पूर्वराष्ट्रपति मुसर्रफले नयाँ पार्टी खोल्ने

लिम्वूवान डट व्लगस्पोट डटकम,काठमाडौं

लन्डन/ पाकिस्तानका पूर्वराष्ट्रपति परबेज मुसर्रफले देश र जनताको आत्मविश्वास जगाउनका लागि आफू राजनीतिमा फर्किने प्रतिज्ञा गरेका छन् । उनले आफूले नयाँ राजनीतिक दल खोलेर आगामी निर्वाचनमा संसद्को उम्मेदवार हुने पनि घोषणा गरेका छन् । 'कोसिसै नगरी तल पर्नुभन्दा कोसिस गरेर असफल हुनु राम्रो भन्ने कुरामा म निकै विश्वास गर्छु । हामी अहिले पाकिस्तानमा अँध्यारो नै अँध्यारो देख्छौँ, हामीले ज्योति देखाउनुपर्छ, जनतालाई अलिकति आत्मविश्वास दिन सक्ने एक सम्भव विकल्प देखाउनुपर्छ,' उनले भने ।
पूर्वसैनिक प्रमुख मुसर्रफले आफू फेरि पनि देशको राष्ट्रपति हुन सक्ने अपेक्षा गरेको खुलासा गरे । उनले त्यसअगावै पाकिस्तान फर्किने बताउँदै यसरी दल खोलेर राजनीति गर्ने काम आपना लागि जोखिमयुक्त पनि हुन सक्ने आशंका बिबिसी रेडियोसमक्ष व्यक्त गरे । उनी स्वयं पहिले राष्ट्रपति भइसकेकाले अरूलाई मौका दिए हुन्न र भन्ने प्र्रश्नको उत्तरमा उनले भने, 'पहिले म सैनिक पोसाकमा भएको हुनाले अन्तर्राष्ट्रिय समुदायबाट कम वैधता पाएँ ।'
आफू आपनाविरुद्ध लाग्न सक्ने सम्भावित मुद्दासँग डराएर आफू पाकिस्तान छाडेर नभागेको उनको दाबी थियो । हाल पाकिस्तान अत्यन्त दयालाग्दो अवस्थाबाट गुजि्रएको टिप्पणी गर्दै यो अवस्थाबाट आफूले देशलाई मुक्त गरी देशको विकास गर्ने प्रतिबद्धता पनि ६७ वर्षीय पूर्वसैनिक शासक मुसर्रफले बताए । निर्वासनमा केही वर्षयतादेखि लन्डनमा बसिरहेका पूर्वसैनिक प्रशासक मुसर्रफले भने, 'म दुई सय प्रतिशत आगामी चुनावमा उठ्छु, म मेरा लागि र दलका लागि पनि निर्वाचनमा उम्मेदवार दिने वातावरण निर्माण गर्नेछु ।'