नया सरकार शक्ति बाडफाडका आधारमा

लिम्वूवान डट व्लगस्पोट डटकम,कठमाडौं

राजालाई बिदाइ गरी शक्ति बाडफाडका आधारमा नया“ सरकार गठन गर्ने र त्यसको नेतृत्व आफूले गर्न पाउनुपर्ने माओवादीले निर्णय गरेको छ । केन्द्रीय समितिको सोमबार सुरु बैठकमा राज्य समितिका संयोजक र केन्द्रीय नेताहरूले रिपोर्टिङका आधारमा यो निर्णय लिएको नेताहरूले बताए । 'राजाको बिदाइपछि शक्तिका आधारमा नया सरकार गठन गर्ने निर्णय भएको छ,' सचिवालय सदस्य वर्षमान पुनले बैठकपछि लिम्वूवान डट व्लगस्पोट डटकमसंग भने- 'जनताले दिएको विश्वासका आधारमा हाम्रै पार्टी सरकारको नेतृत्व गर्नुपर्ने निष्कर्षनिकालिएको छ ।' निर्वाचनपछि प्रत्यक्ष्ँ र समानुपातिक गरी २ सय २० सिट ल्याई ठूलो दल बनेको माओवादी नेतृत्वले सरकारको खाका भने तय गरेको छैन । परामर्श र छलफलपछि सहमतिका आधारमा यो तय गरिने उनले बताए । सरकारको नेतृत्व गर्ने जनादेश माओवादीबाहेक कसैलाई नभएको नेता बाबुराम भट्टर्राईले बताए । सहमतिका आधारमा सरकार बनाउने गृहकार्य भइरहेको जानकारी दिदै उनले भने- 'कांग्रेसलाई सरकारको नेतृत्व गर्छु भन्ने नैतिक आधार छैन । संसारमा हारेको पार्टी नेतृत्व गरेको छैन ।' राजा पक्ष्ँधर पार्टी को समेत संविधानसभामा समानुपातिकतर्फप्रतिनिधित्व भएकाले तिनलाई अन्तरिम सरकारमा सहभागी नगराउने उनले बताए ।
राजाको बिदाइपछि दलहरूले प्राप्त गरेको सिटका आधारमा शक्ति निर्धारण गरिनेछ । पार्टी दसवर्षो जनयुद्ध, नया नेपालको खाकासहित अघि आएकाले मुलुकको ठूलो दल बन्न सफल भएको माओवादीले निष्कर्षनिकालेको छ । समानुपातिक उम्मेदवार निर्वाचन आयोगमा पठाउनेलगायत विषयमा निर्णय हुन नसकेकाले बुधबार ३ बजेसम्म बैठक स्थगित भएको छ । उम्मेदवार टुंगो लगाउन नेता रामबहादुर थापालाई जिम्मा दिइएको छ ।