इरानले अन्तरिक्षमा पठाएको बाँदर पृथ्वीमा अवतरण

लिम्वूवान डट व्लगस्पोट डटकम,काठमाडौं 

इरानले अन्तरिक्षमा पठाएको एक बाँदर सफलतापूर्वक पृथ्वीमा अवतरण गराइएको इरानको सरकारी समाचार संस्थाले उल्लेख गरेको छ। आफ्नो अन्तरिक्ष अभियानलाई सफल बनाउँन इरानले अन्तरिक्षमा बाँदर पठाएको थियो । बाँदरलाई सफलतापूर्वक पृथ्वीमा अवतरण गरेपछि इरानले आफ्नो अन्तरिक्ष परिक्षण सफल भएको दाबी समेत गरेको छ । इरानको सरकारी सञ्चार माध्ययम झर्नालाई उल्लेख गर्दै समाचार संस्थाहरुले लेखका छन् इरानको अन्तरिक्ष अभियान र केही दिनअघि होमुर्जको खाडीको मिसाइल परीक्षणको सफलताबाट इजरेल र अमेरिकीहरु सशंकित बनेका छन् । इरानले गत साता अन्तरिक्षमा पठाएको बाँदर सफलतापूर्वक पृथ्वीमा अवतरण गरेको दाबी गरेको हो । बाँदरलाई अन्तरिक्षबाट सफलतापूर्वक पृथ्वीमा अवतरण गरेको मिति सार्वजनिक नगरि त्यहाँको सरकारी सञ्चार माध्यमले इरानले बाँदरको प्रयोग गरेर अन्तरिक्ष यात्रामा सफलता प्राप्त गरेको बताएको छ । इरानले सन् २०११ मा नै अन्तरिक्ष अभियानलाई अगाडि बढाउँने बताए पनि २०१३ मा मात्र यस्तो परीक्षण गरेको हो ।