महिला हिंसा रोक्न बालुवाटारमा बैठक

लिम्वूवान डट व्लगस्पोट डटकम,काठमाडौं 

१५ पुस,देशमा महिला हिंसासम्बन्धी घटना बढ्दै गएपछि प्रधानमन्त्री डा. बाबुराम भट्टराईले आइतबार बिहान प्रधानमन्त्री निवास बालुवाटारमा प्रहरी प्रमुख, मुख्य सचिव तथा केही मन्त्रालयका सचिवहरुलाई बोलाइएर छलफल थाल्नुभएको छ । छलफलका लागि प्रहरी महानिरीक्षक, सशस्त्र प्रहरी महानिरीक्षक, मुख्य सचिव, सम्बन्धित मन्त्रालयका सचिवहरु र महिला सेलका अधिकारीहरु बिहान ९ बजे बालुवाटार प्रवेश गरेका छन् । महिलामाथि हिंसाका घटनाहरु बढेका र दोषीमाथि कारवाही नभएको भन्दै महिला अधिकारकर्मीहरुले शनिबार धर्ना दिएपछि प्रधानमन्त्रीले वास्तविकता बुझ्न भन्दै छलफलको आयोजना गर्नुभएको बालुवाटार स्रोतले अनलाइनखबरलाई बतायो