संबिधानसभाको म्याद थप्न एमाले सहमत

लिम्वूवान डट व्लगस्पोट डटकम,काठमाडौं
१४ मे, २०१०,नेकपा एमालेले राजनीतिक दलहरुसँग सहमति कायम गरी संबिधानसभाको समयावधि थप्न गम्भिर छलफल अघि बढाउने निर्णय गरेको छ । आज बसेको एमाले संसदीय दलको बैठकले संविधानसभाको म्याद बढाउन सबै दलसँग सहमति कायम गरी अगाडि बढ्ने निर्णय गरेको हो । बैठकमा कार्ययोजना र आवश्यक समय कति हो भन्ने निर्क्यौल गरेरमात्र समय थप्नुपर्नेमा बहस केन्द्रित भएको थियो ।
बैठकमा सांसदले संविधानसभाको म्याद कार्ययोजनाका आधारमा मात्र थप्नुपर्ने र संविधान लेखनका लागि कति समय आवश्यक हो, त्यसबारे दलीय सहमति कायम गर्नुपर्नेमा जोड दिएको बताइएको छ ।
बैठकको प्रारम्भमा पार्टी अध्यक्ष झलनाथ खनालले संविधान निर्माण, शान्ति प्रक्रियालगायत मुलुकका समसामयिक विषयबारे बैठकलाई जानकारी गराएका थिए।बैठकमा आठ सांसदले भनाइ राखेका थिए। बैठकमा प्रधान मन्त्री माधवकुमार नेपाल पनि उपस्थित थिए।