ओबामाद्वारा सिरियालाई चेतावनी

लिम्वूवान डट व्लगस्पोट डटकम,काठमाडौं 

अमेरिका - अमेरिकी राष्ट्रपति बाराक ओबामाले सिरियाले विद्रोहीविरुद्ध रासायनिक हतियार प्रयोग गरे आफू चुप लागेर नबस्ने चेतावनी दिएका छन्। रासायनिक हतियारको प्रयोग अमेरिकाको लागि समेत खतराको संकेत हुने भन्दै ओबामाले त्यसलाई रोक्न आफ्नो देशले भूमिका खेल्ने बताउनुभयो। सिरियाका अधिकारी रासायनिक हतियार प्रयोग गर्ने पहलमा रहेको संकेत मिलेको बताउँदै ओबामाले अमेरिकाले यस्ता गतिविधिलाई सुक्षम रुपमा नियालिरहेको बताए। ओबामाले सिरियाले रासायनिक हतियार प्रयोग गरे त्यसले भू-राजनीतिक समिकरण बिगार्ने भएकाले त्यस्तो अवस्थामा सैन्य हस्तक्षेप गर्नुको विकल्प नभएको प्रष्ट पार्नुभयो ।