संघीय लोकतान्त्रिक राष्ट्रिय मञ्चको - प्रेस विज्ञप्ति

संघीय लोकतान्त्रिक राष्ट्रिय मञ्च आवद्ध संघीय गणतान्त्रिक राष्ट्रिय मोर्चामा संलग्न विभिन्न राजनीतिक संगठनहरूको फागनु १ गते देखिको अनिश्चितकालीन आमहडताल जारिरहको छ । सफल, सार्थक र परिणाममुखी संविधानसभाको निर्वाचनका लागि चुनावअगावै राजतन्त्रको समूल अन्त्य गरी संघीय लोकतान्त्रिक गणतन्त्रको कार्यान्वयन; संविधान सभाको प्रयोजनका लागि जातीय जनसङ्ख्याको आधारमा पूर्ण समानुपातिक निर्वाचन प्रणालीको व्यवस्था; जाति, भाषा र क्षेत्रको ऐतिहासिक पृष्ठभूमिको आधारमा आत्मनिर्णयको अधिकारसहितको स्वायत्त गणराज्यहरूको सुनिश्चितता र मोर्चाको आन्दोलनमा लिम्बुवान र मधेशमा राज्यद्वारा हत्या गरिएका कार्यकर्ताहरूलाई राष्ट्रिय शहीद घोषणा गरी परिवारलाई उचित क्षतिपूर्ति दिएर घाइतहे रूलाई उपचार गर्नुपर्ने लगायतका मागहरू सरकार समक्ष राखेर मोर्चा र आवद्ध संगठन तथा मञ्च र सम्वद्ध राज्य परिषदहरूको शान्तिपूर्ण सशक्त आन्दोलन अझ उत्कर्षा अघिबढिरहेको छ । शान्तिपुर्ण सशक्त अनिश्चितकालीन आमहडताल सफलतापूर्वक आज सातौ दिन पार गरिसक्दा पनि
सरकारले सम्बोधन गर्नुको सट्टा व्यापक दमन र धरपकडमा उत्रिएकाले उपरोक्त राजनीतिक सवाहरूको सम्बोधन, कार्यान्वयन र सुनिश्चितताका नगरी गरिने कथित संविधान सभाको चुनावको कुनै सार्थकता र औचित्य नरहने ठहर गरी भोलि फागुन ८ गतेदेखि घोषित निर्वाचनका कुनै पनि कार्यक्रममा सहभागिता नजनाउने र त्यस्तो कार्यक्रमको सशक्त अवज्ञासमते गरिने कुरा सम्वद्ध सबैमा जानकारी गराउन चाहन्छौ ।आन्दोलनको क्रममा आदिवासी जनजाति, मधेशी, दलित र महिलालगायत सम्पूर्ण राष्ट्रिय मुक्तिको नाउँमा जो कोहीले जस्तोसुकै फरक कार्यक्रमको घोषणा गरे वा फिर्ता लिए पनि यस मोर्चाको मागहरू पूरा नभएसम्म हाम्रो आन्दोलन निरन्तर जारिरहने छ । शान्तिपूर्ण आन्दोलनमा सरकारद्वारा व्यापक धरपकड गरी गिरफ्तार गरिएका सबै नेता तथा कार्यकर्ताहरूलाई विनार्सत तुरुन्त रिहा गर्न गराउनका लागि सरकार, नागरिक समाज, कूटनीतिक नियोग, मानव अधिकारवादी सघं सगं ठन र समस्त सञ्चार जगतमा हादिर्क अनुरोध गदछौ ।
धन्यवाद !
...........................
डीबी आङबुङ लिम्बू
सचिवः प्रचार-प्रसार
संघीय लोकेकतान्त्रिक राष्ट्रिय मञ्च