आवश्यकताको सिद्धान्तमा प्रधानन्यायाधीश प्रम बन्न सक्छन्

लिम्वूवान डट व्लगस्पोट डटकम,काठमाडौं 

शीर्ष नेतासँगको छलफलमा कानुन व्यवसायिले आवश्यकताको सिद्धान्तका आधारमा प्रधानन्यायाधीशलाई प्रधानमन्त्री बनाउँन सकिने बताएका छन्। बिहिबार सिंहदरबारमा शीर्ष नेता र कानुन व्यवसायि बीचमा भएको छलफलमा कानुन व्यवसायिले आवश्यकताको सिद्धान्त अनुसार प्रधानन्यायाधीशलाई प्रधानमन्त्री बनाउँन सकिने बताएका हुन्। छलफलमा कानुन व्यवसायीले प्रधानन्यायाधीशको नेतृत्वमा चुनाबी सरकार बनाउनुअघि बाधा अड्काउ फुकाउन समेत शीर्ष नेतालाई सुझाव दिएका छन्। । कानुन व्यवसायिले आवश्यकताको सिद्धान्त अनुसार प्रधानन्यायाधीशलाई प्रधानमन्त्री बनाउँने सकिने भए पनि बाधा अड्काउ फुकाएर मात्र यो काम सम्भव हुने बताएका हुन् । नेपाल बार एसोसिएसनले बहालवाला प्रधानन्यायाधीशको नेतृत्वमा सरकार गठन गर्नु नहुने बताइरहेको भए पनि बारका पूर्व अध्यक्ष श्रीकान्त मैनालीले भने राजनीतिक सरोकारको विषय भएकाले बाधा अड्काउ फुकाउ गरेर प्रधानन्यायाधीशलाई प्रधानमन्त्री बनाउँन सकिने धारणा राखेका छन् ।