आमरण अनशनमा बसेकी शारदाको स्वास्थ्य थप कमजोर

लिम्वूवान डट व्लगस्पोट डटकम,काठमाडौं 

भ्रष्टाचार विरुद्धको अभियानमा दवाव दिन आमरण अनशनमा बसेकी शारदा भुसाल झाको स्वास्थ्य अवस्था थप कमजोर भएको छ । विगत नौ दिन देखि काठमाडौंको शान्तिबाटिकामा आमरण अनसनमा बसेकी भुसाल उठ्न र राम्ररी बोल्न समेत नसक्ने अवस्थामा पुगेकी छन् । फागुन ११ गते ११ बजेदेखि आमरण अनशनमा बसेकी उनले माग पूरा नभएसम्म अनसन नछोड्ने बताएकी छन् । भ्रष्टाचार मुक्त समाजको निर्माणमा सहभागि बन्न आग्रह गर्दै आएकी उनले सरकारले आफ्ना मागबारे चासो नदिएको आरोप लगाएकी छन् । महोत्तरीका विभिन्न गाविसमा भएको अनियमितता छानबीनको माग गर्दै आमरण अनसन थालेकी उनले डेढ वर्षअघि पनि अनसनमा बसेकी थिइन् । अर्घाखाँची जिल्लाको सन्धीखर्कमा २०३२ सालमा जन्मिएकी शारदाले भ्रष्टचार विरोधी अभियानको सुरुवात भने आफ्नै गाविस महोत्तरीको बलौनी-दमौलीबाट सुरु गरेकी हुन् ।