फिलिपिन्समा बाढीमा परी सोह्र जनाको मृत्यु

लिम्वूवान डट व्लगस्पोट डटकम,काठमाडौं

फिलिपिन्समा गत चौबीस घन्टामा लगातार वर्षाका कारण आएको बाढीमा परी मृत्यु हुनेको संख्या सोह्र पुगेको छ। बाढीबाट राजधानी मनिला प्रभावित भएको छ। मनिलाका करिब असी हजार नागरिकलाई सुरक्षित स्थानमा राखिएको छ। राष्ट्रपति बेनिग्नो एकुनोले राजधानीमा उद्दार कार्य जारी रहेको बताउंदै नागरिकहरुलाई प्राकृतिक विपत्तिको समना गर्न आग्रह गरेका छन्। कतियय नागरिकहरु अझै पनि घरका छनामा फंसेको अवस्थामा रहेको बताइएको छ। गत साता आएको हावाहुरी र बाढीमा परी एकाउन्नजनाको मृत्यु भएको थियो। बाढीका कारण राजधानी मनिला पूरै अस्तव्यस्त भएको छ। सम्पूर्ण विद्यालय, कलकारखाना, सरकारी तथा निजी कार्यालय बाढीका कारण बन्द भएका छन्।