त्रिसुलीमा बस खस्दा १४ को मृत्यु, १२ बेपत्ता

लिम्वूवान डट व्लगस्पोट डटकम,काठमाडौं

चितवनको मुग्लिङ-नारायणगढ खण्डको सडकबाट शुक्रबार राति एक यात्रु बस त्रिसुली नदीमा खस्दा १४ जना यात्रुको मृत्यु भएको छ । दुर्घटनामा २१ जना यात्रु घाइते भएको प्रहरीले जनाएको छ । अरु १२ जना यात्री हराइरहेका छन् । काठमाडौंबाट भैरहवा जाँदै गरेको लु१ख ३८०३ नम्बरको बस दुर्घटनामा परेको हो ।उक्त सडक खण्डको खहरे खोला भन्ने स्थानबाट शुक्रबार मध्यराति करिब सय मिटर तल त्रिसुली नदीमा खसेको थियो । घटनामा मृत्यु हुनेहरुको सनाखत भइसकेको छैन । घटनास्थलमा भेला भएका सेना, प्रहरी र स्थानीय बासिन्दाले उद्धार कार्य जारी राखेका छन् । बेपत्ता भएकाहरुको खोजी कार्य पनि भइरहेको प्रहरीले जनाएको छ ।