अफगानिस्तानको अदालतमा इजलासमै आक्रमण, ७४ को मृत्‍यु

लिम्वूवान डट व्लगस्पोट डटकम,काठमाडौं 

अफगानिस्तानको एक अदालतमा सुनुवाई भइरहेको अदालतमा बिस्फोट भएको छ । अफगानिस्तानको पश्चिमी प्रान्त फराहको राजधानीस्थित एक अदालतमा सुनुवाई भइरहेको इजलासमै तालिवान लडाकूले आक्रमण गर्दा ७४ जना मारिएका सञ्चार माध्यमहरुले जनाएका छन् । आक्रमणमा ५३ जना सर्वसाधारण, १२ सुरक्षाकर्मी र ९ लडाकू मारिएको समाचार संस्था एपीले जनाएको छ । ९० जनाभन्दा बढी घाइते भएको बताइएको छ । इरानी सिमाना नजिकैको उक्त शहरमा तालिवान लडाकुविरुद्धको मुद्दामा सुनुवाई भइरहेका बेला अदालतमै लडाकूले आत्मघाती आक्रमण गरेका हुन् । आक्रमणको जिम्मेवारी तालिवानले लिएको छ ।