अपरान्ह प्रधानमन्त्री निवासमा धर्ना

लिम्वूवान डट व्लगस्पोट डटकम,काठमाडौं 

मानव अधिकार, शान्ति, लोकतन्त्र र अहिंसाको पक्षमा निरन्तर क्रियाशील मानवअधिकार तथा शान्ति समाजले "संविधान सभा विघटनको मूल दोषी सरकार प्रमुखका रुपमा प्रधानमन्त्री डा. बाबुराम भट्टराई रहेको ठहर गर्दै प्रधानमन्त्री निवास अगाडी २०६९ साल श्रावण ३ गते बुधवार अपरान्ह साँढे चार बजे धर्ना तथा विरोध प्रदर्शन आयोजना गरेको छ। समाजले संविधान सभा विघटनको दोषी प्रमुख राजनीतिक दलहरुको नेतृत्व पंक्ति हो भने मूल दोषी सरकार प्रमुखका रुपमा प्रधानमन्त्री डा. बाबुराम भट्टराई हुन्” भन्ने धारणा सार्वजनिक गरिसकेको छ । स्वतन्त्रता हाम्रो प्राण हो, यो प्राण हर्ने नियत बोकेकाहरुलाई समयमै चिन्न र उदाङ्गो पार्न हामी सबैलाई समाजले आग्रह गरेको छ। उक्त धर्नामा सहभागिताको लागि समाजले आमन्त्रण गरेको छ।