३ सय ५० यात्रु बोकेको डुङ्गा दुर्घटना

लिम्वूवान डट व्लगस्पोट डटकम,काठमाडौं

माघ १९ (एएफपी)– पपुआ न्यु गिनीमा बिहीबार लगभग ३ सय ५० यात्रु बोकेको डुङ्गा डुबेको छ। डुङ्गामा सवारमध्ये २८ जनाको उद्दार गरिएको भए पनि थुप्रै ज्यानमालको नोक्सान भएको अनुमान छिमेकी अष्ट्रेलियाले गरेको छ। बिहीबार बिहान डुङ्गाबाट मद्दतका लागि सङ्केत पठाइएको थियो। बिहीबार बिहान स्थानीय समयअनुसार लगभग ६ बजे एमभी राबाउल क्विनसँगको सम्पर्क टुटेको अपरेटर स्टार सिप्सले जनाएको छ। दुर्घटना हुँदा डुङ्गा प्यासिफिक नेशनको पूर्वतर्फ किम्बे र लीबीचमा थियो। दुर्घटनाको कारण खराब मौसम भएको बताइएको छ। 'अहिले अष्ट्रेलियाबाट उद्दार टोली त्यसतर्फ गएको छ। अहिलेसम्म कसैको मृत्युको खबर आइसकेको छैन'- स्टार सिप्सका प्रवक्ता जोन हि्वटनीले भने।