अमेरिकी सेनाले हाइपरसोनिक जेट वेबराइडर विमानको परीक्षण

लिम्वूवान डट व्लगस्पोट डटकम,काठमाडौं

अमेरिकी सेनाले प्रशान्त महासागरमा हाइपरसोनिक जेट वेबराइडर विमानको परीक्षण गरेका छन् । उक्त परीक्षणको उद्देस्य विमानले प्रति घण्टा ६ हजार ९ किलोमिटरको गतिमा उडान भर्न सक्छ वा सक्दैन भन्ने हेर्नु रहेको जनाइएको छ । यो बेगमा विमानले लन्डनदेखि न्युयोर्कसम्मको दुरी एक घण्टामा तय गर्नेछ । वेबराइडरको उक्त परीक्षण उडान नतिजा चाँडै आउने अपेक्षा गरिएको छ । पेन्टागन र नासाले यस प्रविधिलाई अहिलेको भन्दा तीब्र गतिको प्रक्षेप्यास्त्र विकशित गर्नमा प्रयोग गर्ने योजना बनाएको छ । वेबराइडरले आफ्नो पहिलो परीक्षण उडान सन् २०११ मा भरेको थियो तर त्यतिबेला यसले लक्ष्य अनुरुप गति लिन सकेको थिएन । वेबराइडर परियोजना हाइपरसोनिक विमान विकाश परियोजना अन्तर्गतका थुप्रै परियोजना मध्यका एक हुन । यो अनुसन्धानको मद्दलबाट अहिलेको तुलनामा अत्यन्त तीब्र गतिमा उडान भर्न सकिने यात्रुबाहक विमानको विकाश गर्नु हो । वेवराइडर एक मानवरहित विमान हो । यसलाई अमेरिकी सेनाले बी–५२ बमबर्षक विमानको मद्दतले क्यालिफोर्नियास्थित एडवड्र्स अड्डाबाट परीक्षण गरिएको थियो । बी-५२ बमबर्षकले वेबराइडरलाई ५० हजार उचाईमा पुर्‍याई इन्जिन बन्द रहेकै अवस्थामा खसालिएको र त्यसको चार सेकेन्डपछि उसको इन्जिन आफै चालु भएको थियो ।