समावेशी, मधेसी, जनजाति र दलितलाई छुट्टै कोटा सहित सशस्त्र प्रहरीमा भर्ना खुल्यो

लिम्वूवान व्लगस्पोट काठमाडौं

सशस्त्र प्रहरी बलमा इन्स्पेक्टर, अर्सइ, जवान र परिचर पदमा भर्ना खुलेको छ । रिक्त प्रशासन तथा प्राविधिक विभिन्न पदमा दरखास्त आवेदन दिने म्याद आजदेखि माघ ८ सम्म तोकिएको छ । आज प्रकाशित सूचनाअनुसार निरीक्षक पदमा ४० जना, सहायक निरीक्षक पदमा ७५ जना, जवानमा १६ सय र परिचरमा १५७ जना माग गरिएको छ भने प्राविधिक निरीक्षक -चिकित्सक) तर्फ५ जना र दन्त चिकित्सकतर्फ१ जनाका लागि दरखास्त आहृवान गरिएको छ ।सशस्त्र प्रहरीमा पहिलोपटक कोटा विभाजन गरेरै माग गरिएको विज्ञापन सूचनामा समावेशीतर्फइन्स्पेक्टर १८, अर्सइ ३४, जवान ७२० र परिचर ७१ छन् भने महिला आरक्षण कोटामा इन्स्पेक्टर ३ जना, अर्सइ ७ जना, जवान १४४ र परिचर १४ जना छुट्टयाएरै विज्ञापन गरिएको छ । त्यस्तै, जनजाति/आदिवासीतर्फइन्स्पेक्टरमा ६ जना, अर्सइ ११ जना, जवान २३० र परिचर २३ छन् भने मधेसी समुदायबाट ५ इन्स्पेक्टर, ९ अर्सइ, २०२ जवान र २० परिचर छुट्टयाइएको छ । यसैगरी दलिततर्फइन्स्पेक्टर ३, अर्सइ ५, जवान १०८ र परिचर ११ तोकिएको छ भने पिछडिएको क्षेत्रबाट १ इन्स्पेक्टर, २ अर्सइ, ३६ जवान र ३ परिचर आरक्षित गरिएको छ ।यस्तै, खुल्ला तर्फाट २२ इन्स्पेक्टर, ४१ अर्सइ, ८८० जवान र ८६ परिचर माग गरिएको छ भने प्राविधिक इन्स्पेक्टर दन्त चिकित्सक १ जना खुलातर्फमाग गरिनुका साथै ५ चिकित्सकमध्ये समावेशीतर्फाट २, जनजाति/आदिवासीका तर्फाट १ जना, मधेसीबाट १ र खुलातर्फाट ३ जना माग गरिएको सूचनामा जनाइएको छ । संविधानसभा निर्वाचन घोषणाकै मुखमा दरखास्त माग गरिएको सशस्त्र प्रहरीले चुनाव अवधिमा छनोट कार्य गर्छ/गर्दैन त्यसबारे भने टुंगो छैन ।