ने.क.पा एमाले सरकारबाट फिर्ता हुने

लिम्वूवान डट व्लगस्पोट डटकम,काठमाडौं

संबिधानसभा निर्वाचनमा लज्जास्पद पराजयको सामना गर्नु परेको नेकपा एमालेले नैतिकताको आधारमा सरकारबाट फिर्ता हुने निर्णय गरेको छ। आज बसेको स्थायी समितिको बैठकले सरकारबाट फिर्ता हुने निर्णय गरेको हो। त्यसैगरी, माधवकुमार नेपालले महासचिवको पदबाट राजीनामा दिएपछि कार्यवाहक महासचिवका रुपमा अमृत बोहोराले जिम्मेवारी लिने भएका छन्। माधवकुमार नेपालको राजीनामा भने केन्द्रीय कमिटीको आगामी बैठकमा पेश गरिने जनाएको छ। सो अवधिमा बोहोरा कार्यवाहक सभापतिका रुपमा रहने छन्। त्यसैगरी आज बसेको स्थायी समितिको बैठकले सरकारमा रहेका मन्त्रीहरुलाई सामूहिक रुपमा फिर्ता गराउने निर्णय गरेको छ।यो निर्वाचनमा एमालेका शीर्ष तथा प्रभावशाली नेताहरु एकपछि अर्को गर्दै पराजित भएका छन् भने एमालेका लालकिल्ला भनिने कयौं ठाउंहरुबाट एमालेले पराजयको सामना गर्नु परेको छ।