भोलिसम्ममा चुनावी सरकार गठन हुने प्रधानमन्त्रीको भनाई

लिम्वूवान डट व्लगस्पोट डटकम,काठमाडौं 

प्रधानमन्त्री डाक्टर बाबुराम भट्टराइले बहालवाला प्रधानन्यायधिश कै नेतृत्वमा भोलिसम्ममा चुनावी सरकार गठन हुने बताउनुभएको छ । आज बिराटनगर विमानस्थलमा संचारकर्मीहरुसँगको कुराकानीमा उँहाले यसकालागि चाँडै सहमति जुट्ने विश्वास ब्यक्त गर्नु भयो । बहालवाला प्रधानन्यायधिस नै स्वतन्त्र र निष्पक्ष हुने जिकिर गर्दै प्रधानमन्त्री भट्टराइले यसकै बिषयमा छलफल भइरहेको बताउनुभयो । प्रधानन्यायधिशको नेतृत्वमा चुनावी सरकार गठन गर्दा त्यसको संयन्त्र कस्तो हुने, अधिकार कति दिने भन्ने बिषयमा छलफल भइरहेको उँहाले प्रष्ट् पार्नु भयो । अन्तर्राष्ट्रिय परम्परा र लोकतान्त्रिक पद्धतिलाई हेर्दा यहि सरकारले निर्वाचन गराउनुपर्ने भएपनि विपक्षि दलहरुबाट सहमति नजुटेपछि दोस्रो उत्तम बिकल्प यहि रहेको प्रधानमन्त्रीको भनाई थियो । आजसम्म सहमति नजुटे राष्ट्रपतिले कदम चाल्ने बिषयमा प्रधानमन्त्रि डा. भट्टराइले यो राष्ट्रपतिको अधिकार बाहिरको कुरा भएको टिप्पणी गर्नुभयो । प्रधामन्त्री भट्टराई बिराटनगर जैन श्वेताम्बर तेरापन्थ सभामा सहभागि हुन विराटनगर आउनुभएको हो ।