पोखरामा होलीमा उच्छृखंल गर्ने ९० पक्राउ

लिम्वूवान डट व्लगस्पोट डटकम,काठमाडौं

पोखरा, फाल्गुन २४ - होली मनाउने क्रममा उच्छृखंल गतिविधिमा संलग्न ९० जनालाई प्रहरीले पक्राउ गरेको छ । यो संख्या बुधबार दिउँसो २ बजेसम्मको हो । कास्कीका प्रहरी निरीक्षक रबिन्द्र पौडेलका अनुसार नचिनिने गरी अनुहार रंगाउने, विभिन्न पेन्टको प्रयोग गर्ने, ईच्छाबिपरीत अरुलाई रंग लगाउने, लोला हान्ने, रंग बाहेकको पर्दा प्रयोग गर्ने, हेल्मेट नलगाई मोटरसाईकल चलाउने, ३ जनासम्म चढाउनेलगायतलाई पक्राउ गरिएको हो । होलीको दिन विभिन्न आपराधिक गतिविधिलाई रोक्ने उद्देश्यले प्रहरीले पोखरामा आज दिउँसै मापसे चेकजाँचलाई तिब्र पारेको छ । यसैगरी ठूलो संख्यामा प्रहरी परिचालन गरी उच्छृखंल गतिविधि हुन नदिन विशेष सतर्कता अपनाईएको प्रहरीले जनाएको हो ।