निर्वाचनपूर्व नै विजयी भएको दाबी

लिम्वूवान डट व्लगस्पोट डटकम,धरान

निर्वाचन प्रचार प्रसारको अन्तिम दिन सोमबार नेकपा माओवादीले पनि धरानमा प्रदर्शन गरेको छ । दिउासो १२ बजेदेखि भानुचौकबाट शुरु भएको प्रदर्शन छाताचौक, लक्ष्मीचौक हुादै फेरि भानुचौकमा आई कोणसभामा परिणत भएको थियो । कोणसभालाई सम्बोधन गर्दै नेकपा माओवादीका सुनसरी १ नं. क्षेत्रका इञ्चार्ज तथा कोचिला राज्य समितिका सदस्य मुक्साहाङ मेयाङबोले नेपाली जनताको गणतन्त्रको चाहानालाई माओवादीले मात्र पूरा गर्नसक्ने बताए । अन्य पार्टीहरुभन्दा आफ्नो पार्टीको दृष्टिकोण स्पष्ट भएकाले अबको नेपालको नेतृत्व माओवादीले गर्ने बताए । कार्यक्रमलाई सम्बोधन गर्दै सुनसरी क्षेत्र नं. १ का प्रत्यक्षतर्फका उम्मेद्वार किरणकुमार राईले नेकपा माओवादीको स्पष्ट नीतिका कारण विजय सुनिश्चित भएको बताए । यो निर्वाचनको विषयवस्तुतर्फ दलहरुलाई माओवादीले नै ल्याएकाले माओवादी यसअघि नै विजयी भइसकेको बताए । निर्वाचनको अन्त्यमा धाधली हुन सक्नेतर्फ सचेत गराउादै कोही त्यसैगरी आए प्रतिकार गर्न आग्रह गरे । कार्यक्रममा समानुपातिकका उम्मेद्वार अकलबहादुर मेयाङबोले एमालेको किल्ला भत्काएर माओवादीले आफ्नो बनाउने बताउनुभयो ।