नासाले चन्द्रमामा पठाएको दुई उपग्रह ध्वस्त गर्यो

लिम्वूवान डट व्लगस्पोट डटकम,काठमाडौं 

वाशिंटन - अमेरिकी अन्तरिक्ष एजेन्सी नासाले चन्द्रमाको अध्ययनको लागि पठाएको दुई वटा उपग्रहलाई त्यहीँ ध्वस्त गरेको छ । चन्द्रमाको उत्तरी ध्रुवको नजिक रहेको एक पहाडमा ठोक्काएर उक्त उपग्रहलाई ध्वस्त गरिएको हो । चन्द्रमाको संरचना जान्नको लागि उपग्रहलाई ध्वस्त पारिएको हो । समाचार एजेन्सी आरआईए नोवोस्तीको अनुसार ग्रेविटी रिकवरी एन्ड इन्टेरियर लेबोरेटरी (जीआरएआईएल) मिशनको 'ऐब्व' र 'फ्लो' नामको उपग्रह चन्द्रमाको कक्षमा नै रहेका थिए । त्यसैले मिशन इन्जिनियरले त्यसमा थोरै ईन्धन भरेका थिए । सोमबार एक विज्ञप्ति जारी गरि नाशाले यस्तो बताएको हो । ४९.६ करोड डलरको जीआरएआईएल मिशनको सुरुवात सेप्टेम्बर २०११ मा भएको थियो । उक्त दुई उपग्रहको मुख्य काम चन्द्रमाको गुरुत्वाकर्षण क्षेत्रको मापन गर्ने थियो जुन काम यही वर्षको मार्च देखि मे महिनामा पूरा भएको थियो ।