हड्ताल फिर्ता लिन माग

लिम्वूवान डट व्लगस्पोट डटकम, काठमाडौँ प्रतिनिधि

सङ्घीय गणतान्त्रिक राष्ट्रिय मोर्चा नेपाल सम्बद्ध सात समूह, सङ्घीय खुम्बुवान राज्य परिषद्लगायतले विभिन्न माग राखी आजदेखि अनिश्चितकालीन आम हड्तालको घोषणा गरेको समाचारप्रति नेपाल मानवअधिकार सङ्गठनको गम्भीर ध्यानाकर्षण भएको जनाएको छ। सो सङ्गठनले एक अपिल प्रकाशन गरी बन्दबाट पूर्वी तराईलगायत पूर्वी पहाडी भागमा नागरिक जनजीवनमा गम्भीर असर पर्नेतर्फ सम्बन्धित सबैको ध्यानाकर्षण गराउँदै आन्दोलनकारीहरूका मागलाई उचित सम्बोधन गर्न सरकारसमक्ष माग गरेको छ।
विज्ञप्तिमा यस्ता कार्यले सर्वसाधारण नागरिक र विद्यार्थीलाई नकारात्मक प्रभाव पार्ने हुँदा बन्दका कार्यक्रम फिर्ता गरी संवादको माध्यम खोज्न सङ्घीय गणतान्त्रिक राष्ट्रिय मोर्चा-नेपालसमक्ष अपिल गरिएको छ।