News

Dec 27, 2007

अमेरिकामा चासोक तङनाम

लिम्वूवान व्लगस्पोट न्युयोर्कबाट सरिता लिम्बू
डिसेम्बर २४सात दलिय राजनैतिक सहमतिले देशमा उधारै भएपनि गणतन्त्रको सुनिश्चितता छाईरहेको बेला अमेरिकाको न्युयोर्क शहरमा किरात याक्थुङ चुम्लुङ अमेरिकाले गणतान्त्रिक नेपालमा लिम्बुवान (राज्य,प्रदेश वा प्रान्त) को प्राप्तिको लागि हाल लिम्बुवान क्षेत्रमा चलि रहेको आन्दोलनको औचित्य र लिम्बुवानवासिहरुको भुमिका विषयक एक अन्तरक्रिया कार्यक्रम सम्पन्न गरेको छ ।ऐतिहासि पृष्ठभुमि आधारमा रहेको लिम्बुवानको ईतिहास सिमाना क्षेत्रफल जनसँख्या र लिम्बुवानको नाम पुनस्थापनाको लागि सँघर्षरत सामाजिक साँस्कृतिक र राजनैतिक संघ संस्थाहरुको बारेमा किरात याक्थुङ चुम्लुङ अमेरिकाका उपाध्यक्ष नगेन्द्र ईङनामले संक्षिप्त रुपमा जानकारी दिनुभएको थियो भने मानवशास्त्रमा विधावारिधी गर्दै गर्नु भएका याक्थुङ चुम्लुङका भुतपुर्ब केन्द्रिय सदस्य डम्बर चेम्जोरु र चुम्लुङकै भुतपुर्ब केन्द्रिय सदस्य तथा चुम्लुङ अमेरिकाका सल्लाहकार बिनोद पोमो लिम्बुले उपाध्यक्ष ईङनामबाट उठाईएका विषयवस्तुमाथि टिप्पणि गर्नु हुंदै लिम्बुवान क्षेत्र एक जाती र भाषीकोमात्र नभएर सम्पूर्ण लिम्बुवानवासिहरुको साझा भएकोले सबै तह र तप्काकाबाट लिम्बुवान नामाकरणको लागि आन्दोलनलाई साथ दिन एकशुत्रमा बाँधिन आग्रह गरेका थिए । याक्थुङ चुम्लुङको कार्यालयमा दुइ चरणमा विभाजित सो दिनको कार्यक्रममा पहिलो चरणमा चुम्लुङ अमेरिकाका कोषाध्यक्ष जुद्ध लिम्बूले चासोक तङनामको बारेमा बोलिसकेपछि विशेष चाड चासोक तङनाम न्वागि पूजा सामुहिक रुपमा गरिएको थियो । परम्परा बमोजिम प्राकृति भूमि र पितृको सम्मानमा नयाँ अन्न चढाएर पूजा गरेर ईष्ट देवसँग नयाँ अन्न खाने अनुमति लिने प्रचलनसँगै लिम्बु जातिले मङसिर पुर्णिमाको दिन यो पर्ब मनाउँदै आएका हुन । सोहि अवसरमा याक्थुङ चुम्लुङ अमेरिकाको टेक्सास चुम्लुङ शाखाले पनि चासोक तङनाम न्वागि पूजा भब्यताकासाथ मनाएको शाखाका अध्यक्ष सरोज तुम्बाहाङफेले खबर दिएका छन ।महासचिव दिपेस लिम्बू र सचिब बिक्रम लिम्बूले सँचालन गरेको कार्यक्रममा चुम्लुङ अमेरिकाका सदस्य कर्ण बहादुर लिम्बू र कराँते खेलाडी चेत बहादुर सुब्बालाई आ-आफ्ना कार्य सफलताको लागि बधाई-पत्र प्रदान गरिएको थियो । याक्थुङ चुम्लुङ अमेरिकाका अध्यक्ष पूर्ण बहादुर लिम्बूले सम्पुर्ण उपस्थित दाजुभाइ दिदीबहिनी र वक्ताहरुलाई धन्यवाद ज्ञापन गर्दै चासोक तङनामको शुभकामनाकासाथ कार्यक्रमको अन्त्य गरेका थिए ।

No comments: