प्रतिनिधि विवादले एमाओवादी अधिवेशनमा कुर्सी हानाहान

लिम्वूवान डट व्लगस्पोट डटकम,काठमाडौं 

प्रतिनिधि छनौटको विषयलाई लिएर एमाओवादी पर्सा जिल्ला अधिवेशनमा कुर्सी हानाहान भएको छ । संस्थापन पक्षले महाधिवेशन प्रतिनिधि छनौट हुनेको नाम भने लगत्तै असन्तुष्ट पक्षले मञ्चमा चढेर कुर्सी भाँच्दै तोडफोड गरेका हुन् । वीरगञ्जस्थित नगरसभागृहको मञ्चमा भएको तोडफोडमा ११ कुर्सी भाँचिएको बताइएको छ । प्रतिनिधि छनौटमा जिल्ला इन्चार्ज छत्रबहादुर श्रेष्ठले आफ्ना आसेपासेलाई छनोट गरेको भन्द असन्तुष्ट पक्ष विरोधमा उत्रिएका हुन् । उक्त विरोधपछि श्रेष्ठ, सहइन्चार्ज बाबुराम कौशिक सहितका नेताहरु फरार रहेका छन् । जनयुद्ध लडेर आएका त्यागी नेताहरुलाई पछि पारि आफ्ना आसेपासेलाई छनोट गरेको आरोप श्रेष्ठलाई लागेको छ । उक्त आरोप जिल्ला नेता बीगा चोरसिया, माओवादीका पूर्व सभासद् इस्लाम हवारीले लगाएका हुन् ।