भारतमा मन्त्रीमण्डल हेरफेर बिदेशमन्त्रीमा सलमान खुर्सीद

लिम्वूवान डट व्लगस्पोट डटकम,काठमाडौं 

भारतीय प्रधानमन्त्री मनमोहन सिंहले बिदेशमन्त्रीमा सलमान खुर्सीदलाई नियुक्त गर्नुभएको छ । आइतवार भएको मन्त्रीमण्डल पुर्नगठनमा यसअघि कानुनमन्त्री रहेका ५९ बषिर्य खुर्सीदलाई बिदेशमन्त्रीको जिम्मेवारी दिइएको हो । कानुनमन्त्रीको जिम्मेवारी अश्विनी कुमारलाई दिइएको छ । युवालाई जिम्मेवारी दिने भन्दै बिदेशमन्त्री एसएम कृष्णासहित चारजना मन्त्री र दुई जना राज्यमन्त्रीले बिहीवार र शुक्रबार राजीनामा दिएका थिए । आइतवार बिहान राष्ट्रपति प्रणव मुखर्जीले नयाँ ७ मन्त्री र १३ राज्यमन्त्रीलाई सपथ गराएका छन् । नयाँ मन्त्रीमण्डलमा कांग्रेस महासचिव तथा भावी प्रधानमन्त्रीका रुपमा हेरिएका राहुल गान्धी निकट धेरै युवा नेताहरुले जिम्मेवारी पाएका छन् । कतिपय राज्यमन्त्रीहरुले फुल मन्त्रीको जिम्मेवारी पाएका छन् । भारतीय संचारमाध्यमहरुले नयाँ मन्त्रीमण्डलमा राहुलको छाप देखिएको टिप्पणी गरेका छन् । यो फेरबदललाई राहुललाई प्रधानमन्त्री बनाउने योजनाको महत्वपूर्ण कडी र सन् २०१४ मा हुने आमचुनावको तयारीका रुपमा लिइएको छ ।