बेलायती राजपरिवारलाई फेरी राजकुमारीको चिन्ता

लिम्वूवान डट व्लगस्पोट डटकम,काठमाडौं 

‘गर्भवती’ बेलायती राजकुमारी केट बिदा मनाउन श्रीमान् विलियमसँग क्यारेबियन टापुमा हुँदा राजपरिवारमा चिन्ता बढेको छ। राजकुमारी तस्वीरहरु देखेपछि बेलायती राजपरिवारलाई तनाव भएको हो । बिदा मनाउ सामुद्रिक किनारमा पुगेकी राजकुमारी विकिनीमा हिँडिरहेका केही तस्बिर विभिन्न सञ्चारमाध्यमले सार्वजनिक गरेपछि राजपरिवारमा चिन्ता बढेको समाचार संस्थाहरुले उल्लेख गरेका छन् । राजपरिवारले व्यक्तिगत जीवनमाथि सञ्चारमाध्यमले हस्तक्षेप गरेको प्रति दुःख व्यक्त गरेको छ । इटाली र अस्ट्रेलियाका म्यागजिनले ती तस्बिरहरू प्रकाशित गरेका छन् भने फ्रान्स, अमेरिका र जर्मनीका अखबारले पनि तस्बिर खरिद गरी प्रकाशनको तयारी गरेको समाचार संस्थामा उल्लेख गरिएको छ । समाचार संस्थाहरुले उल्लेख गरे अनुसार राजकुमारीको तस्वीरलाई इटालीको गसिप म्यागजिन ‘ची’ ले पहिलो पृष्ठमा उक्त तस्बिर प्रकाशन गरेको छ। यस अघि समेत चीले नै बेलायती महारानी डायनाको तस्वीर छापेपछि विवादमा आएको थियो । यसरी सार्वजनिक भएका तस्बिरमा केटले उज्यालो नीलो विकिनी लगाएकी छन् भने तल्लो पेट केही उठेको पनि स्पस्ट देखिन्छ । केटको पेटमा चार महिनाको गर्भ रहेको बताइन्छ ।