एमालेले जातीय संघीयता स्वीर्कादैनः उपाध्यक्ष भण्डारी

लिम्वूवान डट व्लगस्पोट डटकम,काठमाडौं

माघ १९ - एमालेका उपाध्यक्ष विद्यादेवी भण्डारीले जात विशेषको अग्राधिकार र नामांकनसहितको जातीय संघियता आफ्नो पार्टीले स्वीकार नगर्ने बताएकी छिन् । जातीय संघियताले साम्प्रदायिक द्वन्द्व निम्त्याउने दाबी गर्दै उनले भनिन्, 'बेलैमा बुद्धि पुर्याइएन भने देश जातीय युद्धतर्फ जान्छ ।' संक्रमणकाल लम्बिदा राजनीतिक पार्टीहरुभित्र पनि जातीय तथा साम्प्रदायिक भड्काउहरु आएको उपाध्यक्ष भण्डारीले दाबी गरिन् । संविधानसभा ककस पार्टीहरुका लागि सकस भईसकेको उनले बताईन् । उनको भनाई आदिवासी जनजाति सभासद् सभा (ककस) प्रति लक्षित थियो ।