कतारमा तीन नेपालीको कामदारको मृत्यु

लिम्वूवान डट व्लगस्पोट डटकम,काठमाडौं

रोजगारीका लागि खाडी मुलुक कतारमा रहेका तीनजना नेपालीको अलग दुइ घटनामा परी मृत्यु भएको छ । कतारको ओमकरन भन्ने स्थानमा एक पोल्ट्री फर्ममा काम गरिरहेका दुइ नेपाली कामदारको करेन्ट लागेर मृत्यु भएको हो । बिहीबारको यो घटना फार्ममा बिजुली लाइन सर्ट भएर भएको थियो ।घटनामा खोटाङ घर भएका दीपक राइ र धनकुटाका रामबहादुर सुब्बाको मृत्यु भएको हो । यसैगरी अर्को घटनामा सुनसरी सोनापुर-६ निवासी इमरान मियाको मृत्यु भएको उनको परिवारले जानकारी दिएको छ । दुइ वर्षअघि कतार गएका इमरानको १५ दिनअघि कतारमा मृत्युभएको उनका बाबु मेलीमहम्मद मियाले सञ्चारकर्मीलाई जानकारी दिनुभएको छ । उनको के कारणले मृत्यु भएको भन्ने जानकारी नआएको परिवारले जनाएको छ ।