अनिश्चितकालीन बन्दका कारण धनकुटामा लाखौँ रुपैयाँ बराबरको नोक्सान

लिम्वूवान डट व्लगस्पोट डटकम, काठमाडौँ प्रतिनिधि

सङ्घीय लिम्बुवान राज्य परिषद्ले आह्वान गरेको अनिश्चितकालीन बन्दका कारण आज बार्‍हौँ दिनसम्म पनि धनकुटामा कुनै पनि यातायातका साधन नचलेका कारण कृषकले उत्पादन गरेका ताजा तरकारी तथा दूध ढुवानी गर्न नपाई लाखौँ रुपैयाँ बराबरको नोक्सान भएको छ । सिधुवा लगायतका क्षेत्रबाट प्रत्येक दिन ७ /८ ट्रक ताजा तरकारी र हजारौँ लिटर दूध धरान,विराटनगर,झापालगायत छिमेकी राष्ट्र भारत,बङ्गलादेशमा आपूर्ति हुने गरेकामा अहिले बन्दका कारण तरकारी तथा दूध ढुवानी गर्न नसक्दा लाखौँ रुपैयाँ बराबरको क्षति भैरहेको बताइएको छ।
लगातार बन्दका कारण पूर्वी पहाडी जिल्लामा दैनिक खाद्यान्न सामाग्री,पेट्रोलियम पदार्थ ढुवानी गर्न नसक्दा ती सामग्रीको अभाव देखिएको छ । दैनिक सामाग्री ढुवानी हुन नसकेका कारण दैनिक उपभोग्य समाग्री र पेट्रोलियम पदार्थको एक्कासि मूल्यवृद्धि भएकाले उपभोक्ता मारमा परेका छन् ।