आठ देशको भ्रमण गरेको लेखिएको छ । यसैगरी, पद छाडेपछि ६५ पटक भाषण गरेको पनि बुसले फेसबुकमा लेखेका छन् । बुसको फेसबुक साइट बुधबार मात्र सार्वजनिक भएको हो । बुधबार दिउँसोसम्म उनको साइटले २७ हजार फ्यान आकषिर्त गरिसकेको थियो ।
जर्ज डब्लु बुसका प्रवक्ताले फेसबुक बुसकै भएको पुष्टि गरेका छन् ।