दार्जिलिङमा पुल खस्दा ३२ नेपालीभाषीको मृत्यु

लिम्वूवान डट व्लगस्पोट डटकम,काठमाडौं

दार्जिलिङ (भारत), कार्तिक ७ - दार्जिलिङको विजनबारीमा शनिबार साँझ ४० वर्ष पुरानो झोलुङ्गे पुल चुँडिँदा ३२ नेपालीभाषीको मृत्यु भएको छ । दुर्घटनामा ७० जनाभन्दा बढी घाइते भएका छन् भने ३५ भन्दा बढी बेपत्ता छन् । उनीहरूलाई नदीले बगाएको हुन सक्ने प्रहरीले जनाएको छ । मृत्यु भएका अधिकांश बालबालिका र महिला हुन् । दार्जिलिङ बजारबाट करिब ८० किलोमिटर टाढाको विजनबारी-चुङथुङ चिया बगान जोड्ने सानो रंगित नदीको पुल चुँडिँदा ३२ जनाको मृत्यु भएको हो । मृत्यु भएकाको संख्या अझ बढ्न सक्ने दार्जिलिङ प्रहरीको अनुमान छ ।