संघीय लोकतान्त्रिक राष्ट्रिय मञ्चको - प्रेस विज्ञप्ति

सार्थक, सफल र परिणाममुखी संविधानसभाको निर्वाचनका लागि चुनावअगावै राजतन्त्रको समूल अन्त्य गरी संघीय लोकतान्त्रिक गणतन्त्रको कार्यान्वयन; संविधानसभाको लागि जातीय जनसङ्ख्याको आधारमा पूर्ण समानुपातिक निर्वाचन प्रणालीको व्यवस्था; जाति, भाषा र क्षेत्रको ऐतिहासिका पृष्ठभूमिको आधारमा आत्मनिर्णयको अधिकारसहितको स्वायत्त गणराज्यहरूको सुनिश्चितताका साथै मोर्चाको आन्दोलनमा सरकारद्वारा हत्या गरिएका कार्यकर्ताहरूलाई शहीद घोषणा गरी उचित क्षतिपूर्ति दिनुपर्ने लगायतका मागहरू सरकारसमक्ष राखेर अहिले संघीय गणतान्त्रिक राष्ट्रिय मोर्चामा आवद्ध विभिन्न राजनीतिक संगठनहरूको निश्चितकालीन आमहड्ताल जारिरहेको छ ।आन्दोलनरत मोर्चामा आवद्ध यस संघीय लोकतान्त्रिक राष्ट्रिय मञ्च तथा यससंग सम्वद्ध संघीय लिम्बुवान राज्य परिषद र तामाङसालीङ स्वायत्त राज्य परिषदलगायतको आन्दोलन थप उत्कर्षा पुग्नलागेको छ । लिम्बुवानमा आन्दोलनरत मञ्चसम्वद्ध संघीय लिम्बुवान राज्यपरिषदको अनिश्चितकालीन आमहडताल विभिन्न अवराधे हरूलार्इ परास्त गर्दै सफलतापवूर्क अघिबढिरहेको छ ।
वर्तमानको कथित सातदलीय लोकतान्त्रिक सरकारले 'जनआन्दालन २' को भावना र मर्मलाई बिर्सेर आफ्ना जायज मागहरू राखी आन्दोलनमा रहेका संगठनहरूको सवाललाई सम्बोधन गरेर जानुको सट्टा उल्टै निरङ्कुश शाही सरकारकै शैलीमा दमन र धरपकडको नीति लिइरहेको छ । यसैक्रममा, आजैमात्र लिम्बुवानका विभिन्न ठाउँबाट तीन दर्जनभन्दा बढी नेता तथा कार्यकर्ताहरूलाई गिरफ्तार गरिएको छ । आइतबार साँझ झापाको दमकमा खाना खाइरहेको अवस्थामा आई अमानवीय तवरले लिम्बुवानका नेता तथा कार्यकर्ताहरू थाङसाङ लाओती, सचिवालय सदस्य; चन्द्र नेम्बाङ झापा जिल्ला सचिव; सम्शेर तिगेला, झापा जिल्ला सदस्य; सुमन लाओती, भाइचुङ लिम्बूलगायत २७ जना; झापाकै धुलाबारीबाट मानबहादुर साँवा, झापा जिल्ला अध्यक्ष; इन्द्र योङहाङलगायत ५ जना; र विर्तामोडबाट ज्वाला इम्बुङलगायत लगायत ३ जना गरी जम्मा तीन दर्जनभन्दा बढी कार्यकर्ताहरू गिरफ्तार गरिएका छन् ।यो सर्वसत्तावादी सरकारको यस्तो दमलले लिम्बुवानलगायत आन्दोलनरत सबै संगठन र त्यसका नेता तथा कार्यकर्ताहरूलाई निष्तेज पार्नको सट्टा झनै आक्रोसित बनाएको छ । सरकारको यस्तो नीतिकोविरुद्ध झनै सशक्तताकासाथ आमहड्तालको कार्यक्रमलाई थप उचाइमा पुर्‍याउने प्रतिवद्धताका साथ सम्पूर्ण आन्दोलनरत संगठनहरूलाई साम्प्रदायिक सद्भाव नभडक्ने गरी धर्यै तापवूर्क शान्तिपर्ण आन्दोलनमा लागिरहन आगह्र गर्दछौ । जनताका आधारभतू आवश्यकताका साधनहरू विजुली र इन्धनसमेत नभएको बेलामा लाचार बनी त्यसको समाधान गर्नको सट्टा सरकार एकोहोरो आन्दोलनको दमनमा उत्रिरहेको यो संवेदनशील अवस्थामा सम्पूर्ण सर्वसाधारण जनतालाई धैर्यधारण गरी हाम्रो आन्दोलनमा थप बल पुर्‍याई ऐक्यवद्धता जनाई दिनहनु समते हार्दिक आगह्र गर्दछौ ।
जनताको पीडा र भावनालाई बुझेर जानुपर्ने सरकार यसरी उल्टै हिङसा र दमनमा उत्रिरहको बेला जनताकै सुरक्षार्थ खटिएका प्रहरी र सेनाबाट असुरक्षित हुने अवस्थामा गिरफ्तार गरिएका हाम्रा सम्पूर्ण कर्ताहरूको सुरक्षा, मानव अधिकारको निगरानी र विनासर्त तुरुन्त रिहाइका लागि पहल र सहयागे गरिदिन हनु यसै प्रेस -विज्ञप्तिमार्फत आम नागरिक समाज, मानव अधिकारवादी संघ संगठन र पत्रकार जगतमा हार्दिक अनुरोध गर्दछौ ।
धन्यवाद !
...........................
डीबी आङबुङ लिम्बू
सचिवः प्रचार-प्रसार
संघीय लोकतान्त्रिक राष्ट्रिय मञ्च