मलेसियामा फाल्गुनन्द जयन्ती

रामचन्द्र गिरी/लिम्वूवान व्लगस्पोट क्वालालम्पूर मलेसिया / November 21, 2007
किराँत धर्म तथा साहित्य उत्थान संघ राष्ट्रिय समिति २०६४ मलेसियाले १२३ औं महागुरु फाल्गुनन्दको जन्मजयन्ती नोभेम्बर ११ का एक अवसर पारेर एक कार्यक्रमको आयोजना गर्यो ।नेपाली मलेसियन नागरिक पदम बाबाको प्रमुख आतिथ्यमा सम्पन्न भएको उक्त कार्यक्रममा किराँत धर्म तथा साहित्य उत्थान संघका अध्यक्ष पदम दुखी सम्बाहाङवे, तथा पूर्वाध्यक्ष पर्शुराम चोङवाङ, श्रम साप्ताहिकका प्रेम सुनार, डा. उमेश रिजाल, जनपृष्ठभूमीका सुन्दर आले मगर, श्री अभिलेख साप्ताहिकका शिवलाल सुबेदी, तमुसमाजका यम गुरुङ्ग, इलाम प्रवासी सर्म्पर्क मञ्च यायोख्याका देव प्रकाश र्राई र यायोख्याकै महासचिव मोहन थेवेंको उपस्थिति रहेको थियो । कार्यक्रममा उपस्थित अतिथिहरुले किराँत धर्मत तथा साहित्यलाई लोप हुन दिन नहुने कुराहरुमा जोड दिएका थिए । कार्यक्रम संचालन किराँत धर्म तथा साहित्य उत्थान संघका सचिव बुद्धहंग लावतीले गर्नुभएको थियो । महागुरु फाल्गुनन्दको जन्म वि.सं. १९२४ सालमा भएको थियो । उनको न्वारानको नाम नरध्वज लिङ्देन हो । उनी लिम्बू जातिको सामन्या परिवारमा जन्मेका थिए ।