विराटनगर विमानस्थलमा आगलागी

लिम्वूवान डट व्लगस्पोट डटकम,काठमाडौं 

विराटनगर , माघ २६ - विराटनगर विमानस्थलमा आगलागी भएको छ । शुक्रवार दिउँसो पौने ४ बजे विमानस्थल धावनमार्गको पश्चिम–दक्षिण घाँसे मैदानमा अचानक आगो लागेको थियो । नेपाली सेना, प्रहरी, सशस्त्र प्रहरी र तिनवटा दमकलले एक घण्टापछि आगो नियन्त्रणमा लिएका थिए । आगलागीका कारण डेढ घण्टा हवाइ सेवा अवरुद्ध भएको थियो । आगो विमान स्थलको तारवार वाहिरवाट कसैले चुरोट खाइ फ्याकेको ठूटोवाट सल्केको हुन सक्ने प्रहरीले जनाएको छ । आगलागीपछि मोरङका प्रमुख जिल्ला अधिकारी तारानाथ गौतम प्रहरी प्रमुख नीरज शाहीलगायत सुरक्षा निकायका प्रमुखहरु विमानस्थल पुगेका थिए । विमानस्थल आसपासका क्षेत्रमा ठूलो घाँसे मैदान भएकाले हरेक बर्ष सुख्खायाम सुरु हुन नपाउँदै आगलागी हुने गरेको छ ।