अन्तर्राष्ट्रिय मिडिया मिसन नेपालमा

लिम्वूवान डट व्लगस्पोट डटकम,काठमाडौं

नेपाली प्रेस जगतको अध्ययन गर्न अन्तर्राष्ट्रिय मिडिया मिसनको टोली आज राजधानी काठमाडौँ आईपुगेको छ । नेपाली पत्रकारिताको अवस्था तथा अभिव्यक्तिको स्वतन्त्रता लगायतका प्रेस मुद्दाहरुको अवस्थाबारे बुझ्न विभिन्न अन्तर्राष्ट्रिय संस्थाहरुको संयुक्त टोलि प्रतिनिधि मण्डल नेपाल आएको हो । सो टोलिले प्रधानमन्त्री, गृहमन्त्री, राजनीतिक दलका नेताहरु, राष्ट्रिय मानव अधिकार आयोग लगायतका अधिकारीहरुसँग भेट गर्नका साथै विराटनगर र जनकपुरको स्थलगत अध्ययनग गर्ने जनाइएको छ । नेपाल पत्रकार महासंघको आह्वानमा नेपाल आएको सो टोलिले आज पत्रकारितासँग सम्बन्धित विभिन्न क्षेत्रका प्रतिनिधिहरुसँग छलफल गरेको छ । सो छलफलका क्रममा नेपाल पत्रकार महासंघका अध्यक्ष शिव गाउँले र विनोद ढुंगेलले नेपाली आमसञ्चारको अवस्था तथा नेपाल विद्युतीय मिडियाहरुको बारे जानकारी गराएका थिए । सो क्रममा उनीहरुले मुलुकको प्रेस तथा अभिब्यक्ती स्वतन्त्रतालाई बन्देज लगाउने प्रयासहरु जारी रहेको, पत्रकारहरु माथि भएका आक्रमण लगायतका घट्नामा सरकारले गम्भीर भएर पीडकहरुलाई कारवाही नगरेको तथा पत्रकारहरुको ब्यवसायिक तथा पेशागत सुरक्षा नभएका लगायतका विषयहरु उठाकएका थिए ।