फिक्कल इलाममा संघीय लेप्चा स्वायत्त परिषद्को लिम्बुवानी आमसभा

लिम्वूवान डट व्लगस्पोट डटकम,काठमाडौं/डीबी आङबुङ

फिक्कल इलाम,असोज १०, २०६८,संघीय मंच सम्बद्व संघीय लिम्बुवान राज्य परिषदअन्तर्गत संघीय लेप्चा स्वायत्त परिसदद्वारा २०६८ असोज १० गते फिक्कल बजार, इलाम लिम्बुवानमा एक लिम्बुवानी आमसभा समपन गरिएको छ | मंच सम्बद्व संघीय लिम्बुवान राज्य परिषदका केन्द्रीय सदस्य तथा संघीय लेप्चा स्वायत्त परिषद्का अदक्ष्य डुप छिरिङ काजि लेप्चाको अध्यक्षतामा सम्पन्न उक्त आमसभाका प्रमुख अतिथि मंच सम्बद्ध लिम्बुवानका अध्यक्ष कुमार लिङदेन 'मिराक' रहनु भएको थियो | आमसभालाई सम्बोधन गर्दै प्रमुख अतिथी कुमार लिङदेन 'मिराक'ले लिम्बुवानले संघीय सह-अस्तित्ववादी दर्शन अबलम्बन गरिरहेको र लिम्बुवान लिम्बुवानमा बस्ने सबै लिम्बुवानवासीको साझा लिम्बुवान हुने तथा लिम्बुवान संधै संघीय गणतन्त्र र संविधान सभाको पक्षमा रहने अटाउनु भयो | त्यसैगरी, कार्यक्रमलाई सम्बोधन गर्दै अधिकांश संघीय लेप्चा स्वायत्त परिषद्का वक्ताहरूले "अरुणपूर्व नौ जिल्ला लिम्बुवान हुनुपर्ने र त्यसपछि मात्र लिम्बुवानअन्तर्गत लेप्चा स्वायत्त परिषद हुने भएकोले सबैजना लिम्बुवानवासीहरू लिम्बुवान स्वायत्त राज्य प्राप्तिको लागि एक भई लागिपर्नु पर्ने" बताएका थिए |