नेपालको लिम्बुवान प्रान्तीय राज्यमा एक अर्को संगठन गठन

लिम्वूवान डट व्लगस्पोट डटकम

भर्खरै मात्र प्राप्त समाचार अनुसार संघीय प्रजातान्त्रिक नेपालको लिम्बुवान प्रान्तीय सरकारबाट केन्द्रीय सरकारमा बहालवाला स्वास्थ्य कर्मचारीहरुले हालसालै एक संगठन खोली कार्यक्रम सञ्चालन गर्न लागेका छन् । उक्त नयां संगठनको नाम स्थानीय सरकारी भाषा लिम्बू याक्थुंपान्मा राखिएको छ भने त्यसलाई मुजोःत्लुं अर्थात केन्द्रीय भनिएकोछ । यो संगठन माओवादी पार्टीसंग निकट रही काम गर्ने उद्देश्यले खोलिएको कुरा सम्बद्ध सुत्र बताउंछन् । संघीय प्रजातान्त्रिक नेपालको संरचना भित्र पर्ने यस नेपाल लिम्बुवान प्रान्तको पूर्णता प्राप्तिको लागि लड्ने भन्ने बुझिएको छ भने सांचो अर्थमा यसको प्राप्तिको लागि लड्ने पार्टी माओवादी नै भएको कुरा ठहर समेत गरेकोछ ।