लिम्वूवानको ढाट हटाइयो

लिम्वूवान व्लगस्पोट डटकम काठमाडौँ प्रतिनिधि

सङ्घीय लिम्बुवान राज्य परिषद्ले धनकुटामा ढाट राखी कर संकलन गरिरहेकोमा प्रहरीले हस्तक्षेप गरी ढाट हटाइ दिएको छ । कोसी राजमार्गको धरान- धनकुटा सडकको सिमसुवा खण्डमा ढाट राखी एक साता अघिदेखि सङ्घीय लिम्बुवान परिषद्ले कर उठाउँदै आएकोमा प्रहरीले हस्तक्षेप गरी ढाट उठाई कर संकलन कार्य बन्द गरिदिएको जिल्ला प्रहरी कार्यालय धनकुटाका प्रहरी नायव उपरीक्षक नरबहादुर केसीले बताउनुभयो । सङ्घीय लिम्बुवान राज्य परिषद्का कार्यकर्ताहरुले प्रहरी हस्तक्षेपको विरोध गर्दै लिम्बुवान राज्यमा कर उठाउनु आफ्नो अधिकार रहेको बताएका छन् । उक्त सडक खण्डमा लिम्बुवान राज्य परिषद्ले ढाट राखी सवारी साधनहरुमा विभिन्न सामग्रीहरुको प्रति किलो ५० पैसादेखि रु.दुइ हजारसम्म कर उठाउदै आइरहेका थिए ।